Ungliðahreyfingar bregðast við: UJ skorar á Framsókn og VG að slíta stjórnarsamstarfi við Sjálfstæðisflokkinn Elín Margrét Böðvarsdóttir skrifar 27. desember 2020 20:58 Ungliðahreyfingar stjórnmálaflokkanna hafa margar hverjar brugðist við sóttvarnahliðarspori fjármála- og efnahagsráðherra. Nú síðast í dag sendu Ungir jafnaðarmenn frá sér yfirlýsingu en Ragna Sigurðardóttir er formaður Ungra jafnaðarmanna. samsett mynd Ungliðahreyfingar stjórnmálaflokkanna hafa í dag og undanfarna daga brugðist við vegna þeirrar gagnrýni sem Bjarni Benediktsson, fjármála- og efnahagsráðherra, hefur sætt eftir að hann sótti fjölmennt samkvæmi í Ásmundarsal á Þorláksmessu. Þannig hvetja Ungir jafnaðarmenn til að mynda Katrínu Jakobsdóttur forsætisráðherra og Sigurð Inga Jóhannsson samgöngu- og sveitarstjórnarráðherra til að slíta ríkisstjórnarsamstarfi við Sjálfstæðisflokkinn „tafarlaust og leita eftir stuðningi ábyrgra stjórnarandstöðuflokka við minnihlutastjórn fram að næstu Alþingiskosningum sem verði flýtt og haldnar næsta vor.“ Þetta kemur fram í yfirlýsingu frá Ungum jafnaðarmönnum í dag. Píratar hafa viðrað svipaða hugmynd og kveðjast reiðubúnir að styðja minnihlutastjórn Vinstri grænna og Framsóknarflokks og að kosningum verði flýtt fram á vor. Í yfirlýsingu UJ er bent á að bæði Sigurður Ingi og Katrín hafi lýst yfir vonbrigðum sínum með það að Bjarni hafi á Þorláksmessu sótt samkomu þar sem saman voru komnir fleiri en mega samkvæmt sóttvarnareglum. Engu að síður hafi þau heitið áframhaldandi stuðningi við Bjarna. „Engar fullnægjandi skýringar hafa komið fram á því hvað forsætisráðherra meinar þegar hún segir athæfi Bjarna skaða stjórnarsamstarfið en heitir um leið áframhaldandi samstarfi við Sjálfstæðisflokkinn,“ segir í yfirlýsingunni. Þá telja Ungir jafnaðarmenn ennfremur að meðvirkni sé allsráðandi í samstarfsflokkum Sjálfstæðisflokksins. „Jafnframt er skýrt að ráðherrar Sjálfstæðisflokksins hafi virt sóttvarnarreglur eigin ríkisstjórnar að vettugi og með gjörðum sínum gefa þeir í skyn að reglur sem gilda eiga um almenning telji þeir ekki gilda um sig. Samstarfsflokkar hamra á mikilvægi samstöðu þegar gjörðir ráðherra þeirra senda allt önnur skilaboð,“ segir ennfremur í yfirlýsingunni sem birt er í heild sinni á heimasíðu UJ í dag. Undir yfirlýsinguna ritar Ragna Sigurðardóttir, formaður Ungra jafnaðarmanna. pic.twitter.com/hEHTcyBrjX— SUF (@ungirframsokn) December 27, 2020 Í yfirlýsingu sem Samband ungra Framsóknarmanna birtir á samfélagsmiðlum í kvöld bregst sambandið einnig við því sem kallað hefur verið sóttvarnahliðarspor Bjarna Benediktssonar. „Kæru Sjallar, þið þurfið ekki að fylgja formanninum ykkar í einu og öllu. Stundum ganga þeir of langt og þá getur verið gott að skipta. Við tölum af reynslu,“ segir í færslu SUF. Þá tóku Ung vinstri græn undir gagnrýni á hendur Bjarna í færslu sem þau birtu á samfélagsmiðlum á aðfangadag og lýstu yfir vantrausti á hendur Bjarna. „Ótækt er að ráðherra og formaður stjórnmálaflokks sýni af sér slíkt dómgreindarleysi og telji sig ekki þurfa að fylgja þeim lögum og reglum sem gilda eiga um alla þegna samfélagsins,“ segir ennfremur í færslu UVG. Ungir Píratar hafa einnig tjáð sig vegna málsins. Þá hefur Starri Reynisson, formaður Uppreisnar, ungliðahreyfingar Viðreisnar einnig tjáð sig um málið auk þess sem félagsfólk Uppreisnar hefur hvatt sér hljóðs um málið á Twitter og á Instagram. „Í öllum löndum í kringum okkur hefði þetta endað með afsögn. Öllum. Það að ráðherra komist upp með að mæta í 40+ manna partí á tímum þar sem fjölskyldum er bannað að halda jólin saman er óboðlegt. Brotavilji Bjarna í þessu máli er augljós og einbeittur,“ skrifar Starri sem í skilaboðum til fréttastofu segir frekari yfirlýsinga að vænta frá Uppreisn. Samband ungra Sjálfstæðismanna hefur þegar þetta er skrifað ekki birt yfirlýsingu vegna málsins á sínum samfélagsmiðlum. Fréttin hefur verið uppfærð með viðbrögðum Uppreisnar, ungliðahreyfingar Viðreisnar. Alþingi Sjálfstæðisflokkurinn Samfylkingin Píratar Vinstri græn Framsóknarflokkurinn Ráðherra í Ásmundarsal Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Loksins mega hommar gefa blóð Innlent Fimm bíla árekstur á Vesturlandsvegi Innlent Vill hætta við nýja brú yfir Ölfusá og spara milljarða króna Innlent „Öllum ljóst að Ölfusárbrú verði að rísa“ Innlent Fleiri fréttir Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Þrír í haldi í fíkniefnamáli Sjá meira
Þannig hvetja Ungir jafnaðarmenn til að mynda Katrínu Jakobsdóttur forsætisráðherra og Sigurð Inga Jóhannsson samgöngu- og sveitarstjórnarráðherra til að slíta ríkisstjórnarsamstarfi við Sjálfstæðisflokkinn „tafarlaust og leita eftir stuðningi ábyrgra stjórnarandstöðuflokka við minnihlutastjórn fram að næstu Alþingiskosningum sem verði flýtt og haldnar næsta vor.“ Þetta kemur fram í yfirlýsingu frá Ungum jafnaðarmönnum í dag. Píratar hafa viðrað svipaða hugmynd og kveðjast reiðubúnir að styðja minnihlutastjórn Vinstri grænna og Framsóknarflokks og að kosningum verði flýtt fram á vor. Í yfirlýsingu UJ er bent á að bæði Sigurður Ingi og Katrín hafi lýst yfir vonbrigðum sínum með það að Bjarni hafi á Þorláksmessu sótt samkomu þar sem saman voru komnir fleiri en mega samkvæmt sóttvarnareglum. Engu að síður hafi þau heitið áframhaldandi stuðningi við Bjarna. „Engar fullnægjandi skýringar hafa komið fram á því hvað forsætisráðherra meinar þegar hún segir athæfi Bjarna skaða stjórnarsamstarfið en heitir um leið áframhaldandi samstarfi við Sjálfstæðisflokkinn,“ segir í yfirlýsingunni. Þá telja Ungir jafnaðarmenn ennfremur að meðvirkni sé allsráðandi í samstarfsflokkum Sjálfstæðisflokksins. „Jafnframt er skýrt að ráðherrar Sjálfstæðisflokksins hafi virt sóttvarnarreglur eigin ríkisstjórnar að vettugi og með gjörðum sínum gefa þeir í skyn að reglur sem gilda eiga um almenning telji þeir ekki gilda um sig. Samstarfsflokkar hamra á mikilvægi samstöðu þegar gjörðir ráðherra þeirra senda allt önnur skilaboð,“ segir ennfremur í yfirlýsingunni sem birt er í heild sinni á heimasíðu UJ í dag. Undir yfirlýsinguna ritar Ragna Sigurðardóttir, formaður Ungra jafnaðarmanna. pic.twitter.com/hEHTcyBrjX— SUF (@ungirframsokn) December 27, 2020 Í yfirlýsingu sem Samband ungra Framsóknarmanna birtir á samfélagsmiðlum í kvöld bregst sambandið einnig við því sem kallað hefur verið sóttvarnahliðarspor Bjarna Benediktssonar. „Kæru Sjallar, þið þurfið ekki að fylgja formanninum ykkar í einu og öllu. Stundum ganga þeir of langt og þá getur verið gott að skipta. Við tölum af reynslu,“ segir í færslu SUF. Þá tóku Ung vinstri græn undir gagnrýni á hendur Bjarna í færslu sem þau birtu á samfélagsmiðlum á aðfangadag og lýstu yfir vantrausti á hendur Bjarna. „Ótækt er að ráðherra og formaður stjórnmálaflokks sýni af sér slíkt dómgreindarleysi og telji sig ekki þurfa að fylgja þeim lögum og reglum sem gilda eiga um alla þegna samfélagsins,“ segir ennfremur í færslu UVG. Ungir Píratar hafa einnig tjáð sig vegna málsins. Þá hefur Starri Reynisson, formaður Uppreisnar, ungliðahreyfingar Viðreisnar einnig tjáð sig um málið auk þess sem félagsfólk Uppreisnar hefur hvatt sér hljóðs um málið á Twitter og á Instagram. „Í öllum löndum í kringum okkur hefði þetta endað með afsögn. Öllum. Það að ráðherra komist upp með að mæta í 40+ manna partí á tímum þar sem fjölskyldum er bannað að halda jólin saman er óboðlegt. Brotavilji Bjarna í þessu máli er augljós og einbeittur,“ skrifar Starri sem í skilaboðum til fréttastofu segir frekari yfirlýsinga að vænta frá Uppreisn. Samband ungra Sjálfstæðismanna hefur þegar þetta er skrifað ekki birt yfirlýsingu vegna málsins á sínum samfélagsmiðlum. Fréttin hefur verið uppfærð með viðbrögðum Uppreisnar, ungliðahreyfingar Viðreisnar.
Alþingi Sjálfstæðisflokkurinn Samfylkingin Píratar Vinstri græn Framsóknarflokkurinn Ráðherra í Ásmundarsal Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Loksins mega hommar gefa blóð Innlent Fimm bíla árekstur á Vesturlandsvegi Innlent Vill hætta við nýja brú yfir Ölfusá og spara milljarða króna Innlent „Öllum ljóst að Ölfusárbrú verði að rísa“ Innlent Fleiri fréttir Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Þrír í haldi í fíkniefnamáli Sjá meira