Umfjöllun Bein lýsing Miðstöð Liðin Tölfræði Stöðutafla

Leicester aftur á sigur­braut eftir skógar­hlaup Reina og endur­komu Var­dy

Hörmulegt úthlaup Reina kostaði mark í dag.
Hörmulegt úthlaup Reina kostaði mark í dag. vísir/getty
Leicester er komið á sigurbraut í ensku úrvalsdeildinni á nýjan leik er liðið vann 4-0 sigur á nýliðum Aston Villa sem er í miklum vandræðum í fallbaráttunni.

Leicester var án sigurs í síðustu fjórum leikjum en þeir komust yfir á 40. mínútu. Marc Albrighton gaf sendingu inn fyrir vörn Villa, Pepe Reina ætlaði að koma út úr markinu og reyna stela boltanum.

Harvey Barnes var hins vegar á undan Reina í boltann og tók hann framhjá spænska markverðinum. Varnarmenn Villa sem komust á línuna náðu ekki að komast fyrir skot Barnes og Leicester var 1-0 yfir í hálfleik.







Það hefur verið markaþurrð hjá Jamie Vardy að undanförnu en hann kom inn á sem varamaður á 59. mínútu. Fjórum mínútum síðar skoraði hann úr vítaspyrnu eftir að dæmd var hendi á Tyron Mings en dómurinn orkaði tvímælis.







Vardy var ekki hættur því hann skoraði annað mark á 79. mínútu er hann skaut boltanum á nærstöngina og fimm mínútum fyrir leikslok bætti Harvey Barnes við fjórða markinu. Lokatölur 4-0.

Leicester er í 3. sætinu með 53 stig, fjórum stigum á eftir City sem er í öðru sætinu en City á þó leik til góða gegn Arsenal á fimmtudag.

Nýliðar Aston Villa eru í 19. sæti deildarinnar með 25 stig, tveimur stigum frá öruggu sæti en illa hefur gengið hjá Villa að undanförnu.







Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið