Réðust inn á heimili og slógu hús­ráðanda með spýtu

Í dagbók lögreglu segir að húsráðandi hafi verið með áverka víðsvegar um líkamann eftir árásina og er málið nú í rannsókn.

Einnig segir frá því að tilkynnt hafi verið um erlendan mann við drykkju inni á bar með lítið barn sér við hlið í hverfi 104 í Reykjavík. Við afskipti lögreglu hafi maðurinn brugðist illur við og veitt mótþróa. Við handtöku bar hann stóran hníf og ætluð fíkniefni. Barnavernd tók við barninu.

Í dagbók lögreglu segir einnig frá að líkamsárás hafi verið framin í hverfi 105 og þá hafi lögregla þurft að sinna verkefnum tengdum „öldauðum“ mönnum í Hjartagarðinum, á horni Klapparstígs og Laugavegar og svo í Hafnarfirði.