Forseti bæjarstjórnar segir tímasetningu starfsloka óheppilega Kolbeinn Tumi Daðason skrifar 27. janúar 2020 12:36 Bæjarstjórn Ísafjarðarbæjar sem mynduð var eftir kosningarnar 2018. Kristján Þór er annar frá hægri. Ísafjarðarbær Kristján Þór Kristjánsson, forseti bæjarstjórnar Ísafjarðarbæjar, segir starfslok Guðmundar Gunnarssonar bæjarstjóra ekkert hafa með snjólóðin á Flateyri og Suðureyri að gera. „Það er mjög óheppileg tímasetning að þetta komi fyrir á sama tíma,“ segir Kristján Þór í samtali við Vísi. Ekki liggur fyrir hvort ráðið verði faglega í stöðu bæjarstjóra eins og gert var í tilfelli Guðmundar í ágúst 2018. Tíðindin koma Ísfirðingum og nærsveitungum í opna skjöldu. „Ólík sýn á verkefni“ Í tilkynningu sem upplýsingafulltrúi Ísafjarðarbæjar sendi fjölmiðlum á ellefta tímanum í morgun sagði: Meirihluti bæjarstjórnar Ísafjarðarbæjar og Guðmundur Gunnarsson bæjarstjóri hafa komist að samkomulagi um starfslok Guðmundar og lætur hann af störfum nú þegar. Ástæða starfsloka er ólík sýn á verkefni á vettvangi sveitarfélagsins. Telja aðilar það sveitarfélaginu fyrir bestu að leiðir skilji. Íbúar í Ísafjarðarbæ eru margir steinhissa á tíðindum dagsins. Þessi ummæli féllu á vegg staðarmiðilsins Bæjarins besta á Facebook. Það mun skýrast á allra næstu dögum hvernig ráðningu á næsta bæjarstjóra verður hagað. Þangað til mun bæjarritari, sem er staðgengill bæjarstjóra, gegna starfinu. Meirihlutinn f.h. bæjarstjórnar, óskar Guðmundi velfarnaðar og þakkar honum fyrir samstarfið. Guðmundur vill koma á framfæri einlægum þökkum til íbúa Ísafjarðarbæjar fyrir frábærara viðtökur og ánægjulegt samstarf. Hann segir það heiður að hafa fengið tækifæri til að vinna að mikilvægum hagsmunamálum Vestfirðinga með kraftmiklu starfsfólki sveitarfélagsins. Það eru spennandi og krefjandi verkefni framundan í Ísafjarðarbæ og rík ástæða til að horfa björtum augum til framtíðar. Ekkert eitt verkefni Guðmundur vildi ekki tjá sig nánar um ástæður starfslokanna í samtali við Vísi í dag umfram það sem fram kom í tilkynningunni. Hann sagði aðdragandann að niðurstöðunni þó vissulega hafa verið stuttan. Kristján Þór tók undir það en segir starfslokin ekkert hafa með snjóflóðin á Flateyri og Suðureyri að gera. Tímasetningin sé mjög óheppileg. Ekki það að tímasetning í málum sem þessum efnum sé nokkurn tímann heppileg „Guðmundur hefur staðið sig sérstaklega vel í þeim verkefnum en þetta hefur ekkert með þau að gera.“ Guðmundur Gunnarsson lætur þegar af störfum sem bæjarstjóri Ísafjarðarbæjar.Vísir/Egill En hvaða verkefni eru það þá sem bæjarstjórinn og meirihluti Framsóknar og Sjálfstæðisflokksins hafa svo ólíka sýn á? „Við erum ekkert að „pinpointa“ eitt verkefni. Við höfum kannski ekki verið að ganga í takti eins og nauðsynlegt er.“ Aðspurður hvort íbúar í Ísafjarðarbæ eigi ekki skilið að vita hver sýnin sé sem sé svo ólík vill Kristján Þór ekki nefna nein dæmi. „Þetta eru ákveðin verkefni. Ólík sýn hvernig við sjáum fyrir okkur rekstur og framtíðina.