Stjörnurnar sem vöktu athygli á rauða dreglinum

Það var mikið um fallega kjóla á Óskarsverðlaunahátíðinni í gær. Eins og við sögðum frá í gær valdi Hildur Guðnadóttir, fyrsti Íslendingurinn til að vinna Óskarsverðlaun, kjól frá Chanel. Líkt og á BAFTA verðlaununum var Hildur á lista Vogue yfir best klæddu stjörnur kvöldsins, svo fallegur stíll hennar er að vekja verðskuldaða athygli. Nokkrar stjörnur völdu að endurnýta eldri kjóla eða klæðast kjól sem framleiddur er á sjálfbæran hátt og vöktu þannig athygli á umhverfismálum. Hér fyrir neðan má sjá nokkra kjóla sem vöktu athygli okkar á Óskarnum í ár.

Það er auðvitað ekki hægt að byrja listann á öðru en Hildi í Chanel kjólnum. Stjarnan okkar var glæsileg á rauða dreglinum en þessi mynd var þó ekki tekinn þar, heldur eftir afhendinguna. Fylgihlutur Hildar, Óskarsstyttan sjálf, var einfaldlega svo fullkominn fylgihlutur að þessi mynd varð fyrir valinu. 

Natalie Portman var í fallegum kjól frá Dior Haute Couture. Það vakti athygli að Dior skikkjan hennar var skreytt gylltum nöfnum. Kom í ljós að þetta voru nöfn þeirra kvenkyns leikstjóra sem ekki voru tilnefndar til Óskarsverðlaunanna í ár, en það hefur verið harðlega gagnrýnt að aðeins karlar voru tilnefndir í þeim flokki í þetta skiptið. Sterk skilaboð sem vöktu verðskuldaða athygli.

Scarlett Johansson, sem tilnefnd var bæði sem besta leikkonan í aðalhlutverki og aukahlutverki í gær, klæddist Oscar de la Renta kjól og var með eyrnalokka frá Forevermark x Anita Ko.

Cynthia Erivo átti stórkostlegt augnablik á sviðinu þegar hún flutti lagið Stand Up úr kvikmyndinni Harriet. Erivo var tilnefnd til Óskarsverðlauna fyrir leik sinn í myndinni. Á rauða dreglinum klæddist hún Atelier Versace kjól með hárri klauf og var hugsað út í hvert smáatriði. Hárið hennar passaði einstaklega vel við fatavalið og glitraði það eins og kjóllinn og skartgripirnir.

Margar fleiri en Erivo völdu kjóla sem glitruðu fallega á rauða dreglinum. Renée Zellweger vann Óskarsverðlaun sem besta leikkona í aðalhlutverki fyrir hlutverk sitt í Judy. Hún klæddist hvítum Armani Privé silkikjól og var með áberandi hring frá David Webb. Brie Larsson ljómaði á rauða dreglinum í Celine by Hedi Slimane kjól með skikkju og svo vöktu Bulgari skartgripir líka athygli. Larsson var ein þeirra þriggja sem afhenti Hildi verðlaunin í nótt.

Regina King, sem vann Óskarsverðlaun á síðasta ári, kynnti á hátíðinni í ár klæddi í bleikan Atelier Versace prinsessukjól með Harry Winston skartgripi. Janelle Monáe var í einstökum Ralph Lauren kjól með víðri hettu. Á kjólnum voru hvorki meira né minna en 168.000 Swarovski kristallar. Svo bætti hún líka við skartgripum frá Forevermark.

Charlize Theron var tilnefnd var sem besta leikkonan í aðalhlutverki fyrir hlutverk sitt í kvikmyndinni Bombshell, sem hún framleiddi sjálf. Hún valdi svartan Dior Haute Couture kjól og Tiffany & Co. skartgripi. 

Zazie Beetz var klædd í Thom Browne og með stórfenglegt hálsmen, þegar hún kynnti Eímear Noone sem er fyrsta konan til að stýra sinfoníuhljómsveitinni á Óskarnum. Noone stjórnaði þegar brot úr kvikmyndatónlistinni sem tilnefnd var í ár var flutt, þar á meðal verk Hildar Guðna fyrir kvikmyndina Joker. Beetz valdi að vera ekki í síðkjól og tvískipt dress hennar náði athygli okkar sem og flotta hárgreiðslan hennar. 

Við fjölluðum um þessar tvær fyrr í dag vegna þess að þær völdu að klæðast ekki nýjum kjólum. Margot Robbie klæddist vintage Chanel kjól, sem gerður er úr tveimur kjólum úr línu Chanel frá 1994. Kaitlyn Dever valdi hlíralausan Louis Vuitton kjól skreyttan með Skartgripirnir eru frá Harry Winston. Kjóllinn var gerður á sjálfbæran hátt.