Innlent

Bein útsending: Þingstubburinn hefst

Stefán Ó. Jónsson skrifar
Sóttvarnareglur munu setja svip á þingstörfin.
Sóttvarnareglur munu setja svip á þingstörfin. vísir/vilhelm

Alþingi kemur aftur saman í dag eftir sumarleyfi. Um þingstubb er að ræða áður en 151. löggjafarþing verður sett þann 1. október. Útsendingu frá þingfundi dagsins má nálgast hér að neðan.

Að neðan má sjá myndir frá Alþingi í morgun.

Katrín Jakobsdóttir forsætisráðherra fór yfir stöðu mála í faraldri kórónuveiru.Vísir/Vilhelm
Bil milli þingmanna er tryggt á Alþingi.Vísir/Vilhelm
Forsætisráðherra hugsi.Vísir/Vilhelm
Lilja Alfreðsdóttir mennta- og menningarmálaráðherra og Þórdís Kolbrún Reykfjörð Gylfadóttirferðamála-, iðnaðar- og nýsköpunarráðherra í hliðarherbergi.Vísir/Vilhelm
Helga Vala Helgadóttir þingmaður Samfylkingarinnar.Vísir/Vilhelm

Á fundi dagsins mun Katrín Jakobsdóttir forsætisráðherra flytja Alþingi munnlega skýrslu um stöðu mála vegna heimsfaraldurs kórónuveiru. Í kjölfarið verða umræður um skýrsluna.

Eftir skýrsluumræðuna mun Bjarni Benediktsson fjármála- og efnahagsráðherra mæla fyrir tillögu um breytta fjármálastefnu fyrir árin 2018 til 2022. Þingið mun síðan ræða fjármálastefnuna og ýmis kórónuveirutengd mál næstu daga.

Efnahags- og viðskiptanefnd sendi beint út frá fjarfundi sínum með seðlabankastjóra. Þar fór Ásgeir Jónsson m.a. yfir skýrslu Peningastefnunefndar Seðlabanka Íslands til Alþingis fyrir fyrri hluta árs 2020. Spóli fólk til baka í spilaranum má fylgjast með þeim fundi.

Sem fyrr segir hefst þingfundur dagsins klukkan 10:30.

Alþingi

Tengdar fréttir

Funda um ríkisábyrgð og Icelandair í Hörpu

Frumvarp til fjáraukalaga verður rætt á Alþingi á föstudag en Alþingi kemur saman á ný á morgun vegna hins svokallaða „þingstubbs“ sem samið var um í vor.

Mest lesið


Fleiri fréttir

Sjá meira


×

Mest lesið