Fótbolti

Ronaldo búinn að biðja um sölu frá Juventus

Hjörtur Leó Guðjónsson skrifar
Cristiano Ronaldo vill losna frá ítalska liðinu Juventus.
Cristiano Ronaldo vill losna frá ítalska liðinu Juventus. Marco Canoniero/LightRocket via Getty Images

Cristiano Ronaldo, einn besti knattspyrnumaður heims, vill komast burt frá ítalska stórveldinu Juventus. Talið er að Juventus fari fram á 25-30 milljónir evra fyrir Ronaldo.

Íþróttafréttamaðurinn Fabrizio Romano er einn af þeim sem greinir frá þessu á Twitter síðu sinni og Gianluca Di Marzio, kollegi Romano, segir að formlegt tilboð frá Manchester City sé væntanlegt á næstu klukkutímum.

Þá hafa einnig borist fregnir af því að umboðsmaður Ronaldo hafi verið í viðræðum við forráðamenn Manchester City og Juventus.

Ronaldo er einn allra mesti markahrókur knattspyrnusögunnar, en hann hefur skorað 783 mörk í 1073 leikjum fyrir félagslið sín og Portúgalska landsliðið.

Ítalski boltinn

Mest lesið


Fleiri fréttir

Sjá meira


×

Mest lesið