Mikið tjón á bílum eftir á­rekstur í Grinda­vík

Árekstur varð í Grindavík nú á fjórða tímanum en tveir bílar skullu saman á gatnamótum. Bílarnir eru báðir mikið skemmdir og þurfti að beita klippum til að opna dyr bílstjóramegin á öðrum bílnum. Einhver slys urðu á fólki en ekki mikil samkvæmt lögreglunni á Suðurnesjum.

Tilkynning barst rétt eftir klukkan 15:30 og eru slökkvilið, lögregla og sjúkraflutningamenn á vettvangi eins og er.

Engar frekari upplýsingar fengust að svo stöddu en fréttin verður uppfærð.

Uppfært 18:29 Samkvæmt upplýsingum lögreglunnar á Suðurnesjum var einn færður á sjúkrahús í Reykjavík og annar á Heilbrigðisstofnun Suðurnesja. Ekki var hægt að veita upplýsingar um líðan þeirra.