“ Ákvörðun ekki tekin af léttúð Engin ákvörðun hefur verið tekin um hvernig staðið verði að ráðningu nýs bæjarstjóra. Framsóknarflokkur og Sjálfstæðisflokkur tóku þá ákvörðun í ágúst 2018 að ráða bæjarstjóra faglega. Starfið var auglýst, þrettán sóttu um og Guðmundur ráðinn. „Ég held það hafi verið einhugur um að auglýsa starfið á sínum tíma,“ segir Kristján Þór. Ekki liggur fyrir hvort starfið verði auglýst eða ekki. Ákvörðunin að starfslokum Guðmundur hafi ekki verið tekin af neinni léttúð. Bryndís Sigurðardóttir, fyrrverandi sveitarstjóri á Tálknafirði. Athygli vekur að í annað skiptið á tveimur mánuðum er bæjarstjóra eða sveitarstjóra, sem var faglega ráðinn, sagt upp störfum. Bryndís Sigurðardóttir, sem ráðin var sveitarstjóri Tálknafjarðarhrepps í október 2018, hætti störfum í nóvember síðastliðnum. Á fundi hennar með sveitarstjórn var tekin sameiginleg ákvörðun um að leiðir lægju ekki lengur saman. „Það þarf að ríkja traust og gott samkomulag. Það er mikið búið að vera að gerast, miklar framkvæmdir og álag á fólki og stundum getur þetta farið svona,“ sagði Bryndís í hádegisfréttum Ríkisútvarpsins. Ísafjarðarbær Snjóflóð á Flateyri og Suðureyri Vistaskipti Tengdar fréttir Uppnám í Ísafjarðarbæ tveimur vikum eftir snjóflóðin Guðmundur Gunnarsson, sem lætur í dag af störfum sem bæjarstjóri Ísafjarðarbæjar, segir aðdragandann að starfslokunum hafa verið stuttan. 27. janúar 2020 10:59 Lætur af störfum sem bæjarstjóri Ísafjarðarbæjar Meirihluti bæjarstjórnar Ísafjarðarbæjar og Guðmundur Gunnarsson, bæjarstjóri, hafa komist að samkomulagi um starfslok Guðmundar og lætur hann af störfum nú þegar. 27. janúar 2020 10:36 Mest lesið Gripinn glóðvolgur í skjóli nætur við að tappa af bílnum Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Hjólreiðamaður slasaður við Kerlingarfjöll Innlent Ung stúlka varð fyrir húsbíl og hljóp af vettvangi Innlent MBA-nemi kvartaði og kveinaði en beið lægri hlut Innlent Óteljandi skiptin sem lögregla hefur þurft að vísa sömu mönnum út Innlent „Í minningu sonar - og allra þeirra sem aldrei komu heim“ Innlent Segir afkomu hundraða ógnað með beinum hætti Innlent Deilur Repúblikana um Epstein-skjölin magnast enn Erlent Foreldrar ómeðvitaðir um fjárhagstjón barnanna í fjárhættuspilum Innlent Fleiri fréttir Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Segir áhyggjuefni að ESB hafi platað Íslendinga í tíu ár „Ökum slóðann” – Átaksverkefni gegn utanvegaakstri Erlendur ferðamaður lést við Hrafntinnusker Meðvitundarlaus maður sóttur í Silfru Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Sjá meira
Kristján Þór Kristjánsson, forseti bæjarstjórnar Ísafjarðarbæjar, segir starfslok Guðmundar Gunnarssonar bæjarstjóra ekkert hafa með snjólóðin á Flateyri og Suðureyri að gera. „Það er mjög óheppileg tímasetning að þetta komi fyrir á sama tíma,“ segir Kristján Þór í samtali við Vísi. Ekki liggur fyrir hvort ráðið verði faglega í stöðu bæjarstjóra eins og gert var í tilfelli Guðmundar í ágúst 2018. Tíðindin koma Ísfirðingum og nærsveitungum í opna skjöldu. „Ólík sýn á verkefni“ Í tilkynningu sem upplýsingafulltrúi Ísafjarðarbæjar sendi fjölmiðlum á ellefta tímanum í morgun sagði: Meirihluti bæjarstjórnar Ísafjarðarbæjar og Guðmundur Gunnarsson bæjarstjóri hafa komist að samkomulagi um starfslok Guðmundar og lætur hann af