Willum spilaði allan leikinn í sigri

Willum Þór Willumsson og félagar í BATE Borisov komust aftur á sigurbraut í hvít-rússnesku úrvalsdeildinni í fótbolta í dag.

BATE var í heimsókn hjá Gorodeya í Haradzeya en Gorodeya hafði unnið þrjá leiki í röð þegar kom að leiknum í dag.

Leikurinn í dag var markalaus allt þar til á 73.mínútu þegar Stanislav Dragun kom gestunum í forystu. Anton Saroka tvöfaldaði svo forystuna með marki í uppbótartíma. Lokatölur 0-2 fyrir BATE.

Willum Þór lék allan tímann fyrir BATE sem lyfti sér upp í 2.sæti deildarinnar með sigrinum.