Jón Valur Jensson allur Jakob Bjarnar skrifar 7. janúar 2020 15:14 Jón Valur Jensson var mikill baráttumaður fyrir hugsjónum sínum. Jón Valur Jensson guðfræðingur og bloggari varð bráðkvaddur um helgina. Jón Valur hefur látið til sín taka með afgerandi hætti í þjóðmálaumræðunni undanfarin árin og er hann þjóðþekktur sem slíkur. Hans vettvangur var einkum Moggabloggið þar sem hann var afar duglegur að viðra sjónarmið sín og vitnaði Morgunblaðið reglulega til skrifa hans. Þá var Jón Valur reglulega kallaður til álitsgjafar í beina útsendingu á Útvarp Sögu. Skotspónn herskárra guðleysingja Á bloggsíðu sinni, sem hann hélt úti um árabil af miklum krafti og lá hvergi á skoðunum sínum gerir hann grein fyrir sér svona: „Jón Valur Jensson candid. theol. ('the candid theologian'), áhugamaður um dýrmætt sjálfstæði lands og þjóðar, þjóðfélagsréttlæti, kristna stjórnmálastefnu og arf Jóns Sigurðssonar forseta. Var í hópi virkustu manna í andspyrnunni gegn Icesave og berst einarður gegn innlimun landsins í ESB. -- Ljóðskáld, prófarkalesari, forstöðumaður Ættfræði-þjónustunnar og Lífsréttar, upplýsingaþjónustu um lífsverndarmál.“ Þarna er tæpt á helstu baráttumálum og viðfangsefnum Jóns Vals í gegnum tíðina en hann var virkur félagi í samtökunum Heimsýn, sem hafa barist hatrammlega gegn hugsanlegri aðild Íslands að Evrópusambandinu. Rætt var við Jón Val í Harmageddon TV árið 2014 á ráðstefnu ESB andstæðinga. Rætt er við Jón Val þegar um fjórar mínútur eru liðnar af innslaginu. Í alþjóðamálum var Jón Valur fylgjandi Brexit og þá taldi hann Donald Trump Bandaríkjaforseta ekki njóta sannmælis. Sjálfur sagðist hann oft vera „skotspónn vinstri manna, Icesave-borgunarsinna, ESB-innlimunarsinna og herskárra guðleysingja.“ Afgerandi afstaða í viðkvæmum málum En, það voru ekki síst sjónarmið hans í málefnum innanlands sem gerðu hann umdeildan en í þeim efnum leit Jón Valur til Biblíunnar og vildi þá á stundum túlka hana bókstaflega. Hann var til að mynda eindreginn andstæðingur þungunarrofsfrumvarpsins, sem hann myndi reyndar kalla fóstureyðingu og þá taldi hann Þjóðkirkjuna á villigötum í afstöðu til hjónabands samkynhneigðra: „Aldrei var það vilji Jesú Krists og Skaparans, að samkynja fólk mætti ganga í hjónaband. En þetta gerðist þó í þessari Þjóðkirkju, undir afar miklum þrýstingi róttækra afla innan hennar og utan, og í því ferli var þess svo vandlega gætt að svíkja almenna leikmenn um að bera málið fyrst (eins og lofað hafði verið) undir safnaðar- og leikmannafélög. Samt er þetta hátterni í berri mótsögn við orð Heilagrar Ritningar. Þau róttæku töldu sig vinna í þágu framfara og réttlætis, þetta gæti jafnvel orðið öðrum kirkjum til fyrirmyndar, en það ætlar að verða afar löng bið á því, að nokkur af hinum stærri kirkjusamfélögum heims troði sömu villugötuna.“ Vitnaði gjarnan í hina helgu bók Jón Valur var virkur í athugasemdum sínum allt fram undir það síðasta. Þannig grípur hann fast um penna sem svo oft fyrr og beinir spjótum sínum að Sveini Andra Sveinssyni lögmanni, sem hafði þá gagnrýnt Birgi Þórarinsson þingmann Miðflokksins sem telur miklvægt að flóttamenn sem leiti til Íslands séu kristnir. Jón Valur er því sammála. En, Sveini Andra ekki. „Veraldarhyggjumanninn Svein Andra Sveinsson skortir grundvallarskilning á kristinni trú. Hann ímyndar sér að hún verði til í tómarúmi, af engu! En „trúin kemur AF BOÐUNINNI, en boðunin byggist á ORÐI KRISTS“ (Rómverjabréfið 10,17). „En hvernig eiga þeir [menn eins og Sveinn Andri] að ákalla þann, sem þeir trúa ekki á? Og hvernig eiga þeir að trúa á þann sem þeir hafa ekki heyrt um? Og hvernig eiga þeir að HEYRA, án þess að einhver prediki? Og hver getur predikað, nema hann sé sendur?" (Róm.10.14-15),“ segir Jón Valur og vitnar eins og svo oft í hina helgu bók. Og grípur til hástafa þegar hann vill leggja áherslu á orð sín. „Kristin trú er MIÐLUÐ ÞEKKING, sem byggist á vitnisburði Krists um sjálfan sig og flyzt frá postulum hans og lærisveinum, guðspjallamönnum og öðrum boðendum hins kristna boðskapar til almennings, m.a. á Íslandi. Allir geta meðtekið þessa boðun, þurfa ekki guðfræði til eða aðrar lærdómsgráður. Það er STAÐREYND og mikilvægt fyrir íslenzkt samfélag, að þeir kvótaflóttamenn, sem koma til Íslands, séu kristnir, fremur en annarrar trúar. Það er ennfremur STAÐREYND að kristnir flóttamenn eiga auðveldara en múslimar með að aðlagast samfélagi okkar.“ Þetta er með því allra síðasta sem Jón Valur Jensson skrifaði en hann var tvíkvæntur og tvífráskilinn og lætur eftir sig fjögur börn á lífi og stjúpson. Andlát Mest lesið Neyddur til að taka ketamín og sjónvarpi kastað í höfuð hans Innlent Boðar „norsku leiðina“ í útlendingamálum Innlent Clinton-hjónin krafin svara vegna Epstein-málsins Erlent Reyndist ekki borgunarmaður fyrir vikudvölinni Innlent Ekið á gangandi vegfaranda við Kaplakrika Innlent Vill að maðurinn viðurkenni að hann sé ekki faðir drengsins Innlent Sendir „dylgjur“ Haralds aftur til föðurhúsanna Innlent Strangari reglur og ný gjaldskrá til að „tempra kraftmikla fólksfjölgun“ Innlent Handtökuskipun gefin út á hendur þingmönnum Demókrataflokksins Erlent Tollar Trumps muni hafa tilætluð áhrif Innlent Fleiri fréttir Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Vill að maðurinn viðurkenni að hann sé ekki faðir drengsins Íbúar á gömlum og fallegum dráttarvélum í Hrísey Þrettán kærðir fyrir ölvunarakstur og hundruð stöðvuð vegna hraðaksturs „Þá hafa þau aðgang að öllum gögnum íslenska ríkisins meira og minna“ Óróinn hríðfellur og goslok líklega í aðsigi Sigurður Björnsson óperusöngvari látinn Viðkvæm gögn í höndum Bandaríkjamanna og eftirlit lögreglu „Fólk er reitt, sárt og finnst það ekki geta treyst sveitarfélaginu“ Öryggi á ferðamannastöðum: Ríkið geti talist brotlegt við mannréttindasáttmála Sjá meira
Jón Valur Jensson guðfræðingur og bloggari varð bráðkvaddur um helgina. Jón Valur hefur látið til sín taka með afgerandi hætti í þjóðmálaumræðunni undanfarin árin og er hann þjóðþekktur sem slíkur. Hans vettvangur var einkum Moggabloggið þar sem hann var afar duglegur að viðra sjónarmið sín og vitnaði Morgunblaðið reglulega til skrifa hans. Þá var Jón Valur reglulega kallaður til álitsgjafar í beina útsendingu á Útvarp Sögu. Skotspónn herskárra guðleysingja Á bloggsíðu sinni, sem hann hélt úti um árabil af miklum krafti og lá hvergi á skoðunum sínum gerir hann grein fyrir sér svona: „Jón Valur Jensson candid. theol. ('the candid theologian'), áhugamaður um dýrmætt sjálfstæði lands og þjóðar, þjóðfélagsréttlæti, kristna stjórnmálastefnu og arf Jóns Sigurðssonar forseta. Var í hópi virkustu manna í andspyrnunni gegn Icesave og berst einarður gegn innlimun landsins í ESB. -- Ljóðskáld, prófarkalesari, forstöðumaður Ættfræði-þjónustunnar og Lífsréttar, upplýsingaþjónustu um lífsverndarmál.“ Þarna er tæpt á helstu baráttumálum og viðfangsefnum Jóns Vals í gegnum tíðina en hann var virkur félagi í samtökunum Heimsýn, sem hafa barist hatrammlega gegn hugsanlegri aðild Íslands að Evrópusambandinu. Rætt var við Jón Val í Harmageddon TV árið 2014 á ráðstefnu ESB andstæðinga. Rætt er við Jón Val þegar um fjórar mínútur eru liðnar af innslaginu. Í alþjóðamálum var Jón Valur fylgjandi Brexit og þá taldi hann Donald Trump Bandaríkjaforseta ekki njóta sannmælis. Sjálfur sagðist hann oft vera „skotspónn vinstri manna, Icesave-borgunarsinna, ESB-innlimunarsinna og herskárra guðleysingja.“ Afgerandi afstaða í viðkvæmum málum En, það voru ekki síst sjónarmið hans í málefnum innanlands sem gerðu hann umdeildan en í þeim efnum leit Jón Valur til Biblíunnar og vildi þá á stundum túlka hana bókstaflega. Hann var til að mynda eindreginn andstæðingur þungunarrofsfrumvarpsins, sem hann myndi reyndar kalla fóstureyðingu og þá taldi hann Þjóðkirkjuna á villigötum í afstöðu til hjónabands samkynhneigðra: „Aldrei var það vilji Jesú Krists og Skaparans, að samkynja fólk mætti ganga í hjónaband. En þetta gerðist þó í þessari Þjóðkirkju, undir afar miklum þrýstingi róttækra afla innan hennar og utan, og í því ferli var þess svo vandlega gætt að svíkja almenna leikmenn um að bera málið fyrst (eins og lofað hafði verið) undir safnaðar- og leikmannafélög. Samt er þetta hátterni í berri mótsögn við orð Heilagrar Ritningar. Þau róttæku töldu sig vinna í þágu framfara og réttlætis, þetta gæti jafnvel orðið öðrum kirkjum til fyrirmyndar, en það ætlar að verða afar löng bið á því, að nokkur af hinum stærri kirkjusamfélögum heims troði sömu villugötuna.“ Vitnaði gjarnan í hina helgu bók Jón Valur var virkur í athugasemdum sínum allt fram undir það síðasta. Þannig grípur hann fast um penna sem svo oft fyrr og beinir spjótum sínum að Sveini Andra Sveinssyni lögmanni, sem hafði þá gagnrýnt Birgi Þórarinsson þingmann Miðflokksins sem telur miklvægt að flóttamenn sem leiti til Íslands séu kristnir. Jón Valur er því sammála. En, Sveini Andra ekki. „Veraldarhyggjumanninn Svein Andra Sveinsson skortir grundvallarskilning á kristinni trú. Hann ímyndar sér að hún verði til í tómarúmi, af engu! En „trúin kemur AF BOÐUNINNI, en boðunin byggist á ORÐI KRISTS“ (Rómverjabréfið 10,17). „En hvernig eiga þeir [menn eins og Sveinn Andri] að ákalla þann, sem þeir trúa ekki á? Og hvernig eiga þeir að trúa á þann sem þeir hafa ekki heyrt um? Og hvernig eiga þeir að HEYRA, án þess að einhver prediki? Og