Hjúkrunarfræðingar felldu naumlega kjarasamning

Hjúkrunarfræðingar felldu í dag kjarasamning Félags íslenskra hjúkrunarfræðinga sem skrifað var undir þann 10. apríl. Atkvæðagreiðsla vegna samningsins fór fram frá 20. apríl og lauk í hádeginu í dag.

Á kjörskrá voru 2.859, eða þeir hjúkrunarfræðingar sem fengið höfðu laun skv. kjarasamningi félagsins við fjármálaráðherra f.h. ríkissjóðs frá 1. apríl 2019 - 31. mars 2020. Alls tóku 2.288 þátt í kosningunum sem svarar til þátttöku upp á áttatíu prósent.

Niðurstaðan var eftirfarandi: 

Já sögðu 1.052 eða 45,98%

Nei sögðu 1.213 eða 53,02% 

Ég tek ekki afstöðu 23 eða 1,01%

Á heimasíðu Félags íslenskra hjúkrunarfræðinga segir að formanni Samninganefndar ríkisins og Ríkissáttasemjara hafi verið tilkynnt um niðurstöðu atkvæðagreiðslunnar.