Albert Guðmundsson heldur áfram að gera það gott hjá AZ Alkmaar en hann lagði upp eitt marka AZ í 3-0 útisigri á Heerenveen.
Teun Koopmeiners kom AZ yfir úr vítaspyrnu á 29. mínútu og tólf mínútum síðar skoraði Lucas Woudenberg sjálfsmark.
2-0 í hálfleik og þriðja markið kom á 47. mínútu en Albert kom þá boltanum á Jesper Karlsson sem kom boltanum í netið. Lokatölur 3-0.
AZ Alkmaar er í áttunda sæti deildarinnar með ellefu stig eftir sjö umferðir.
