Betri hljóðvist við Miklubraut Ævar Harðarson skrifar 20. október 2021 15:30 Með því að byggja á gatnamótum Miklubrautar og Háaleitisbrautar eins og vinnutillögur hverfisskipulags sýna má bæta hljóðvist verulega fyrir íbúa á svæðinu. Þessar nýju byggingar geta verið hávaðaskermar samtímis sem þær mynda skjólsæla og sólríka inngarða í skjóli fyrir norðanáttinni. Í nýju byggingunum getur verið blanda af íbúða- og atvinnuhúsnæði byggt með afbragðs hljóðvörnum sem hæfa staðsetningunni. Nefna verður að um er að ræða eina bestu staðsetningu í borginni með mikilvæga þjónustukjarna eins og Austurver og Miðbæ í næsta nágrenni. Stutt er í Kringluna og Skeifan er í göngufæri með mikla þjónustu. Borgarbreiðstræti í Helsinki. Listræn sýn á hvernig borgarbreiðstræti getur liti út í Helsinki.Helsinki borg Um þessar mundir er víða um heim verið að byggja á fyrrum veghelgunarsvæðum stofnbrauta Góðar fyrirmyndir er að sækja til hinna Norðurlandanna. Í Helsinki hefur á undanförnum árum staðið yfir verkefni sem kalla mætti borgarbreiðstræti eða city Boulevard. Þar hafa borgaryfirvöld unnið að því að umbreyta um átta sambærilegum stofnbrautum og Miklabraut í borgarbreiðstræti. Þar standa nýbyggingar þétt upp við götu með blöndu af bílaumferð, almenningssamgöngum og gangandi og hjólandi vegfarendum í vel hönnuðu umhverfi með gróðri, eins og meðfylgjandi mynd sýnir. Aðgerða þörf á þessum stað Staðan í dag er sú að að bílaumferð um Miklubraut er gífurleg. Miklabraut er verulegur farartálmi fyrir umferð gangandi og hjólandi vegfarenda en á sama tíma mjög nauðsynleg meginflutningsæð bílaumferðar. Á þeim kafla sem hér er til umfjöllunar fara um 46.000 til 52.000 ökutæki á sólarhring. Hljóðvist í íbúðum næst Miklubraut er ekki góð. Miklabraut við Háaleiti. Sniðmyndir sem sýna núverandi aðstæður og breytinguna.Trípólí arkitektar Rétt er að nefna að samkvæmt samgöngusáttmála ríkisins og sveitarfélaga á höfuðborgarsvæðinu á að setja Miklubraut í stokk frá Snorrabraut austur fyrir Kringlu en Miklabrautin er umferðarþyngsta gata landsins. Ofanjarðar verður götunni breytt í borgargötu, skapað rými fyrir borgarlínu í sérrými, akstursleiðir fyrir bíla og góðir göngu- og hjólastígar beggja vegna. Hluti af þessu verkefni er að byggja á veghelgunarsvæðum sem ekki verður þörf fyrir eftir að meginumferð bíla er komin í stokk eða jarðgöng. En aðgerða er þörf á Háaleitinu sérstaklega ef Miklabrautin verður ekki sett undir jörðina á þessu svæði. Vinnutillagan sem nú er kynnt gerir ráð fyrir að Miklabrautin verði borgargata með borgarlínu í sérrými yfir Háaleitið þó svo að umferð verði ofanjarðar. 500 nýjar íbúðir Lausleg samantekt á því sem sést á meðfylgjandi mynd er að í þriggja til fimm hæða byggingum megi koma fyrir um 80 þúsund fermetrum. Ef helmingur húsnæðisins væri nýttur fyrir íbúðir mætti koma þar fyrir um 500 nýjum íbúðum. Afganginn af nýbyggingunum, eða um 40 þúsund fermetra, mætti nýta í atvinnuhúsnæði, verslanir og hótel. Þess ber að geta að blanda af íbúðum og atvinnustarfsemi stuðlar að vistvænni byggð þar sem fleiri geta búið í næsta nágrenni við vinnustaði. Þessi nýja byggð hefði mjög gott aðgengi að samgöngum og væri í göngufæri við mikilvæga þjónustu. Miðað er við að að bílastæðum fyrir byggingarnar væri komið fyrir í bílakjöllurum eins og sýnt er að sniðmyndinni. Hugmynd að uppbyggingu meðfram Miklubraut. Ein af hugmyndum ráðgjafa hverfisskipulagsins um mögulega þéttingu byggðar milli Háaleitisbrautar og Hvassaleitis.Jakob Jakobsson arkitekt Fræðast má meira um þessar vinnutillögur á https://skipulag.reykjavik.is/. Einnig geta íbúar og hagsmunaðilar í Háaleiti-Bústöðum mætt á upplýsingafund fimmudaginn 21. október næstkomandi í Réttarholtskóla en fundurinn hefst kl. 19.30. Þar mun