„Þetta verður skandinavískt landslið“ Ingvi Þór Sæmundsson skrifar 2. nóvember 2021 12:00 Sigvaldi Guðjónsson skorar framhjá verðandi samherja sínum hjá Kolstad, Torbjørn Bergerud. epa/Anne-Christine Poujoulat / POOL Sigvaldi Guðjónsson segir að erfitt hafi verið að hafna tilboði Kolstad sem er með ofurlið í smíðum. Viðræður stóðu yfir í nokkurn tíma. Sigvaldi er einn sex leikmanna sem Kolstad kynnti til leiks í gær. Hinir eru félagi hans í íslenska landsliðinu, Janus Daði Smárason, og norsku landsliðsmennirnir Sander Sagosen, Torbjørn Bergerud, Magnus Rød og Magnus Gullerud. Sigvaldi, Janus, Bergerud og Gullerud koma til Kolstad næsta sumar en Sagosen og Rød sumarið 2023. Bergerud, Gullerud, Rød og Sagosen eru í burðarhlutverkum í ógnarsterku landsliði Noregs og sá síðastnefndi er að margra mati besti leikmaður heims. Eins og sést á þessum félagaskiptum eru forráðamenn Kolstad afar stórhuga og stefna á að koma Þrándheimsliðinu í fremstu röð í Evrópu á næstu árum. Nokkrir mánuðir eru síðan Kolstad-menn settu sig í samband við Sigvalda. „Við höfðum talað lengi saman en maður vissi ekki hvort þetta myndi gerast eða ekki. Þetta var draumur hjá þeim og svo bara gerðist þetta. Það er ekki langt síðan var allt klárt en ég er bara mjög sáttur. Þetta verður mjög skemmtilegt verkefni,“ sagði Sigvaldi í samtali við Vísi í gær. Sá sæng sína upp reidda Að hans sögn eru um mánuður síðan allt var frágengið. Sigvaldi kemur til Kolstad frá pólska meistaraliðinu Kielce þar sem hann hefur leikið undanfarin tvö ár. Samningur hans við félagið rennur út í sumar og ljóst var að hann yrði ekki áfram þegar Kielce samdi við franska hornamanninn Benoit Kounkoud. Sigvaldi hefur notið tímans hjá Kielce.getty/Foto Olimpik „Þeir náðu í hægri hornamann þannig að ég vissi alveg hvað var í gangi. Hægri hornamaðurinn hjá þeim núna er Pólverji [Arkadiusz Moryto] og þeir þurfa að hafa einhverja Pólverja í liðinu. Maður skilur það alveg og ég verð að sætta mig við það. Tvö ár hérna er flott. Ég hef verið mjög ánægður og það hefur gengið ágætlega nema ég hef verið svolítið mikið meiddur,“ sagði Sigvaldi. Stefna hátt í jafnri Meistaradeild Kielce er með yfirburðalið heima fyrir, hefur orðið pólskur meistari tíu ár í röð og bikarmeistari tólf sinnum á síðustu þrettán árum. Tímabilin verða því að stóru leyti dæmd út frá því hvernig gengur í Meistaradeild Evrópu. Og Kielce-menn ætla sér stóra hluti í henni í vetur. „Við eigum alveg mikla möguleika. Við erum með flott lið, það hefur verið svipað síðustu árin og komin einhver menning í félagið. Svo er ekkert eitt lið í Evrópu sem er miklu betra en hin í dag,“ sagði Sigvaldi og benti á að Kielce hafi átt tiltölulega fáa leikmenn á Ólympíuleikunum í Tókýó í sumar, miðað við önnur stór lið í Evrópu. Kielce er á toppi B-riðils Meistaradeildarinnar með tíu stig eftir sex leiki. Sigvaldi var valinn í lið þarsíðustu umferðar í Meistaradeildinni fyrir frammistöðu sína í sigri á Porto, 39-33. Hann skoraði níu mörk í leiknum. Sigvaldi segist ekki hafa rætt við önnur félög en Kolstad; viðræður