Tals­verðar reyk­skemmdir eftir að kviknaði í ris­í­búð í Hafnar­firði

Þetta kemur fram í dagbók lögreglu. Samkvæmt frétt RÚV gekk slökkviliði greiðlega að slökkva eldinn sem hafði ekki borist í fleiri íbúðir í húsinu. Mikið tjón varð vegna reyksins en enginn var í íbúðinni þegar eldurinn kom upp. Ekki er ljóst hvernig kviknaði í.

Talsverður fjöldi ökumanna var stöðvaður í nótt grunaður um akstur undir áhrifum áfengis og/eða fíkniefna. Sjö voru alls stöðvaðir grunaðir um þetta í gærkvöld og í nótt. Fjórir þeirra óku án gildra ökuréttinda. 

Þá var einn þeirra sem var stöðvaður grunaður um vörslu og/eða sölu fíkniefna og var sá vistaður í fangageymslu lögregu fyrir rannsókn málsins.