Segir Eyjamenn hafa hótað að opna ekki kosningamiðstöð ef Páll yrði í heiðurssæti Óttar Kolbeinsson Proppé skrifar 22. júní 2021 07:01 Gunnar Egilsson (hægri) lagði fram tillögu um að Páll yrði settur í heiðurssæti listans. vísir/vilhelm/Árborg Gunnar Egilsson, bæjarfulltrúi Sjálfstæðisflokksins í Árborg, segir Sjálfstæðismenn í Vestmannaeyjum hafa hótað að opna ekki kosningaskrifstofu í Eyjum fyrir komandi þingkosningar og draga sig úr kosningabaráttu fyrir flokkinn ef Páll Magnússon, núverandi oddviti flokksins í Suðurkjördæmi, yrði í heiðurssæti. Hildur Sólveig Sigurðardóttir, bæjarfulltrúi Sjálfstæðisflokksins í Vestmannaeyjum, segir þetta alrangt hjá Gunnari. Eins og Vísir greindi frá um helgina var tillaga um að Páll Magnússon tæki heiðurssæti á lista flokksins í Suðurkjördæmi fyrir komandi þingkosningar felld með miklum meirihluta á kjördæmisráði flokksins fyrir rúmir viku. Gunnar Egilsson bæjarfulltrúi, sem situr í kjördæmisráðinu, lagði tillöguna fram en hann er afar ósáttur með framgöngu ýmissa á fundinum, meðal annars formanns kjörnefndarinnar, Halldóru Bergljótar Jónsdóttur. Fannst listinn sterkari með Páli Efstu sex sætin á listanum eru ákveðin í prófkjöri en 21 manna kjörnefnd raðar síðan neðri sætunum upp og leggur tillögu sína að lista fyrir kjördæmisráð sem verður að samþykkja listann. Í kjördæmisráðinu eru 108 meðlimir. Kjörnefndin stillti Birni Bjarnasyni, fyrrverandi ráðherra og þingmanni flokksins fyrir Reykvíkinga, upp í síðasta sætið, heiðurssætið. Margir furðuðu sig á því að Páll, sem er fráfarandi oddviti flokksins í kjördæminu fengi ekki sætið. Björn Bjarnason sat lengi á þingi fyrir Reykjavíkurkjördæmin.vísir/vilhelm Á fundi kjördæmisráðs þar sem listinn var samþykktur lagði Gunnar Egilsson fram breytingartillögu þar sem hann vildi skipta Birni út af listanum fyrir Pál. „Ég hef alls ekkert á móti Birni Bjarnasyni, svo það sé á hreinu,“ segir Gunnar í samtali við Vísi. „Ég lagði bara fram þessa tillögu með okkar fráfarandi oddvita í heiðurssætið því ég taldi að listinn væri sterkari þannig.“ Segir framkomuna með ólíkindum Hann hefur ekkert út á það að setja að ráðið hafi hafnað tillögu hans – það sé lýðræðisleg niðurstaða sem hann sættir sig við. En það var framganga Eyjamanna og formanns kjörnefndarinnar, Halldóru Bergljótar, á fundinum sem Gunnari þykir óeðlileg. Halldóra lagði fram frávísunartillögu á breytingartillögu hans, sem var felld á jöfnum atkvæðum. „Það er með ólíkindum að formaður kjörnefndar leggi fram frávísunartillögu á tillöguna mína. Mér finnst það ekki hennar hlutverk að skipta sér af því. Ég lít svo á að það sé hlutverk kjörnefndarinnar að stilla upp listanum og leggja hann fram fyrir kjördæmisráðið og þar sé hlutverki hennar lokið. Formaður hennar á ekki að reyna að koma í veg fyrir breytingar sem kjördæmisráðið gæti viljað á listanum,“ segir Gunnar. Aðspurð segist Halldóra Bergljót ekki vilja bregðast við þessari gagnrýni Gunnars. Spurð hvers vegna hún hafi lagt fram frávísunartillögu á breytingartillögu hans vill hún heldur ekki svara því. Eftir að frávísunartillagan var felld var kosið um breytingartillögu Gunnars. Hún var þá felld með miklum meirihluta. Eyjamenn neita ásökunum Gunnars Gunnar segir fulltrúa flokksins frá Vestmannaeyjum á fundinum hafa mælt eindregið gegn tillögunni og hreinlega hótað að taka ekki þátt í kosningabaráttu