hafi farið það snemma af stað og tilboð Kolstad var freistandi. „Þetta er mjög spennandi verkefni. Að fá Janus með og Sagosen. Þetta verður skandinavískt landslið eftir nokkur ár. Það verður gaman að vera með í þessu frá byrjun,“ sagði Sigvaldi. Sigvaldi hefur farið með íslenska landsliðinu á þrjú stórmót.vísir/andri marinó Kolstad veitir ekki af liðsstyrk en þegar þetta er skrifað situr liðið í 9. sæti norsku úrvalsdeildarinnar með aðeins sjö stig eftir níu leiki. Líkurnar á að Kolstad verði í Evrópukeppni á næsta tímabili eru sáralitlar en Sigvaldi segir að það hafi ekki fælt frá. „Alls ekki, ég hef fulla trú á því að við komumst í Evrópukeppni allavega á næsta tímabil. Þetta gæti verið eitt ár sem við erum að vinna okkur upp en svo verður þetta lið gott,“ sagði Sigvaldi. Barátta við gömlu félagana Liðið sem Kolstad þarf að fella af stallinum, til að verða meistari og komast í Meistaradeildina, þar sem Noregur á aðeins eitt sæti, er Elverum sem er einmitt gamla liðið hans Sigvalda. Hann lék með Elverum 2018-20 og varð tvöfaldur meistari með liðinu bæði tímabilin sín hjá því. Sigvaldi fagnar marki í leik með Elverum.epa/JULIEN DE ROSA „Elverum er liðið sem við þurfum að vinna. Það verða hörkuleikir. Elverum er með mjög sterkt lið og halda áfram að styrkja sig,“ sagði Sigvaldi. Íslenska landsliðið kom saman til æfinga hér á landi í gær og æfir í vikunni. Sigvaldi verður ekki með landsliðinu þar sem hann er að jafna sig á meiðslum í hæl. „Það smá vesen á hælnum sem ég þurfti að láta laga. Ég fór í sprautu og þarf að hvíla í tíu daga,“ sagði Sigvaldi að lokum. Norski handboltinn Pólski handboltinn Mest lesið Fótboltastrákur lést eftir hnéaðgerð Fótbolti Barnsmóðir NBA stjörnu hótaði að láta skera af honum puttana Sport Cristiano Ronaldo sagður fá 143 milljónir í laun á dag Fótbolti Byrjar meðferð vegna brjóstakrabbameins Handbolti Nýtt heimsmet sett: „Sé því að ég á að geta gert miklu betur“ Sport „Ef það verður ekki ég þá verður það bara einhver önnur“ Sport Alexander Máni seldur til Midtjylland Íslenski boltinn Var uppi í áhorfendastúku þegar nafn hans var kallað upp í nýliðavali NBA Körfubolti Færeyingar í undanúrslitin á HM og gætu mætt Dönum í úrslitaleiknum Handbolti Mikael orðinn leikmaður Djurgården Fótbolti Fleiri fréttir Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri „Stress og spenningur að flytja einn út og þurfa læra á uppþvottavél“ Rúnar látinn fara frá Leipzig Rut bætist í stóran hóp sem kvatt hefur landsliðið „Einvígi sem hefur verið magnað að taka þátt í“ Viðar Símonarson látinn Sjá meira
Sigvaldi er einn sex leikmanna sem Kolstad kynnti til leiks í gær. Hinir eru félagi hans í íslenska landsliðinu, Janus Daði Smárason, og norsku landsliðsmennirnir Sander Sagosen, Torbjørn Bergerud, Magnus Rød og Magnus Gullerud. Sigvaldi, Janus, Bergerud og Gullerud koma til Kolstad næsta sumar en Sagosen og Rød sumarið 2023. Bergerud, Gullerud, Rød og Sagosen eru í burðarhlutverkum í ógnarsterku landsliði Noregs og sá síðastnefndi er að margra mati besti leikmaður heims. Eins og sést á þessum félagaskiptum eru forráðamenn Kolstad afar stórhuga og stefna á að koma Þrándheimsliðinu í fremstu röð í Evrópu á næstu árum. Nokkrir mánuðir eru síðan Kolstad-menn settu sig í samband við Sigvalda. „Við höfðum talað lengi saman en maður vissi ekki hvort þetta myndi gerast eða ekki. Þetta var draumur hjá þeim og svo bara gerðist þetta. Það er ekki langt síðan var allt klárt en ég er bara mjög sáttur. Þetta verður mjög skemmtilegt verkefni,“ sagði Sigvaldi í samtali við Vísi í gær. Sá sæng sína upp reidda Að hans sögn eru um mánuður síðan allt var frágengið. Sigvaldi kemur til Kolstad frá pólska meistaraliðinu Kielce þar sem hann hefur leikið undanfarin tvö ár. Samningur hans við félagið rennur út í sumar og ljóst var að hann yrði ekki áfram þegar Kielce samdi við franska hornamanninn Benoit Kounkoud. Sigvaldi hefur notið tímans hjá Kielce.getty/Foto Olimpik „Þeir náðu í hægri hornamann þannig að ég vissi alveg hvað var í gangi. Hægri hornamaðurinn hjá þeim núna er Pólverji [Arkadiusz Moryto] og þeir þurfa að hafa einhverja Pólverja í liðinu. Maður skilur það alveg og ég verð að sætta mig við það. Tvö ár hérna er flott. Ég hef verið mjög ánægður og það hefur gengið ágætlega nema ég hef verið svolítið mikið meiddur,“ sagði Sigvaldi. Stefna hátt í jafnri Meistaradeild Kielce er með yfirburðalið heima fyrir, hefur orðið pólskur meistari tíu ár í röð og bikarmeistari tólf sinnum á síðustu þrettán árum. Tímabilin verða því að stóru leyti dæmd út frá því hvernig gengur í Meistaradeild Evrópu. Og Kielce-menn ætla sér stóra hluti í henni í vetur. „Við eigum alveg mikla möguleika. Við erum með flott lið, það hefur verið svipað síðustu árin og komin einhver menning í félagið. Svo er ekkert eitt lið í Evrópu sem er miklu betra en hin í dag,“ sagði Sigvaldi og benti á að Kielce hafi átt tiltölulega fáa leikmenn á Ólympíuleikunum í Tókýó í sumar, miðað við önnur stór lið í Evrópu. Kielce er á toppi B-riðils Meistaradeildarinnar með tíu stig eftir sex leiki. Sigvaldi var valinn í lið þarsíðustu umferðar í Meistaradeildinni fyrir frammistöðu sína í sigri á Porto, 39-33. Hann skoraði níu mörk í leiknum. Sigvaldi segist ekki hafa rætt við önnur félög en Kolstad; viðræður hafi farið það snemma af stað og tilboð Kolstad var freistandi. „Þetta er mjög spennandi verkefni. Að fá Janus með og Sagosen. Þetta verður skandinavískt landslið eftir nokkur ár. Það verður gaman að vera með í þessu frá byrjun,“ sagði Sigvaldi. Sigvaldi hefur farið með íslenska landsliðinu á þrjú stórmót.vísir/andri marinó Kolstad veitir ekki af liðsstyrk en þegar þetta er skrifað situr liðið í 9. sæti norsku úrvalsdeildarinnar með aðeins sjö stig eftir níu leiki. Líkurnar á að Kolstad verði í Evrópukeppni á næsta tímabili eru sáralitlar en Sigvaldi segir að það hafi ekki fælt frá. „Alls ekki, ég hef fulla trú á því að við komumst í Evrópukeppni allavega á næsta tímabil. Þetta gæti verið eitt ár sem við erum að vinna okkur upp en svo verður þetta lið gott,“ sagði Sigvaldi. Barátta við gömlu félagana Liðið sem