Handbolti

Ála­borg hafði betur gegn GOG í toppslagnum

Runólfur Trausti Þórhallsson skrifar
Arnór Atlason er aðstoðarþjálfari Álaborgar sem er nú aðeins stigi á eftir toppliði GOG.
Arnór Atlason er aðstoðarþjálfari Álaborgar sem er nú aðeins stigi á eftir toppliði GOG. Aalborg Håndbold

Álaborg vann góðan útisigur á GOG í dönsku úrvalsdeildinni í handbolta er topplið deildarinnar mættust, lokatölur 32-35. Óðinn Þór Ríkharðsson og félagar eru á sigurbraut.

Álaborg vann góðan útisigur á GOG í dönsku úrvalsdeildinni í handbolta, lokatölur 32-35.

Gestirnir voru sterkari frá upphafi til enda í dag og leiddu með fimm mörkum í hálfleik, 20-15. GOG komst aldrei inn í leikinn þó svo að þeim hafi tekist að minnka muninn niður í þrjú mörk undir lok leiks, staðan 35-32 er flautað var til leiksloka.

Landsliðsmarkvörðurinn Viktor Gísli Hallgrímsson átti ekki sinn besta leik í marki GOG en hann varði samt sem áður 13 skot í leiknum. Arnór Atlason er aðstoðarþjálfari Álaborgar.

Eftir sigur dagsins er Álaborg aðeins stigi á eftir GOG sem trónir á toppi deildarinnar með 34 stig. Viktor Gísli og félagar eiga þó leik til góða.

Óðinn Þór skoraði eitt mark í sex marka sigri Holstebro gegn Árhus á útivelli í dag, lokatölur 24-30. Holstebro er í fjórða sæti dönsku úrvalsdeildarinnar.

Handbolti Danski handboltinn

Mest lesið


Fleiri fréttir

Sjá meira


×

Mest lesið