„Vekur marga til umhugsunar um það álag sem er á herðum þessara keppenda“ Ingvi Þór Sæmundsson skrifar 28. júlí 2021 13:01 Um fátt hefur verið meira rætt undanfarin sólarhring en þá ákvörðun Simone Biles að draga sig úr keppni á Ólympíuleikanna í Tókýó. getty/Laurence Griffiths Sú ákvörðun fimleikastjörnunnar Simone Biles að draga sig úr keppni á Ólympíuleikunum til að huga að andlegri heilsu sinni gæti haft mikil áhrif til frambúðar og skapað aukna umræðu um það umhverfi sem stærstu íþróttastjörnur heims lifa og hrærast í. Þetta segir Haukur Ingi Guðnason, fyrrverandi fótboltamaður sem hefur starfað við og kennt íþróttasálfræði. „Þetta er auðvitað mjög stórt og vekur marga til umhugsunar um það álag sem er á herðum þessara keppenda,“ sagði Haukur í samtali við Vísi í dag. Hann segir að veruleiki íþróttafólks sé að mörgu leyti flóknari nú en áður, meðal annars vegna tilkomu samfélagsmiðla, og segir að það sé enn að læra að fóta sig í honum. „Þetta er alltaf að verða stærra og stærra og flóknara og flóknara því það má segja að þessar stærstu íþróttastjörnur séu farnar að verða sinn eigin fjölmiðill í gegnum samfélagsmiðla. Í einhverjum tilfellum getur það komið í bakið á þeim. Pressan að vera alltaf í beinu sambandi við aðdáendur getur verið íþyngjandi,“ sagði Haukur. Haukur Ingi Guðnason lék 172 leiki í efstu deild og skoraði 36 mörk.STÖÐ 2 SPORT „Maður hefur tilhneigingu til að gleyma því hversu stutt er síðan samfélagsmiðlar urðu ráðandi í lífi fólks. Við erum enn að læra á þetta og erum í eins konar tilraun á líðandi stundu. Margt íþróttafólk sem ég þekki og er hætt hefur talað um að það sé fegið að vera ekki uppi í dag með allt þetta áreiti. Allir geta haft skoðun á þér og það er auðvelt að varpa henni fram og fá mikla athygli. Ég held að þetta útspil Biles muni vonandi fá fólk til að hugsa sig um hvernig það vill nálgast hlutina, hvaða áhrif þetta getur haft á íþróttafólk, þetta sífellda áreiti.“ Biles keppti í fyrstu greininni, stökki, í liðakeppninni í gær áður en hún dró sig úr keppni. Brotthvarf hennar hafði greinileg áhrif á bandaríska liðið í síðustu þremur greinunum. „Mér fannst þessi ákvörðun hennar gera það að verkum að spennustig annarra keppenda var of hátt. Það var mín upplifun. Þær gerðu mjög sjaldséð mistök eins og að detta og gleyma rútínu,“ sagði Haukur. Bandaríska liðið með silfrið.getty/Tim Clayton Hann segir mikilvægt að íþróttafólk fái leiðbeiningar hvernig það eigi að bera sig að í stafrænum heimi. „Burtséð frá því hvað við lesum í þetta held ég að aðalatriðið sé að draga inn andann og átta sig á við hvaða aðstæður íþróttafólk nú til dags þarf að takast á við með tilkomu samfélagsmiðla og alls þessa áreitis sem er fyrir utan íþróttina sjálfa,“ sagði Haukur. „Samfélagsmiðlarnir eru ekkert að fara þannig að mögulega verður þetta til þess að það verði meira hugað að því hvernig við getum hjálpað íþróttafólki að takast á við þetta og þetta verði jafnvel hluti af einhvers konar þjálfun.“ Biles hætti keppni í liðakeppninni og mun ekki keppa í fjölþraut á morgun. Ekki er loku fyrir það skotið að hún keppi á einstökum áhöldum.getty/Mustafa Yalcin Ekki er langt síðan tennisstjarnan Naomi Osaka dró sig úr keppni á Wimbledon mótinu eftir að hún neitaði að mæta á blaðamannafundi til að vernda andlega heilsu sína. Jafnöldurnar Osaka og Biles hafa því staðið í stafni aukinnar umræðu um andlega heilsu íþróttafólks, umræðu sem verður sífellt háværari. „Íþróttafólk, eins og almenningur, getur átt við alls konar andlega örðugleika að etja og þurft að tækla þá með viðeigandi hætti. Í íþróttunum og því umhverfi þarftu alltaf að sýna styrkleika og mátt ekki sýna neina veikleika. Og stundum getur það verið erfitt,“ sagði Haukur. „Þegar fólk þarf á aðstoð að halda getur það vonandi verið opinskátt með það og þarf ekki að líta á það sem eitthvað tabú. Ég vonast til þessir atburðir muni leiða til þess að fólk verði enn tilbúnara til að huga að sínum vanda.“ Ólympíuleikar 2020 í Tókýó Fimleikar Geðheilbrigði Mest lesið Segir nýju mennina hjá Liverpool ekkert hafa getað Enski boltinn Fékk yfir sig vatnsgusu: „Fagna þessu á Gus Gus á morgun“ Íslenski boltinn Sigur í hjarta Muay Thai íþróttarinnar opnar margar dyr Sport Dagskráin í dag: Fallslagur í Vesturbænum og enski í algleymingi Sport Sjáðu mörkin sem tryggðu Blikum titilinn Íslenski boltinn „Við grípum augnablikið og gerum það mjög vel“ Körfubolti Sjáðu glæsimörkin sem skiluðu Bournemouth upp í annað sætið Enski boltinn Semenyo í stuði og Bournemouth upp í annað sætið Enski boltinn Sláandi xG tölfræði hjá Manchester United Enski boltinn Uppgjörið: Breiðablik 3-2 Víkingur | Breiðablik Íslandsmeistari 2025 Íslenski boltinn Fleiri fréttir Sjáðu glæsimörkin sem skiluðu Bournemouth upp í annað sætið Dagskráin í dag: Fallslagur í Vesturbænum og enski í algleymingi Segir nýju mennina hjá Liverpool ekkert hafa getað Sjáðu mörkin sem tryggðu Blikum titilinn „Við grípum augnablikið og gerum það mjög vel“ Sigur í hjarta Muay Thai íþróttarinnar opnar margar dyr Fékk yfir sig vatnsgusu: „Fagna þessu á Gus Gus á morgun“ Uppgjörið: Grindavík - Njarðvík 109-96 | Grindvíkingar unnu í heimkomunni Semenyo í stuði og Bournemouth upp í annað sætið „Verðum nú að fagna þessu aðeins“ Ísak og félagar upp í fjórða sætið og endurkoma hjá Brynjólfi Uppgjörið: Breiðablik 3-2 Víkingur | Breiðablik Íslandsmeistari 2025 Hringt í flesta eigendur í Formúlu 1 eftir brottreksturinn frá Red Bull Diljá lagði upp í níu marka sigri Martin með nítján stig í fyrsta leik Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United Stólarnir fastir í München De Assis með fjórða íslenska liðinu á fjórum árum „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Börnin mikilvægari en NFL Bjóða upp á Frank Booker-árskort Semenya hættir baráttu sinni Afar ólík viðbrögð hjá Hlyni Bærings og Benna Gumm eftir byrjun þáttarins Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Komin fimm mánuði á leið en stendur á höndum eins og ekkert sé Sjá meira
„Þetta er auðvitað mjög stórt og vekur marga til umhugsunar um það álag sem er á herðum þessara keppenda,“ sagði Haukur í samtali við Vísi í dag. Hann segir að veruleiki íþróttafólks sé að mörgu leyti flóknari nú en áður, meðal annars vegna tilkomu samfélagsmiðla, og segir að það sé enn að læra að fóta sig í honum. „Þetta er alltaf að verða stærra og stærra og flóknara og flóknara því það má segja að þessar stærstu íþróttastjörnur séu farnar að verða sinn eigin fjölmiðill í gegnum samfélagsmiðla. Í einhverjum tilfellum getur það komið í bakið á þeim. Pressan að vera alltaf í beinu sambandi við aðdáendur getur verið íþyngjandi,“ sagði Haukur. Haukur Ingi Guðnason lék 172 leiki í efstu deild og skoraði 36 mörk.STÖÐ 2 SPORT „Maður hefur tilhneigingu til að gleyma því hversu stutt er síðan samfélagsmiðlar urðu ráðandi í lífi fólks. Við erum enn að læra á þetta og erum í eins konar tilraun á líðandi stundu. Margt íþróttafólk sem ég þekki og er hætt hefur talað um að það sé fegið að vera ekki uppi í dag með allt þetta áreiti. Allir geta haft skoðun á þér og það er auðvelt að varpa henni fram og fá mikla athygli. Ég held að þetta útspil Biles muni vonandi fá fólk til að hugsa sig um hvernig það vill nálgast hlutina, hvaða áhrif þetta getur haft á íþróttafólk, þetta sífellda áreiti.“ Biles keppti í fyrstu greininni, stökki, í liðakeppninni í gær áður en hún dró sig úr keppni. Brotthvarf hennar hafði greinileg áhrif á bandaríska liðið í síðustu þremur greinunum. „Mér fannst þessi ákvörðun hennar gera það að verkum að spennustig annarra keppenda var of hátt. Það var mín upplifun. Þær gerðu mjög sjaldséð mistök eins og að detta og gleyma rútínu,“ sagði Haukur. Bandaríska liðið með silfrið.getty/Tim Clayton Hann segir mikilvægt að íþróttafólk fái leiðbeiningar hvernig það eigi að bera sig að í stafrænum heimi. „Burtséð frá því hvað við lesum í þetta held ég að aðalatriðið sé að draga inn andann og átta sig á við hvaða aðstæður íþróttafólk nú til dags þarf að takast á við með tilkomu samfélagsmiðla og alls þessa áreitis sem er fyrir utan íþróttina sjálfa,“ sagði Haukur. „Samfélagsmiðlarnir eru ekkert að fara þannig að mögulega verður þetta til þess að það verði meira hugað að því hvernig við getum hjálpað íþróttafólki að takast á við þetta og þetta verði jafnvel hluti af einhvers konar þjálfun.“ Biles hætti keppni í liðakeppninni og mun ekki keppa í fjölþraut á morgun. Ekki er loku fyrir það skotið að hún keppi á einstökum áhöldum.getty/Mustafa Yalcin Ekki er langt síðan tennisstjarnan Naomi Osaka dró sig úr keppni á Wimbledon mótinu eftir að hún neitaði að mæta á blaðamannafundi til að vernda andlega heilsu sína. Jafnöldurnar Osaka og Biles hafa því staðið í stafni aukinnar umræðu um andlega heilsu íþróttafólks, umræðu sem verður sífellt háværari. „Íþróttafólk, eins og almenningur, getur átt við alls konar andlega örðugleika að etja og þurft að tækla þá með viðeigandi hætti. Í íþróttunum og því umhverfi þarftu alltaf að sýna styrkleika og mátt ekki sýna neina veikleika. Og stundum getur það verið erfitt,“ sagði Haukur. „Þegar fólk þarf á aðstoð að halda getur það vonandi verið opinskátt með það og þarf ekki að líta á það sem eitthvað tabú. Ég vonast til þessir atburðir muni leiða til þess að fólk verði enn tilbúnara til að huga að sínum vanda.“
Ólympíuleikar 2020 í Tókýó Fimleikar Geðheilbrigði Mest lesið Segir nýju mennina hjá Liverpool ekkert hafa getað Enski boltinn Fékk yfir sig vatnsgusu: „Fagna þessu á Gus Gus á morgun“ Íslenski boltinn Sigur í hjarta Muay Thai íþróttarinnar opnar margar dyr Sport Dagskráin í dag: Fallslagur í Vesturbænum og enski í algleymingi Sport Sjáðu mörkin sem tryggðu Blikum titilinn Íslenski boltinn „Við grípum augnablikið og gerum það mjög vel“ Körfubolti Sjáðu glæsimörkin sem skiluðu Bournemouth upp í annað sætið Enski boltinn Semenyo í stuði og Bournemouth upp í annað sætið Enski boltinn Sláandi xG tölfræði hjá Manchester United Enski boltinn Uppgjörið: Breiðablik 3-2 Víkingur | Breiðablik Íslandsmeistari 2025 Íslenski boltinn Fleiri fréttir Sjáðu glæsimörkin sem skiluðu Bournemouth upp í annað sætið Dagskráin í dag: Fallslagur í Vesturbænum og enski í algleymingi Segir nýju mennina hjá Liverpool ekkert hafa getað Sjáðu mörkin sem tryggðu Blikum titilinn „Við grípum augnablikið og gerum það mjög vel“ Sigur í hjarta Muay Thai íþróttarinnar opnar margar dyr Fékk yfir sig vatnsgusu: „Fagna þessu á Gus Gus á morgun“ Uppgjörið: Grindavík - Njarðvík 109-96 | Grindvíkingar unnu í heimkomunni Semenyo í stuði og Bournemouth upp í annað sætið „Verðum nú að fagna þessu aðeins“ Ísak og félagar upp í fjórða sætið og endurkoma hjá Brynjólfi Uppgjörið: Breiðablik 3-2 Víkingur | Breiðablik Íslandsmeistari 2025 Hringt í flesta eigendur í Formúlu 1 eftir brottreksturinn frá Red Bull Diljá lagði upp í níu marka sigri Martin með nítján stig í fyrsta leik Tíu bestu mörkin úr leikjum Chelsea og Liverpool Antony sakar United um virðingarleysi og dónaskap Frítt inn í kvöld þegar Blikakonur geta orðið Íslandsmeistarar Sláandi xG tölfræði hjá Manchester United Stólarnir fastir í München De Assis með fjórða íslenska liðinu á fjórum árum „Mjög erfitt fyrir okkur ef við klárum þetta ekki í kvöld“ Sjáðu mark Hákonar og vítavörslurnar þrjár Börnin mikilvægari en NFL Bjóða upp á Frank Booker-árskort Semenya hættir baráttu sinni Afar ólík viðbrögð hjá Hlyni Bærings og Benna Gumm eftir byrjun þáttarins Enginn Foden, Bellingham eða Grealish í enska landsliðshópnum Nýbyrjaður en hans eigin stuðningsmenn sungu: „Þú verður rekinn í fyrramálið“ Komin fimm mánuði á leið en stendur á höndum eins og ekkert sé Sjá meira