Kolstad þarf að fella af stallinum, til að verða meistari og komast í Meistaradeildina, þar sem Noregur á aðeins eitt sæti, er Elverum sem er einmitt gamla liðið hans Sigvalda. Hann lék með Elverum 2018-20 og varð tvöfaldur meistari með liðinu bæði tímabilin sín hjá því. Sigvaldi fagnar marki í leik með Elverum.epa/JULIEN DE ROSA „Elverum er liðið sem við þurfum að vinna. Það verða hörkuleikir. Elverum er með mjög sterkt lið og halda áfram að styrkja sig,“ sagði Sigvaldi. Íslenska landsliðið kom saman til æfinga hér á landi í gær og æfir í vikunni. Sigvaldi verður ekki með landsliðinu þar sem hann er að jafna sig á meiðslum í hæl. „Það smá vesen á hælnum sem ég þurfti að láta laga. Ég fór í sprautu og þarf að hvíla í tíu daga,“ sagði Sigvaldi að lokum.
Norski handboltinn Pólski handboltinn Mest lesið Fótboltastrákur lést eftir hnéaðgerð Fótbolti Barnsmóðir NBA stjörnu hótaði að láta skera af honum puttana Sport Cristiano Ronaldo sagður fá 143 milljónir í laun á dag Fótbolti Byrjar meðferð vegna brjóstakrabbameins Handbolti Nýtt heimsmet sett: „Sé því að ég á að geta gert miklu betur“ Sport „Ef það verður ekki ég þá verður það bara einhver önnur“ Sport Alexander Máni seldur til Midtjylland Íslenski boltinn Var uppi í áhorfendastúku þegar nafn hans var kallað upp í nýliðavali NBA Körfubolti Færeyingar í undanúrslitin á HM og gætu mætt Dönum í úrslitaleiknum Handbolti Mikael orðinn leikmaður Djurgården Fótbolti Fleiri fréttir Ákvæði í samningi Andra tengt brotthvarfi föður hans Norðmenn græddu á því að halda HM í handbolta Kraftaverk Færeyinga: „Þurfum alla leikmenn sem við getum fengið“ Barðist fyrir Viggó við erfiðar aðstæður: „Ég vildi þetta ekki“ Rúnar framlengir og fer í nýtt hlutverk hjá Fram Íslendingar völtuðu yfir Mexíkó á HM Allir hræðist Gísla Þorgeir: „Þekktasta nafnið í handboltaheiminum“ Viktor Gísli kláraði háskólanám með atvinnumennskunni Ein af hetjum Frakka í Laugardalshöllinni látin Færeyingar efstir þrátt fyrir sigur Íslands í síðasta leik Sautján mörk Elmars ekki nóg gegn Færeyjum Gísli þakklátur fjölskyldu sinni: „Minn stærsti mentor í handboltanum og lífinu“ Átti erfitt með að grípa bolta skömmu fyrir sögulega frammistöðu Strákarnir hófu HM á tapi gegn Rúmenum Tárin runnu þegar feðgarnir föðmuðust eftir afrek Gísla í Meistaradeildinni Enn á ný er Íslendingur á bak við sigur Magdeburg í Meistaradeildinni Gísli fékk „deja vu“: Árangur sem aðeins Íslendingar hafa náð Gísli Þorgeir bestur í annað sinn Gísli Þorgeir og Ómar Ingi Evrópumeistarar Nantes vann bronsið sem Barcelona nennti ekki Hetjuleg harka hjá Ómari og Gísla fleytti Magdeburg í úrslit Misstu sinn besta mann en fóru létt með undanúrslitaleikinn Sonurinn smitaði Aron af handa-, fóta- og munnsjúkdómi Landsmeistari í sextánda sinn á ferlinum Þrjár erlendar til nýliðanna á Akureyri „Stress og spenningur að flytja einn út og þurfa læra á uppþvottavél“ Rúnar látinn fara frá Leipzig Rut bætist í stóran hóp sem kvatt hefur landsliðið „Einvígi sem hefur verið magnað að taka þátt í“ Viðar Símonarson látinn Sjá meira