fundargestum gefast færi á að kynna sér tillögurnar, ræða við sérfræðinga Reykjavíkurborgar og skipulagsráðgjafa og koma á framfæri ábendingum og athugasemdum. Höfundur er deildarstjóri Hverfisskipulags Reykjavíkur á umhverfis- og skipulagssviði Reykjavíkurborgar/Ph.D. arkitekt. Viltu birta grein á Vísi? Sendu okkur póst. Senda grein Ævar Harðarson Skipulag Reykjavík Mest lesið Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun Akademískt frelsi og grátur í draumum Viðar Hreinsson Skoðun Sakborningur hjá saksóknara Páll Steingrímsson Skoðun Hvar er pabbi? Og aðrir stríðsglæpir Ísraels Þórhildur Sunna Ævarsdóttir Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun Kristinn átrúnaður á tímum þjóðarmorðs Bjarni Karlsson Skoðun Skólinn er ekki verksmiðja Kristinn Jón Ólafsson,Halldóra Mogensen Skoðun Útgerðin skuldar okkur skýringar Guðmundur Helgi Þórarinsson Skoðun 76 dagar sem koma aldrei aftur Einar Guðnason Skoðun Skoðun Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar Skoðun Akademískt frelsi og grátur í draumum Viðar Hreinsson skrifar Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar Skoðun Segðu skilið við sektarkenndina Finnur Th. Eiríksson skrifar Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar Skoðun Lög um vinnu og virknimiðstöðvar Atli Már Haraldsson skrifar Skoðun Áfram Breiðholt og Kjalarnes! Skúli Helgason skrifar Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar Skoðun Vesturlönd mega ekki leyfa Pútín að skrifa leikreglurnar Daði Freyr Ólafsson skrifar Skoðun Umfjöllun Kastljóss Þorgrímur Sigmundsson skrifar Skoðun Gulur september María Heimisdóttir skrifar Skoðun Kyn og vægi líkamans Gunnar Snorri Árnason skrifar Skoðun Sakborningur hjá saksóknara Páll Steingrímsson skrifar Skoðun Reiði á tímum allsnægta Jökull Gíslason skrifar Skoðun 60.000 auðir fermetrar Dagur B. Eggertsson skrifar Skoðun Kristinn átrúnaður á tímum þjóðarmorðs Bjarni Karlsson skrifar Skoðun Tölur segja ekki alla söguna Bryngeir Valdimarsson skrifar Skoðun Skólinn er ekki verksmiðja Kristinn Jón Ólafsson,Halldóra Mogensen skrifar Skoðun Enn úr sömu sveitinni Trausti Hjálmarsson skrifar Skoðun Palestínsk börn eiga betra skilið Anna Lúðvíksdóttir,Tótla I. Sæmundsdóttir skrifar Skoðun Stjórn Eflingar lýsir yfir samstöðu með palestínsku þjóðinni og fordæmir þjóðarmorð á Gaza Hópur stjórnarmanna í Eflingu skrifar Skoðun Þjóð gegn þjóðarmorði – stéttarfélög hvetja til þátttöku Hópur formanna stéttarfélaga skrifar Skoðun Umferðaröryggi barna í Kópavogi Eydís Inga Valsdóttir skrifar Skoðun Öll dýrin í skóginum eiga að vera vinir Árni Sigurðsson skrifar Skoðun Hvar er pabbi? Og aðrir stríðsglæpir Ísraels Þórhildur Sunna Ævarsdóttir skrifar Skoðun Meira að segja Evrópusambandið Hjörtur J. Guðmundsson skrifar Skoðun 76 dagar sem koma aldrei aftur Einar Guðnason skrifar Skoðun Er popúlismi kenning um siðferði? Einar Gísli Gunnarsson skrifar Sjá meira
Með því að byggja á gatnamótum Miklubrautar og Háaleitisbrautar eins og vinnutillögur hverfisskipulags sýna má bæta hljóðvist verulega fyrir íbúa á svæðinu. Þessar nýju byggingar geta verið hávaðaskermar samtímis sem þær mynda skjólsæla og sólríka inngarða í skjóli fyrir norðanáttinni. Í nýju byggingunum getur verið blanda af íbúða- og atvinnuhúsnæði byggt með afbragðs hljóðvörnum sem hæfa staðsetningunni. Nefna verður að um er að ræða eina bestu staðsetningu í borginni með mikilvæga þjónustukjarna eins og Austurver og Miðbæ í næsta nágrenni. Stutt er í Kringluna og Skeifan er í göngufæri með mikla þjónustu. Borgarbreiðstræti í Helsinki. Listræn sýn á hvernig borgarbreiðstræti getur liti út í Helsinki.Helsinki borg Um þessar mundir er víða um heim verið að byggja á fyrrum veghelgunarsvæðum stofnbrauta Góðar fyrirmyndir