Níu í fram­boði hjá Fram­sókn í Norð­austur­kjör­dæmi

Frá þessu segir í tilkynningu frá skrifstofu flokksins. Kosningin fer fram dagana 1. til 31. mars.

Framsóknarflokkurinn náði tveimur þingmönnum á þing í Norðausturkjördæmi í síðustu kosningum – Þórunni Egilsdóttur og Líneik Önnu Sævarsdóttur. Þórunn er nú í veikindaleyfi frá þingstörfum og tók Þórarinn Ingi Pétursson sæti hennar.

Í framboði eru:

• Ingibjörg Ólöf Ísaksen, framkvæmdastjóri og bæjarfulltrúi, Akureyri – sækist eftir 1. sæti.
• Líneik Anna Sævarsdóttir, alþingismaður, Fáskrúðsfirði – sækist eftir 1. sæti.
• Jón Björn Hákonarson, bæjarstjóri, Fjarðabyggð – sækist eftir 2. sæti.
• Þórarinn Ingi Pétursson, bóndi og varaþingmaður, Grýtubakkahreppi – sækist eftir 2. sæti.
• Helgi Héðinsson, oddviti, Skútustaðahreppi – sækist eftir 2.-3. sæti.
• Kristinn Rúnar Tryggvason, bóndi, Kelduhverfi – sækist eftir 2.-4. sæti.
• Karítas Ríkharðsdóttir, blaðamaður, Raufarhöfn – sækist eftir 3.-4. sæti.
• Halldóra Hauksdóttir, lögmaður, Akureyri – sækist eftir 4.-6. sæti.
• Jónína Brynjólfsdóttir, viðskiptalögfræðingur, Egilsstöðum – sækist eftir 4.-6. sæti.