Ferguson sagði bikara og medalíur ekki skipta máli fyrir börn og unglinga Sindri Sverrisson skrifar 7. september 2021 07:31 Sir Alex Ferguson hefur varið stórum hluta ævinnar á Carrington æfingasvæðinu og var alltaf duglegur að kíkja á yngri iðkendur spila, jafnvel 8 eða 9 ára krakka. Hér er hann á æfingu með 23 ára gömlum Cristiano Ronaldo, árið 2008, en leikmenn áttu það margir til að fylgja Ferguson eftir og kíkja á krakkana. Getty/Matthew Peters Sir Alex Ferguson hafði mikinn áhuga á þjálfun og þróun ungra iðkenda í akademíu Manchester United og lagði mikla áherslu á að markmiðið væri ekki að þeir ynnu til verðlauna sem börn og unglingar, heldur síðar meir. Þetta segir Dr. Amanda Johnson sem heldur námskeið í vikunni fyrir þjálfara og aðra sem vinna að mótun ungra íþróttaiðkenda. Eins og Amanda orðar það sjálf þá var Ferguson yfirmaður hennar í áratug, á árunum 2000-2010, þegar hún var yfirsjúkraþjálfari í akademíu Manchester United. Hún segir Ferguson hafa kíkt á krakkana í hverri viku og haft sterkar skoðanir á þróun þeirra. „Hann var mjög ástríðufullur þegar kom að þjálfun og þróun ungra leikmanna. Hann studdi vel við allar rannsóknir sem við gerðum. Þegar Carrington [æfingasvæði Manchester United] var byggt krafðist hann þess líka að akademían væri sömu megin og aðalliðið. Hjá mörgum félögum í Bretlandi eru svæði þessara hópa aðskilin. Ferguson var hins vegar harður á því að við værum öll Manchester United. Hann kom reglulega til að sjá yngri krakkana spila, alveg frá 9 ára aldri og upp úr. Það gerðu leikmennirnir líka. Þetta þótti honum eðlilegt að gera, og þegar hann kom gat maður séð hvernig allir krakkarnir, í báðum liðum, lifnuðu við,“ sagði Amanda í viðtali við Vísi. Þarf að hugsa um krakkana til lengri tíma Eftir að hún hætti hjá United starfaði Amanda hjá Aspire akademíunni í Katar en hún er nú flutt aftur heim til Manchester. Hún segir að Ole Gunnar Solskjær, núverandi stjóri United og fyrrverandi lærisveinn Ferguson, nálgist starf sitt með sams konar hætti og Skotinn gerði. Þó að sérhæfing Amöndu snúi að sjúkraþjálfun barna - að vinna með unga líkama sem sífellt geta verið að stækka eða breytast - þá lærði hún ýmislegt fleira af því að starfa fyrir United: „Ég man að Ferguson lagði ríka áherslu á að maður fengi ekki medalíur fyrir að vera bestur í U13- eða U14-liði. Hann vildi bara að þegar leikmenn væru orðnir 18 eða 19 ára væru þeir tilbúnir til að spila með aðalliðinu en fram að því giltu önnur lögmál. Hann sagði að það skipti engu máli hvaða verðlaun eða bikara börn og unglingar væru að vinna, enda er það ekki mikilvægt í neinni íþrótt. Það sem skiptir máli er hvað þau geta þegar þau verða fullorðin. Foreldrar eru stundum of helteknir af því að krakkinn þeirra þurfi að vera bestur í liðinu. Það skiptir ekki máli. Það þarf að hugsa um krakkana til lengri tíma,“ sagði Amanda, og bætti við: Klippa: Dr. Johnson um foreldra íþróttabarna „Hjá United var ég mikið að leiðbeina foreldrum. Maður reyndi að koma þeim skilaboðum áfram til foreldra að halda sig frá og leyfa þjálfurum og fagaðilum að sjá um þjálfunina. Öllum finnst barnið sitt vera það mikilvægasta, og foreldrarnir töldu sig allir vera algjöra sérfræðinga, sérstaklega mömmurnar. Þær voru verstar. Þær voru ekki sammála okkar mati en auðvitað má búast við þessu þegar þetta eru þeirra börn. Ég reyndi að koma þeim skilaboðum áfram að foreldrar héldu væntingum sínum niðri og létu þær ekki hafa áhrif á börnin. Það hjálpar ekki börnunum ef þeim tekst svo ekki að standa undir þeim.