hver getur predikað, nema hann sé sendur?" (Róm.10.14-15),“ segir Jón Valur og vitnar eins og svo oft í hina helgu bók. Og grípur til hástafa þegar hann vill leggja áherslu á orð sín. „Kristin trú er MIÐLUÐ ÞEKKING, sem byggist á vitnisburði Krists um sjálfan sig og flyzt frá postulum hans og lærisveinum, guðspjallamönnum og öðrum boðendum hins kristna boðskapar til almennings, m.a. á Íslandi. Allir geta meðtekið þessa boðun, þurfa ekki guðfræði til eða aðrar lærdómsgráður. Það er STAÐREYND og mikilvægt fyrir íslenzkt samfélag, að þeir kvótaflóttamenn, sem koma til Íslands, séu kristnir, fremur en annarrar trúar. Það er ennfremur STAÐREYND að kristnir flóttamenn eiga auðveldara en múslimar með að aðlagast samfélagi okkar.“ Þetta er með því allra síðasta sem Jón Valur Jensson skrifaði en hann var tvíkvæntur og tvífráskilinn og lætur eftir sig fjögur börn á lífi og stjúpson.
Andlát Mest lesið Neyddur til að taka ketamín og sjónvarpi kastað í höfuð hans Innlent Boðar „norsku leiðina“ í útlendingamálum Innlent Clinton-hjónin krafin svara vegna Epstein-málsins Erlent Reyndist ekki borgunarmaður fyrir vikudvölinni Innlent Ekið á gangandi vegfaranda við Kaplakrika Innlent Vill að maðurinn viðurkenni að hann sé ekki faðir drengsins Innlent Sendir „dylgjur“ Haralds aftur til föðurhúsanna Innlent Strangari reglur og ný gjaldskrá til að „tempra kraftmikla fólksfjölgun“ Innlent Handtökuskipun gefin út á hendur þingmönnum Demókrataflokksins Erlent Tollar Trumps muni hafa tilætluð áhrif Innlent Fleiri fréttir Handtekin fyrir ölvunarakstur eftir grænt ljós frá löggunni Ráðstafanir í Reynisfjöru, tollar og lax á sjaldséðum slóðum Boðar fund um tolla Trumps og ESB Rauða ljósið mun blikka fyrr Enn má búast við gosmóðu þó eldgosinu sé lokið í bili Flutti lítra af kókaínvökva til landsins gegn greiðslu „Samstaða skapar samfélag“ er þema Hinsegin daga Strangari reglur og ný gjaldskrá til að „tempra kraftmikla fólksfjölgun“ Neyddur til að taka ketamín og sjónvarpi kastað í höfuð hans Tollar Trumps muni hafa tilætluð áhrif Sendir „dylgjur“ Haralds aftur til föðurhúsanna Allt bendir til þess að eldgosinu sé lokið Vörubifreið ekið á vegfarandann Útlendingamálin, Reynisfjara og Hinsegin dagar Ferðamenn gangi á eigin ábyrgð til leiks við náttúru Íslands Ekið á gangandi vegfaranda við Kaplakrika Boðar „norsku leiðina“ í útlendingamálum Mjög lítil virkni en mallar enn Reyndist ekki borgunarmaður fyrir vikudvölinni Ekki stóra málið hvað við köllum „leyniþjónustuna“ Þýskir klettaklifrarar slógust í hóp með björgunarmönnum Vill að maðurinn viðurkenni að hann sé ekki faðir drengsins Íbúar á gömlum og fallegum dráttarvélum í Hrísey Þrettán kærðir fyrir ölvunarakstur og hundruð stöðvuð vegna hraðaksturs „Þá hafa þau aðgang að öllum gögnum íslenska ríkisins meira og minna“ Óróinn hríðfellur og goslok líklega í aðsigi Sigurður Björnsson óperusöngvari látinn Viðkvæm gögn í höndum Bandaríkjamanna og eftirlit lögreglu „Fólk er reitt, sárt og finnst það ekki geta treyst sveitarfélaginu“ Öryggi á ferðamannastöðum: Ríkið geti talist brotlegt við mannréttindasáttmála Sjá meira