störfum nú þegar. Ástæða starfsloka er ólík sýn á verkefni á vettvangi sveitarfélagsins. Telja aðilar það sveitarfélaginu fyrir bestu að leiðir skilji. Íbúar í Ísafjarðarbæ eru margir steinhissa á tíðindum dagsins. Þessi ummæli féllu á vegg staðarmiðilsins Bæjarins besta á Facebook. Það mun skýrast á allra næstu dögum hvernig ráðningu á næsta bæjarstjóra verður hagað. Þangað til mun bæjarritari, sem er staðgengill bæjarstjóra, gegna starfinu. Meirihlutinn f.h. bæjarstjórnar, óskar Guðmundi velfarnaðar og þakkar honum fyrir samstarfið. Guðmundur vill koma á framfæri einlægum þökkum til íbúa Ísafjarðarbæjar fyrir frábærara viðtökur og ánægjulegt samstarf. Hann segir það heiður að hafa fengið tækifæri til að vinna að mikilvægum hagsmunamálum Vestfirðinga með kraftmiklu starfsfólki sveitarfélagsins. Það eru spennandi og krefjandi verkefni framundan í Ísafjarðarbæ og rík ástæða til að horfa björtum augum til framtíðar. Ekkert eitt verkefni Guðmundur vildi ekki tjá sig nánar um ástæður starfslokanna í samtali við Vísi í dag umfram það sem fram kom í tilkynningunni. Hann sagði aðdragandann að niðurstöðunni þó vissulega hafa verið stuttan. Kristján Þór tók undir það en segir starfslokin ekkert hafa með snjóflóðin á Flateyri og Suðureyri að gera. Tímasetningin sé mjög óheppileg. Ekki það að tímasetning í málum sem þessum efnum sé nokkurn tímann heppileg „Guðmundur hefur staðið sig sérstaklega vel í þeim verkefnum en þetta hefur ekkert með þau að gera.“ Guðmundur Gunnarsson lætur þegar af störfum sem bæjarstjóri Ísafjarðarbæjar.Vísir/Egill En hvaða verkefni eru það þá sem bæjarstjórinn og meirihluti Framsóknar og Sjálfstæðisflokksins hafa svo ólíka sýn á? „Við erum ekkert að „pinpointa“ eitt verkefni. Við höfum kannski ekki verið að ganga í takti eins og nauðsynlegt er.“ Aðspurður hvort íbúar í Ísafjarðarbæ eigi ekki skilið að vita hver sýnin sé sem sé svo ólík vill Kristján Þór ekki nefna nein dæmi. „Þetta eru ákveðin verkefni. Ólík sýn hvernig við sjáum fyrir okkur rekstur og framtíðina.“ Ákvörðun ekki tekin af léttúð Engin ákvörðun hefur verið tekin um hvernig staðið verði að ráðningu nýs bæjarstjóra. Framsóknarflokkur og Sjálfstæðisflokkur tóku þá ákvörðun í ágúst 2018 að ráða bæjarstjóra faglega. Starfið var auglýst, þrettán sóttu um og Guðmundur ráðinn. „Ég held það hafi verið einhugur um að auglýsa starfið á sínum tíma,“ segir Kristján Þór. Ekki liggur fyrir hvort starfið verði auglýst eða ekki. Ákvörðunin að starfslokum Guðmundur hafi ekki verið tekin af neinni léttúð. Bryndís Sigurðardóttir, fyrrverandi sveitarstjóri á Tálknafirði. Athygli vekur að í annað skiptið á tveimur mánuðum er bæjarstjóra eða sveitarstjóra, sem var faglega ráðinn, sagt upp störfum. Bryndís Sigurðardóttir, sem ráðin var sveitarstjóri Tálknafjarðarhrepps í október 2018, hætti störfum í nóvember síðastliðnum. Á fundi hennar með sveitarstjórn var tekin sameiginleg ákvörðun um að leiðir lægju ekki lengur saman. „Það þarf að ríkja traust og gott samkomulag. Það er mikið búið að vera að gerast, miklar framkvæmdir og álag á fólki og stundum getur þetta farið svona,“ sagði Bryndís í hádegisfréttum Ríkisútvarpsins.
Ísafjarðarbær Snjóflóð á Flateyri og Suðureyri Vistaskipti Tengdar fréttir Uppnám í Ísafjarðarbæ tveimur vikum eftir snjóflóðin Guðmundur Gunnarsson, sem lætur í dag af störfum sem bæjarstjóri Ísafjarðarbæjar, segir aðdragandann að starfslokunum hafa verið stuttan. 27. janúar 2020 10:59 Lætur af störfum sem bæjarstjóri Ísafjarðarbæjar Meirihluti bæjarstjórnar Ísafjarðarbæjar og Guðmundur Gunnarsson, bæjarstjóri, hafa komist að samkomulagi um starfslok Guðmundar og lætur hann af störfum nú þegar. 27. janúar 2020 10:36 Mest lesið Gripinn glóðvolgur í skjóli nætur við að tappa af bílnum Innlent Sagði sig úr þingmannahóp: „Ég læt ekki nota mig í slíkum tilgangi“ Innlent Hjólreiðamaður slasaður við Kerlingarfjöll Innlent Ung stúlka varð fyrir húsbíl og hljóp af vettvangi Innlent MBA-nemi kvartaði og kveinaði en beið lægri hlut Innlent Óteljandi skiptin sem lögregla hefur þurft að vísa sömu mönnum út Innlent „Í minningu sonar - og allra þeirra sem aldrei komu heim“ Innlent Segir afkomu hundraða ógnað með beinum hætti Innlent Deilur Repúblikana um Epstein-skjölin magnast enn Erlent Foreldrar ómeðvitaðir um fjárhagstjón barnanna í fjárhættuspilum Innlent Fleiri fréttir Bílar fullir af bensínbrúsum séu úti um alla borg Áhyggjur af tollum ESB, olíuþjófur gómaður og fífldjarfir ferðamenn „Í minningu sonar - og allra þeirra sem aldrei komu heim“ MBA-nemi kvartaði og kveinaði en beið lægri hlut Hjólreiðamaður slasaður við Kerlingarfjöll Árekstur í Öxnadal Ung stúlka varð fyrir húsbíl og hljóp af vettvangi Vilja að ríkisstjórnin leggi allt kapp í að afstýra tollunum Sagði sig úr þingmannahóp: „Ég læt ekki nota mig í slíkum tilgangi“ Ekkert hægt að gera nema húseigendur kæri Segir afkomu hundraða ógnað með beinum hætti Mikil umferð á gosstöðvunum og óvissa á Grundartanga Gripinn glóðvolgur í skjóli nætur við að tappa af bílnum Sóttu veikan ferðamann í Loðmundarfjörð Óteljandi skiptin sem lögregla hefur þurft að vísa sömu mönnum út Vara fólk við því að ganga á nýrunnu hrauninu Stór jarðskjálfti í Vatnajökli Foreldrar ómeðvitaðir um fjárhagstjón barnanna í fjárhættuspilum Sjáanlega nóg komið þegar þjóðarleiðtogar taka undir Eldur í yfirgefnu húsi í Borgartúni Tvítugur Akureyringur með rafskutluleigu fyrir ferðamenn Þekktum Íslendingum lögð orð í munn með gervigreind Fulltrúar minnihlutans á einu um að tollarnir hafi ekki verið ræddir Gervigreind leggur Íslendingum orð í munn, bátabruni og veðrið um versló Atvinnubílstjóri með farþega undir áhrifum áfengis í vinnunni Segir áhyggjuefni að ESB hafi platað Íslendinga í tíu ár „Ökum slóðann” – Átaksverkefni gegn utanvegaakstri Erlendur ferðamaður lést við Hrafntinnusker Meðvitundarlaus maður sóttur í Silfru Segir Guðlaug fara með rangt mál: „Hvimleið þessi valkvæða hlustun stjórnarandstöðunnar“ Sjá meira
Uppnám í Ísafjarðarbæ tveimur vikum eftir snjóflóðin Guðmundur Gunnarsson, sem lætur í dag af störfum sem bæjarstjóri Ísafjarðarbæjar, segir aðdragandann að starfslokunum hafa verið stuttan. 27. janúar 2020 10:59
Lætur af störfum sem bæjarstjóri Ísafjarðarbæjar Meirihluti bæjarstjórnar Ísafjarðarbæjar og Guðmundur Gunnarsson, bæjarstjóri, hafa komist að samkomulagi um starfslok Guðmundar og lætur hann af störfum nú þegar. 27. janúar 2020 10:36