“ Nánari upplýsingar um námskeið Amöndu, sem haldið verður í Reykjavík á föstudag og á Akureyri á laugardag, má nálgast hér. Íþróttir barna Fótbolti Enski boltinn Mest lesið Í beinni þegar tilkynnt var að hann væri rekinn Fótbolti Gáfu skít í yfirmann sem hreykti sér af þeirra afrekum Fótbolti Hélt hann væri laus við þessi mál Fótbolti Fyrirliðinn segir Íslendingaliðið of gott fyrir C-deildina Enski boltinn Arftaki Þóris fundinn: „Þetta eru stórir skór að fylla í“ Handbolti Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Daníel og Irma taka spennandi stökk: „Maður vill ekki lifa í eftirsjá eftir ferilinn“ Sport Brasilíski miðvörðurinn gríðarlega eftirsóttur Fótbolti Sjáðu slysalegt sjálfsmark og Emil skora í tólfta sinn Íslenski boltinn Fleiri fréttir Gáfu skít í yfirmann sem hreykti sér af þeirra afrekum Sjáðu slysalegt sjálfsmark og Emil skora í tólfta sinn Hélt hann væri laus við þessi mál Kraftaverk hjá Mbappé sem kannski spilar á morgun Ronaldo benti til himins: „Vildi að pabbi væri enn á lífi“ Í beinni þegar tilkynnt var að hann væri rekinn Fyrirliðinn segir Íslendingaliðið of gott fyrir C-deildina Brasilíski miðvörðurinn gríðarlega eftirsóttur Forsetinn Eto‘o fær ekki að mæta á leiki þjóðar sinnar Versta byrjun í sögu efstu deildar Hilmar Árni: Þurftum að vinna, gerðum það og svo bara næsti leikur Kolbeinn með glæsimark í sigri Gautaborgar Heimamenn kláruðu dæmið í fyrri hálfleik Dómarinn fyrrverandi segir Bruno hafa átt að fá gult Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Fyrirliðinn Popp leggur landsliðsskóna á hilluna Oliver við æfingar á Englandi eftir frábært tímabil með ÍBV Leikmenn láta í sér heyra: „Við erum í hættu“ Mourinho fékk spjald fyrir furðuleg mótmæli Ætla að sniðganga leikinn við Víking Liverpool ekki meistaraefni: „Eru langt á eftir City og Arsenal“ Spilar ekki gegn Arsenal eftir hávaðarifrildi Spilar ekki í deildinni fyrr en í nóvember Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Landsliðsskórnir komnir á hilluna Ten Hag verði ekki rekinn Simeone kennir Courtois um ólætin Leikurinn ekki stöðvaður þó svo maður hafi dáið í stúkunni Áhorfandi fékk sex milljónir fyrir ótrúlegt skot Dagskráin í dag: Stúkan tæklar stóru málin og Guðrún gæti orðið meistari Sjá meira
Þetta segir Dr. Amanda Johnson sem heldur námskeið í vikunni fyrir þjálfara og aðra sem vinna að mótun ungra íþróttaiðkenda. Eins og Amanda orðar það sjálf þá var Ferguson yfirmaður hennar í áratug, á árunum 2000-2010, þegar hún var yfirsjúkraþjálfari í akademíu Manchester United. Hún segir Ferguson hafa kíkt á krakkana í hverri viku og haft sterkar skoðanir á þróun þeirra. „Hann var mjög ástríðufullur þegar kom að þjálfun og þróun ungra leikmanna. Hann studdi vel við allar rannsóknir sem við gerðum. Þegar Carrington [æfingasvæði Manchester United] var byggt krafðist hann þess líka að akademían væri sömu megin og aðalliðið. Hjá mörgum félögum í Bretlandi eru svæði þessara hópa aðskilin. Ferguson var hins vegar harður á því að við værum öll Manchester United. Hann kom reglulega til að sjá yngri krakkana spila, alveg frá 9 ára aldri og upp úr. Það gerðu leikmennirnir líka. Þetta þótti honum eðlilegt að gera, og þegar hann kom gat maður séð hvernig allir krakkarnir, í báðum liðum, lifnuðu við,“ sagði Amanda í viðtali við Vísi. Þarf að hugsa um krakkana til lengri tíma Eftir að hún hætti hjá United starfaði Amanda hjá Aspire akademíunni í Katar en hún er nú flutt aftur heim til Manchester. Hún segir að Ole Gunnar Solskjær, núverandi stjóri United og fyrrverandi lærisveinn Ferguson, nálgist starf sitt með sams konar hætti og Skotinn gerði. Þó að sérhæfing Amöndu snúi að sjúkraþjálfun barna - að vinna með unga líkama sem sífellt geta verið að stækka eða breytast - þá lærði hún ýmislegt fleira af því að starfa fyrir United: „Ég man að Ferguson lagði ríka áherslu á að maður fengi ekki medalíur fyrir að vera bestur í U13- eða U14-liði. Hann vildi bara að þegar leikmenn væru orðnir 18 eða 19 ára væru þeir tilbúnir til að spila með aðalliðinu en fram að því giltu önnur lögmál. Hann sagði að það skipti engu máli hvaða verðlaun eða bikara börn og unglingar væru að vinna, enda er það ekki mikilvægt í neinni íþrótt. Það sem skiptir máli er hvað þau geta þegar þau verða fullorðin. Foreldrar eru stundum of helteknir af því að krakkinn þeirra þurfi að vera bestur í liðinu. Það skiptir ekki máli. Það þarf að hugsa um krakkana til lengri tíma,“ sagði Amanda, og bætti við: Klippa: Dr. Johnson um foreldra íþróttabarna „Hjá United var ég mikið að leiðbeina foreldrum. Maður reyndi að koma þeim skilaboðum áfram til foreldra að halda sig frá og leyfa þjálfurum og fagaðilum að sjá um þjálfunina. Öllum finnst barnið sitt vera það mikilvægasta, og foreldrarnir töldu sig allir vera algjöra sérfræðinga, sérstaklega mömmurnar. Þær voru verstar. Þær voru ekki sammála okkar mati en auðvitað má búast við þessu þegar þetta eru þeirra börn. Ég reyndi að koma þeim skilaboðum áfram að foreldrar héldu væntingum sínum niðri og létu þær ekki hafa áhrif á börnin. Það hjálpar ekki börnunum ef þeim tekst svo ekki að standa undir þeim.“ Nánari upplýsingar um námskeið Amöndu, sem haldið verður í Reykjavík á föstudag og á Akureyri á laugardag, má nálgast hér.
Íþróttir barna Fótbolti Enski boltinn Mest lesið Í beinni þegar tilkynnt var að hann væri rekinn Fótbolti Gáfu skít í yfirmann sem hreykti sér af þeirra afrekum Fótbolti Hélt hann væri laus við þessi mál Fótbolti Fyrirliðinn segir Íslendingaliðið of gott fyrir C-deildina Enski boltinn Arftaki Þóris fundinn: „Þetta eru stórir skór að fylla í“ Handbolti Versta byrjun í sögu efstu deildar Fótbolti Forsetinn Eto‘o fær ekki að mæta á leiki þjóðar sinnar Fótbolti Daníel og Irma taka spennandi stökk: „Maður vill ekki lifa í eftirsjá eftir ferilinn“ Sport Brasilíski miðvörðurinn gríðarlega eftirsóttur Fótbolti Sjáðu slysalegt sjálfsmark og Emil skora í tólfta sinn Íslenski boltinn Fleiri fréttir Gáfu skít í yfirmann sem hreykti sér af þeirra afrekum Sjáðu slysalegt sjálfsmark og Emil skora í tólfta sinn Hélt hann væri laus við þessi mál Kraftaverk hjá Mbappé sem kannski spilar á morgun Ronaldo benti til himins: „Vildi að pabbi væri enn á lífi“ Í beinni þegar tilkynnt var að hann væri rekinn Fyrirliðinn segir Íslendingaliðið of gott fyrir C-deildina Brasilíski miðvörðurinn gríðarlega eftirsóttur Forsetinn Eto‘o fær ekki að mæta á leiki þjóðar sinnar Versta byrjun í sögu efstu deildar Hilmar Árni: Þurftum að vinna, gerðum það og svo bara næsti leikur Kolbeinn með glæsimark í sigri Gautaborgar Heimamenn kláruðu dæmið í fyrri hálfleik Dómarinn fyrrverandi segir Bruno hafa átt að fá gult Uppgjörið og viðtöl: Stjarnan - ÍA 3-0 | Stjarnan gerir atlögu að Evrópusætinu Fyrirliðinn Popp leggur landsliðsskóna á hilluna Oliver við æfingar á Englandi eftir frábært tímabil með ÍBV Leikmenn láta í sér heyra: „Við erum í hættu“ Mourinho fékk spjald fyrir furðuleg mótmæli Ætla að sniðganga leikinn við Víking Liverpool ekki meistaraefni: „Eru langt á eftir City og Arsenal“ Spilar ekki gegn Arsenal eftir hávaðarifrildi Spilar ekki í deildinni fyrr en í nóvember Sjáðu mörkin: Hetjan Tarik lyfti Víkingum á toppinn | Sjö mörk KR kaffærðu Fram Landsliðsskórnir komnir á hilluna Ten Hag verði ekki rekinn Simeone kennir Courtois um ólætin Leikurinn ekki stöðvaður þó svo maður hafi dáið í stúkunni Áhorfandi fékk sex milljónir fyrir ótrúlegt skot Dagskráin í dag: Stúkan tæklar stóru málin og Guðrún gæti orðið meistari Sjá meira