Sjálfstæðisflokksins fyrir þingkosningarnar í haust ef hún yrði samþykkt. „Þeir fóru bara hreinlega fram með hótanir þarna. Hótuðu að opna ekki kosningaskrifstofu í Eyjum og vildu engan þátt taka ef Páll yrði í heiðurssætinu,“ segir Gunnar. Hildur Sólveig Sigurðardóttir, bæjarfulltrúi Sjálfstæðisflokksins í Vestamnnaeyjum, segir fullyrðingar Gunnars rangar. Hún tjáði sig um breytingartillöguna á fundinum: „Mig minnir að það sem ég hafi sagt hafi bara verið að þessi tillaga hafi komið mér á óvart. Að kjörnefndin hafi komist að þessari niðurstöðu um lista og mér þætti óþarfi að vera að rengja störf kjörnefndar.“ Hildur Sólveig Sigurðardóttir, bæjarfulltrúi Sjálfstæðisflokksins í Vestmannaeyjum.vísir/baldur Þannig þið hótuðuð því ekki að opna ekki kosningaskrifstofu í Eyjum fyrir þingkosningarnar ef Páll yrði á listanum? „Nei, ég held að það verði svolítið erfitt fyrir hann [Gunnar] að finna aðila sem væru tilbúnir að segja að ég eða einhver úr Vestmannaeyjum höfum hótað því. Vestmanneyingar höfðu aldrei neitt slíkt í hyggju og kjörnir fulltrúar Sjálfstæðisflokksins hefðu alltaf tryggt það besta fyrir flokkinn fyrir komandi kosningar.“ Hún segir það þá mikil vonbrigði að Gunnar hafi lagt fram breytingartillöguna annars vegar og hins vegar að hann haldi þessu fram um Eyjamenn. „Fyrir mig persónulega þá finnst mér bara leitt að þessi tillaga hafi verið borin fram. Ég bara skil eiginlega ekki alveg á hvaða vegferð hann er.“ Páll Magnússon vildi ekkert tjá sig um málið þegar Vísir náði tali af honum: „Ég vil ekki vera að tjá mig um eitthvað sem fór fram á fundi sem ég var ekki viðstaddur,“ segir hann. Aðspurður segist hann þó ekki hafa sóst eftir heiðurssætinu og telur frekar ólíklegt að hann hefði þegið boð um slíkt. Ósættið hófst þegar flokkurinn klofnaði Páll gaf upprunalega kost á sér í fyrsta sæti í prófkjöri flokksins í vor áður en hann dró framboð sitt nokkuð óvænt til baka. Þá þvertók hann fyrir að það hefði nokkuð með ytri aðstæður í pólitíkinni að gera. Sjá einnig: Gefur ekki kost á sér fyrir næstu kosningar. Sjá einnig: Uppgjör við Pál Magnússon í Eyjum. Ljóst er að Páll er óvinsæll meðal stórs hóps í Suðurkjördæmi og má rekja þær óvinsældir til þess þegar Sjálfstæðisflokkurinn í Vestmannaeyjum klofnaði fyrir síðustu sveitarstjórnarkosningar, árið 2018. Þá gaf Páll það út að hann myndi ekki taka afstöðu til kosninganna þar og þannig studdi hann ekki Sjálfstæðisflokkinn fyrir kosningarnar. Í kjölfarið lýsti fulltrúaráð flokksins í Eyjum yfir vantrausti á Pál. Sjálfstæðisflokkurinn Alþingiskosningar 2021 Vestmannaeyjar Árborg Suðurkjördæmi Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Loksins mega hommar gefa blóð Innlent Fimm bíla árekstur á Vesturlandsvegi Innlent Vill hætta við nýja brú yfir Ölfusá og spara milljarða króna Innlent „Öllum ljóst að Ölfusárbrú verði að rísa“ Innlent Fleiri fréttir Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Þrír í haldi í fíkniefnamáli Sjá meira
Hildur Sólveig Sigurðardóttir, bæjarfulltrúi Sjálfstæðisflokksins í Vestmannaeyjum, segir þetta alrangt hjá Gunnari. Eins og Vísir greindi frá um helgina var tillaga um að Páll Magnússon tæki heiðurssæti á lista flokksins í Suðurkjördæmi fyrir komandi þingkosningar felld með miklum meirihluta á kjördæmisráði flokksins fyrir rúmir viku. Gunnar Egilsson bæjarfulltrúi, sem situr í kjördæmisráðinu, lagði tillöguna fram en hann er afar ósáttur með framgöngu ýmissa á fundinum, meðal annars formanns kjörnefndarinnar, Halldóru Bergljótar Jónsdóttur. Fannst listinn sterkari með Páli Efstu sex sætin á listanum eru ákveðin í prófkjöri en 21 manna kjörnefnd raðar síðan neðri sætunum upp og leggur tillögu sína að lista fyrir kjördæmisráð sem verður að samþykkja listann. Í kjördæmisráðinu eru 108 meðlimir. Kjörnefndin stillti Birni Bjarnasyni, fyrrverandi ráðherra og þingmanni flokksins fyrir Reykvíkinga, upp í síðasta sætið, heiðurssætið. Margir furðuðu sig á því að Páll, sem er fráfarandi oddviti flokksins í kjördæminu fengi ekki sætið. Björn Bjarnason sat lengi á þingi fyrir Reykjavíkurkjördæmin.vísir/vilhelm Á fundi kjördæmisráðs þar sem listinn var samþykktur lagði Gunnar Egilsson fram breytingartillögu þar sem hann vildi skipta Birni út af listanum fyrir Pál. „Ég hef alls ekkert á móti Birni Bjarnasyni, svo það sé á hreinu,“ segir Gunnar í samtali við Vísi. „Ég lagði bara fram þessa tillögu með okkar fráfarandi oddvita í heiðurssætið því ég taldi að listinn væri sterkari þannig.“ Segir framkomuna með ólíkindum Hann hefur ekkert út á það að setja að ráðið hafi hafnað tillögu hans – það sé lýðræðisleg niðurstaða sem hann sættir sig við. En það var framganga Eyjamanna og formanns kjörnefndarinnar, Halldóru Bergljótar, á fundinum sem Gunnari þykir óeðlileg. Halldóra lagði fram frávísunartillögu á breytingartillögu hans, sem var felld á jöfnum atkvæðum. „Það er með ólíkindum að formaður kjörnefndar leggi fram frávísunartillögu á tillöguna mína. Mér finnst það ekki hennar hlutverk að skipta sér af því. Ég lít svo á að það sé hlutverk kjörnefndarinnar að stilla upp listanum og leggja hann fram fyrir kjördæmisráðið og þar sé hlutverki hennar lokið. Formaður hennar á ekki að reyna að koma í veg fyrir breytingar sem kjördæmisráðið gæti viljað á listanum,“ segir Gunnar. Aðspurð segist Halldóra Bergljót ekki vilja bregðast við þessari gagnrýni Gunnars. Spurð hvers vegna hún hafi lagt fram frávísunartillögu á breytingartillögu hans vill hún heldur ekki svara því. Eftir að frávísunartillagan var felld var kosið um breytingartillögu Gunnars. Hún var þá felld með miklum meirihluta. Eyjamenn neita ásökunum Gunnars Gunnar segir fulltrúa flokksins frá Vestmannaeyjum á fundinum hafa mælt eindregið gegn tillögunni og hreinlega hótað að taka ekki þátt í kosningabaráttu Sjálfstæðisflokksins fyrir þingkosningarnar í haust ef hún yrði samþykkt. „Þeir fóru bara hreinlega fram með hótanir þarna. Hótuðu að opna ekki kosningaskrifstofu í Eyjum og vildu engan þátt taka ef Páll yrði í heiðurssætinu,“ segir Gunnar. Hildur Sólveig Sigurðardóttir, bæjarfulltrúi Sjálfstæðisflokksins í Vestamnnaeyjum, segir fullyrðingar Gunnars rangar. Hún tjáði sig um breytingartillöguna á fundinum: „Mig minnir að það sem ég hafi sagt hafi bara verið að þessi tillaga hafi komið mér á óvart. Að kjörnefndin hafi komist að þessari niðurstöðu um lista og mér þætti óþarfi að vera að rengja störf kjörnefndar.“ Hildur Sólveig Sigurðardóttir, bæjarfulltrúi Sjálfstæðisflokksins í Vestmannaeyjum.vísir/baldur Þannig þið hótuðuð því ekki að opna ekki kosningaskrifstofu í Eyjum fyrir þingkosningarnar ef Páll yrði á listanum? „Nei, ég held að það verði svolítið erfitt fyrir hann [Gunnar] að finna aðila sem væru tilbúnir að segja að ég eða einhver úr Vestmannaeyjum höfum hótað því. Vestmanneyingar höfðu aldrei neitt slíkt í hyggju og kjörnir fulltrúar Sjálfstæðisflokksins hefðu alltaf tryggt það besta fyrir flokkinn fyrir komandi kosningar.“ Hún segir það þá mikil vonbrigði að Gunnar hafi lagt fram breytingartillöguna annars vegar og hins vegar að hann haldi þessu fram um Eyjamenn. „Fyrir mig persónulega þá finnst mér bara leitt að þessi tillaga hafi verið borin fram. Ég bara skil eiginlega ekki alveg á hvaða vegferð hann er.“ Páll Magnússon vildi ekkert tjá sig um málið þegar Vísir náði tali af honum: „Ég vil ekki vera að tjá mig um eitthvað sem fór fram á fundi sem ég var ekki viðstaddur,“ segir hann. Aðspurður segist hann þó ekki hafa sóst eftir heiðurssætinu og telur frekar ólíklegt að hann hefði þegið boð um slíkt. Ósættið hófst þegar flokkurinn klofnaði Páll gaf upprunalega kost á sér í fyrsta sæti í prófkjöri flokksins í vor áður en hann dró framboð sitt nokkuð óvænt til baka. Þá þvertók hann fyrir að það hefði nokkuð með ytri aðstæður í pólitíkinni að gera. Sjá einnig: Gefur ekki kost á sér fyrir næstu kosningar. Sjá einnig: Uppgjör við Pál Magnússon í Eyjum. Ljóst er að Páll er óvinsæll meðal stórs hóps í Suðurkjördæmi og má rekja þær óvinsældir til þess þegar Sjálfstæðisflokkurinn í Vestmannaeyjum klofnaði fyrir síðustu sveitarstjórnarkosningar, árið 2018. Þá gaf Páll það út að hann myndi ekki taka afstöðu til kosninganna þar og þannig studdi hann ekki Sjálfstæðisflokkinn fyrir kosningarnar. Í kjölfarið lýsti fulltrúaráð flokksins í Eyjum yfir vantrausti á Pál.
Sjálfstæðisflokkurinn Alþingiskosningar 2021 Vestmannaeyjar Árborg Suðurkjördæmi Mest lesið Munu ekki láta af herferð vegna launaþjófnaðarins Innlent Munu hlýða kröfu landsfundar verði tillaga um stjórnarslit samþykkt Innlent Ákveðinn hópur hafi unnið að niðurstöðunni undir yfirborðinu Innlent Orlof húsmæðra: Barn síns tíma eða liður í jafnrétti? Innlent Kertavaka til minningar um konur sem hafa dáið vegna kynbundins ofbeldis Innlent Segir valsað um sjúkraskrána eins og á rölti um Kringluna Innlent Loksins mega hommar gefa blóð Innlent Fimm bíla árekstur á Vesturlandsvegi Innlent Vill hætta við nýja brú yfir Ölfusá og spara milljarða króna Innlent „Öllum ljóst að Ölfusárbrú verði að rísa“ Innlent Fleiri fréttir Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Bein útsending: Ávarp fráfarandi formanns Vinstri grænna Nágrannaerjur í Kópavogi: Ekki sýnt fram á að ákveðin tré valdi verulegum óþægindum Segir valsað um sjúkraskrána eins og á rölti um Kringluna Ábendingarnar verði teknar alvarlega Hætta rannsókn á mútumálinu á Selfossi Þrettán fengið samtals 512 eldri orlofsdaga greidda við starfslok Ökumanns hvítrar Teslu enn leitað Starfsfólk Ítalíu vill bíl Eflingar burt „Hönnun er í raun og veru allt í kringum okkur“ Rjúpnaveiðitímabilið 25 til 58 dagar eftir svæðum Vill hætta við nýja brú yfir Ölfusá og spara milljarða króna Níu ára stúlka sem féll niður loftræstistokk á rétt á skaðabótum „Laxaastmi“ tekinn alvarlega fyrir vestan Loftmyndir opna nýtt og einstakt þrívíddarkort af Íslandi Býst við þremur áminningum til og hjólar í lögmannanefnd List í anda frægustu orða Vigdísar og allar slaufurnar á sama stað Stilltu til friðar í slagsmálum fyrir utan skemmtistað Lögmaður eiginkonunnar fyrrverandi segir lögreglu ljúga Vísar orðum Jóns um nýja Ölfusárbrú á bug Þrír í haldi í fíkniefnamáli Sjá meira