Kvöldfréttir Stöðvar 2

Til stendur að bjóða öllum landsmönnum upp á örvunarskammt á næstunni. Við ræðum málið við framkvæmdastjóra hjúkrunar hjá Heilsugæslu höfuðborgarsvæðisins í beinni útsendingu.

Gerendur þurfa að sýna iðrun til að hljóta samþykki á ný, segir aðjúnkt við Háskóla Íslands. Afar skiptar skoðanir hafa verið um viðtal við leikarann Þórir Sæmundsson en stjórnarkona í Öfgum telur að sjónarmið þolenda þurfi að koma skýrt fram við slíkar aðstæður. Fjallað verður nánar um málið í kvöldfréttum.

Einnig kynnum við okkur áherslur leiðtoga norrænnu ríkjanna á þingi Norðurlandaráðs sem fer nú fram í Danmörku og förum yfir mál ástralskrar stúlku sem fannst í dag á lífi eftir að hafa verið týnd í tæpar þrjár vikur.

Þetta og margt fleira á samtengdum rásum Bylgjunnar og Stöðvar 2 klukkan 18:30.