er að sækja til hinna Norðurlandanna. Í Helsinki hefur á undanförnum árum staðið yfir verkefni sem kalla mætti borgarbreiðstræti eða city Boulevard. Þar hafa borgaryfirvöld unnið að því að umbreyta um átta sambærilegum stofnbrautum og Miklabraut í borgarbreiðstræti. Þar standa nýbyggingar þétt upp við götu með blöndu af bílaumferð, almenningssamgöngum og gangandi og hjólandi vegfarendum í vel hönnuðu umhverfi með gróðri, eins og meðfylgjandi mynd sýnir. Aðgerða þörf á þessum stað Staðan í dag er sú að að bílaumferð um Miklubraut er gífurleg. Miklabraut er verulegur farartálmi fyrir umferð gangandi og hjólandi vegfarenda en á sama tíma mjög nauðsynleg meginflutningsæð bílaumferðar. Á þeim kafla sem hér er til umfjöllunar fara um 46.000 til 52.000 ökutæki á sólarhring. Hljóðvist í íbúðum næst Miklubraut er ekki góð. Miklabraut við Háaleiti. Sniðmyndir sem sýna núverandi aðstæður og breytinguna.Trípólí arkitektar Rétt er að nefna að samkvæmt samgöngusáttmála ríkisins og sveitarfélaga á höfuðborgarsvæðinu á að setja Miklubraut í stokk frá Snorrabraut austur fyrir Kringlu en Miklabrautin er umferðarþyngsta gata landsins. Ofanjarðar verður götunni breytt í borgargötu, skapað rými fyrir borgarlínu í sérrými, akstursleiðir fyrir bíla og góðir göngu- og hjólastígar beggja vegna. Hluti af þessu verkefni er að byggja á veghelgunarsvæðum sem ekki verður þörf fyrir eftir að meginumferð bíla er komin í stokk eða jarðgöng. En aðgerða er þörf á Háaleitinu sérstaklega ef Miklabrautin verður ekki sett undir jörðina á þessu svæði. Vinnutillagan sem nú er kynnt gerir ráð fyrir að Miklabrautin verði borgargata með borgarlínu í sérrými yfir Háaleitið þó svo að umferð verði ofanjarðar. 500 nýjar íbúðir Lausleg samantekt á því sem sést á meðfylgjandi mynd er að í þriggja til fimm hæða byggingum megi koma fyrir um 80 þúsund fermetrum. Ef helmingur húsnæðisins væri nýttur fyrir íbúðir mætti koma þar fyrir um 500 nýjum íbúðum. Afganginn af nýbyggingunum, eða um 40 þúsund fermetra, mætti nýta í atvinnuhúsnæði, verslanir og hótel. Þess ber að geta að blanda af íbúðum og atvinnustarfsemi stuðlar að vistvænni byggð þar sem fleiri geta búið í næsta nágrenni við vinnustaði. Þessi nýja byggð hefði mjög gott aðgengi að samgöngum og væri í göngufæri við mikilvæga þjónustu. Miðað er við að að bílastæðum fyrir byggingarnar væri komið fyrir í bílakjöllurum eins og sýnt er að sniðmyndinni. Hugmynd að uppbyggingu meðfram Miklubraut. Ein af hugmyndum ráðgjafa hverfisskipulagsins um mögulega þéttingu byggðar milli Háaleitisbrautar og Hvassaleitis.Jakob Jakobsson arkitekt Fræðast má meira um þessar vinnutillögur á https://skipulag.reykjavik.is/. Einnig geta íbúar og hagsmunaðilar í Háaleiti-Bústöðum mætt á upplýsingafund fimmudaginn 21. október næstkomandi í Réttarholtskóla en fundurinn hefst kl. 19.30. Þar mun fundargestum gefast færi á að kynna sér tillögurnar, ræða við sérfræðinga Reykjavíkurborgar og skipulagsráðgjafa og koma á framfæri ábendingum og athugasemdum. Höfundur er deildarstjóri Hverfisskipulags Reykjavíkur á umhverfis- og skipulagssviði Reykjavíkurborgar/Ph.D. arkitekt.
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar
Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar
Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar
Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar
Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar
Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar
Skoðun Stjórn Eflingar lýsir yfir samstöðu með palestínsku þjóðinni og fordæmir þjóðarmorð á Gaza Hópur stjórnarmanna í Eflingu skrifar
Skoðun Þjóð gegn þjóðarmorði – stéttarfélög hvetja til þátttöku Hópur formanna stéttarfélaga skrifar
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun