Ríkis­lög­maður kominn í veikinda­leyfi

Einar Karl Hallvarðsson ríkislögmaður er kominn í ótímabundið veikindaleyfi. Annar verður settur í embættið til þriggja mánaða.

Þetta staðfestir Katrín Jakobsdóttir forsætisráðherra í samtali við Fréttablaðið. Hún vill að öðru leyti ekki tjá sig um málið.

Í frétt Fréttablaðsins segir að mikið hafi mætt á ríkislögmanni að undanförnu og eru þar nefnd sértaklega mál ríkisins er varða skipun dómara í Landsrétt, bæði fyrir íslenskum dómstólum og Mannréttindadómstól Evrópu. Einar Karl mun því ekki koma að málflutningi í Strassborg sem hefst 5. febrúar næstkomandi.

Einar Karl Hallvarðsson var skipaður ríkislögmaður árið 2011.