Sjálfbær bankaþjónusta Sigríður Hrefna Hrafnkelsdóttir skrifar 5. nóvember 2021 08:30 Sjálfbærni og sjálfbær þróun eru áberandi hugtök í samfélagsumræðunni. Leiðandi fyrirtæki á borð við Íslandsbanka hafa mörg hver markað sér stefnu og sett sér markmið um sjálfbærni í rekstri sem tengd eru heimsmarkmiðum Sameinuðu þjóðanna. Þessi vitundarvakning styður við aukna umhverfisvitund viðskiptavina samhliða því sem umræða um umhverfismál og náttúruvernd verður mikilvægari. Í dag átta sig flestir á mikilvægi þess að við förum betur með nærumhverfi okkar og flest höfum við tekið afstöðu til þess hvernig samfélag við viljum sjá til framtíðar. Litlir þættir eins og flokkun sorps og notkun fjölnotapoka virðist lítið tiltökumál á heimilum í dag þó margir hafi mögulega miklað það fyrir sér áður, og plastnotkun fer ört minnkandi hérlendis samhliða aukinni áherslu á betri nýtingu og minni sóun. Hægt og rólega erum við að búa til betra samfélag fyrir komandi kynslóðir. Tækniþróun bætir umhverfið Starfræn umbylting hefur hrist upp í grunnþáttum fjármálakerfisins á síðustu árum. Mögulega tengja ekki allir þessar öru tæknibreytingar við sjálfbærni, enda tengslin ekki jafn augljós og tengslin á milli plastpokanotkunar og umhverfisáhrifa. Áhrifin eru engu að síður umtalsverð. Með nýtingu stafrænna þjónustuleiða banka dregur töluvert úr sótsporinu sem fylgir hverri heimsókn í útibú þeirra. Fyrir tíma stafrænnar þjónustu gat tekið allt að klukkutíma að heimsækja útibú til að hefja bankaviðskipti, stofna reikning og kort. Í dag nægir að opna síma eða tölvu og stafrænar lausnir bankans leiða þig áfram. Stofnun viðskipta tekur ekki lengur klukkutíma heldur fáar mínútur og fyrirhöfn viðskiptavina er lítil. Sögulega hefur mikið umfang pappírs fylgt bankaþjónustu, enda víðtæk krafa um rekjanleika viðskipta. Með stafrænum lausnum og tækifærum sem fylgja rafrænni auðkenningu og undirritun hefur verið hægt að draga umtalsvert úr pappírsnotkun, svo sem í tengslum við greiðslumat eða lántöku sem í dag er alfarið pappírslaus. Þá hafa ákvarðanir í rekstri bankans, sem virðast litlar þegar litið er í baksýnisspegilinn, eins og að hætta útsendingu á yfirlitum á pappírsformi í pósti til einstaklinga (nema þeim sem bankanum ber lögbundin skylda til), haft umtalsverð jákvæð áhrif á umhverfið, enda fleiri tonn af pappír sem hafa sparast við ákvarðanir sem þessar. Aukið val fyrir viðskiptavini Það er ekki bara breyting á samskiptum við viðskiptavini sem leiðir til sjálfbærari bankaþjónustu. Það úrval fjármálavara sem bankinn býður upp á þarf einnig að taka breytingum til að mæta þörfum viðskiptavina framtíðarinnar. Græn lán til einstaklinga, hvort heldur sem er til húsnæðis- eða bifreiðakaupa, eru dæmi um jákvæð skref á sjálfbærnivegferð bankans. Fjölgun vistvænna fasteigna eða vistvænna bifreiða í umferð er gott dæmi um hvernig Íslandsbanki hefur beitt sér sem hreyfiafl til góðra verka og sem slíkur vill bankinn vera í lykilhlutverki þegar kemur að því að hafa sem jákvæðust áhrif á umhverfið. Þá munu stafrænar greiðslulausnir draga úr þörf fyrir útgáfu plast debet- eða kreditkorta sem árlega hleypur á þúsundum. Ákvarðanir um að draga úr plastnotkun í útibúum og um flokkun á sorpi auka umhverfisvitund starfsmanna og viðskiptavina. Sem sterkt hreyfiafl í íslensku þjóðfélagi hefur Íslandsbanki þannig marktæk og varanleg áhrif í þessum málaflokki og gerir það sem hann getur til að viðskiptavinir bankans geti skarað fram úr á þessu sviðið líkt og öðrum sem bankinn kemur nálægt í lífi þeirra. Þannig má nefna að nýr sótsporsreiknir bankans, sem þróaður er í samstarfi við íslenska fjártæknifyrirtækið Meniga og var kynntur fyrr á þessu ári, mun einfalda viðskiptavinum enn frekar að fá betri sýn á hvernig dagleg innkaup geta haft áhrif á umhverfið og þá gripið til viðeigandi kolefnisjöfnunar. Með sótsporsreikninum í appi bankans verður með einföldum hætti hægt að sjá vænt áhrif daglegrar neyslu viðskiptavina á umhverfið. Allt eru þetta lítil skref sem hafa jákvæð áhrif á umhverfið en hefjast öll hjá okkur. Aukin fræðsla, aukin meðvitund og umhverfisvæn hugsun leiða til þess að við tryggjum komandi kynslóðum betra samfélag. Í dag eru umhverfisvænni vörur val sem viðskiptavinum stendur til boða. Einlæg ósk okkar og sýn er að áður en langt um líði verði umhverfisvænir valkostir ekki bara val sem viðskiptavinum standi til boða, heldur sjálfsögð krafa sem viðskiptavinir geri til banka og annarra leiðandi fyrirtækja. Höfundur er framkvæmdastjóri einstaklingssviðs Íslandsbanka. Viltu birta grein á Vísi? Sendu okkur póst. Senda grein Íslenskir bankar Stafræn þróun Mest lesið Transumræðan og ruglið um fjölda kynja Einar Steingrímsson Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Magga Stína! Helga Völundardóttir Skoðun Foreldrar þurfa bara að vera duglegri Björg Magnúsdóttir Skoðun Leikskólar eru ekki munaður Íris Eva Gísladóttir Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun Lykillinn að hamingju og heilbrigði Skoðun Dýrkeypt eftirlitsleysi Lilja Björk Guðmundsdóttir Skoðun Svindl eða sjálfsvernd? Sigurður Árni Reynisson Skoðun Skoðun Skoðun Lykillinn að hamingju og heilbrigði skrifar Skoðun Staða bænda styrkt Hanna Katrín Friðriksson skrifar Skoðun Transumræðan og ruglið um fjölda kynja Einar Steingrímsson skrifar Skoðun Leikskólar eru ekki munaður Íris Eva Gísladóttir skrifar Skoðun Vísindarannsóknir og þróun – til umhugsunar í tiltekt Þorgerður J. Einarsdóttir skrifar Skoðun 752 dánir vegna geðheilsuvanda – enginn vegna fjölþáttaógnar Grímur Atlason skrifar Skoðun Foreldrar þurfa bara að vera duglegri Björg Magnúsdóttir skrifar Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar Skoðun Dýrkeypt eftirlitsleysi Lilja Björk Guðmundsdóttir skrifar Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar Skoðun Svindl eða sjálfsvernd? Sigurður Árni Reynisson skrifar Skoðun Magga Stína! Helga Völundardóttir skrifar Skoðun Mannauðurinn á vinnustaðnum þarf góða innivist til að dafna Ásta Logadóttir skrifar Skoðun Þetta er námið sem lifir áfram Bryngeir Valdimarsson skrifar Skoðun Árborg - spennandi kostur fyrir öll Guðný Björk Pálmadóttir skrifar Skoðun Tökum á glæpahópum af meiri þunga Þorbjörg Sigríður Gunnlaugsdóttir skrifar Skoðun Minntist ekkert á Evrópusambandið Hjörtur J. Guðmundsson skrifar Skoðun Hugsum stórt í skipulags- og samgöngumálum Hilmar Ingimundarson skrifar Skoðun Eitt eilífðar smáblóm Þorgerður Katrín Gunnarsdóttir skrifar Skoðun Betri mönnun er lykillinn Skúli Helgason,Sabine Leskopf skrifar Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar Skoðun Hversu oft á að fresta framtíðinni? Erna Magnúsdóttir,Stefán Þórarinn Sigurðsson skrifar Skoðun Getur Ísland staðið fremst í heilsutækni? Arna Harðardóttir skrifar Skoðun Slæm innivist skerðir afköst og hækkar kostnað Ingibjörg Magnúsdóttir skrifar Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar Skoðun Fjármál framhaldsskóla Róbert Ferdinandsson skrifar Skoðun Mikilvægi lágþröskulda þjónustu fyrir geðheilbrigði ungs fólks Eva Rós Ólafsdóttir skrifar Skoðun Varhugaverð sjónarmið eða raunsæ leið? Eggert Sigurbergsson skrifar Sjá meira
Sjálfbærni og sjálfbær þróun eru áberandi hugtök í samfélagsumræðunni. Leiðandi fyrirtæki á borð við Íslandsbanka hafa mörg hver markað sér stefnu og sett sér markmið um sjálfbærni í rekstri sem tengd eru heimsmarkmiðum Sameinuðu þjóðanna. Þessi vitundarvakning styður við aukna umhverfisvitund viðskiptavina samhliða því sem umræða um umhverfismál og náttúruvernd verður mikilvægari. Í dag átta sig flestir á mikilvægi þess að við förum betur með nærumhverfi okkar og flest höfum við tekið afstöðu til þess hvernig samfélag við viljum sjá til framtíðar. Litlir þættir eins og flokkun sorps og notkun fjölnotapoka virðist lítið tiltökumál á heimilum í dag þó margir hafi mögulega miklað það fyrir sér áður, og plastnotkun fer ört minnkandi hérlendis samhliða aukinni áherslu á betri nýtingu og minni sóun. Hægt og rólega erum við að búa til betra samfélag fyrir komandi kynslóðir. Tækniþróun bætir umhverfið Starfræn umbylting hefur hrist upp í grunnþáttum fjármálakerfisins á síðustu árum. Mögulega tengja ekki allir þessar öru tæknibreytingar við sjálfbærni, enda tengslin ekki jafn augljós og tengslin á milli plastpokanotkunar og umhverfisáhrifa. Áhrifin eru engu að síður umtalsverð. Með nýtingu stafrænna þjónustuleiða banka dregur töluvert úr sótsporinu sem fylgir hverri heimsókn í útibú þeirra. Fyrir tíma stafrænnar þjónustu gat tekið allt að klukkutíma að heimsækja útibú til að hefja bankaviðskipti, stofna reikning og kort. Í dag nægir að opna síma eða tölvu og stafrænar lausnir bankans leiða þig áfram. Stofnun viðskipta tekur ekki lengur klukkutíma heldur fáar mínútur og fyrirhöfn viðskiptavina er lítil. Sögulega hefur mikið umfang pappírs fylgt bankaþjónustu, enda víðtæk krafa um rekjanleika viðskipta. Með stafrænum lausnum og tækifærum sem fylgja rafrænni auðkenningu og undirritun hefur verið hægt að draga umtalsvert úr pappírsnotkun, svo sem í tengslum við greiðslumat eða lántöku sem í dag er alfarið pappírslaus. Þá hafa ákvarðanir í rekstri bankans, sem virðast litlar þegar litið er í baksýnisspegilinn, eins og að hætta útsendingu á yfirlitum á pappírsformi í pósti til einstaklinga (nema þeim sem bankanum ber lögbundin skylda til), haft umtalsverð jákvæð áhrif á umhverfið, enda fleiri tonn af pappír sem hafa sparast við ákvarðanir sem þessar. Aukið val fyrir viðskiptavini Það er ekki bara breyting á samskiptum við viðskiptavini sem leiðir til sjálfbærari bankaþjónustu. Það úrval fjármálavara sem bankinn býður upp á þarf einnig að taka breytingum til að mæta þörfum viðskiptavina framtíðarinnar. Græn lán til einstaklinga, hvort heldur sem er til húsnæðis- eða bifreiðakaupa, eru dæmi um jákvæð skref á sjálfbærnivegferð bankans. Fjölgun vistvænna fasteigna eða vistvænna bifreiða í umferð er gott dæmi um hvernig Íslandsbanki hefur beitt sér sem hreyfiafl til góðra verka og sem slíkur vill bankinn vera í lykilhlutverki þegar kemur að því að hafa sem jákvæðust áhrif á umhverfið. Þá munu stafrænar greiðslulausnir draga úr þörf fyrir útgáfu plast debet- eða kreditkorta sem árlega hleypur á þúsundum. Ákvarðanir um að draga úr plastnotkun í útibúum og um flokkun á sorpi auka umhverfisvitund starfsmanna og viðskiptavina. Sem sterkt hreyfiafl í íslensku þjóðfélagi hefur Íslandsbanki þannig marktæk og varanleg áhrif í þessum málaflokki og gerir það sem hann getur til að viðskiptavinir bankans geti skarað fram úr á þessu sviðið líkt og öðrum sem bankinn kemur nálægt í lífi þeirra. Þannig má nefna að nýr sótsporsreiknir bankans, sem þróaður er í samstarfi við íslenska fjártæknifyrirtækið Meniga og var kynntur fyrr á þessu ári, mun einfalda viðskiptavinum enn frekar að fá betri sýn á hvernig dagleg innkaup geta haft áhrif á umhverfið og þá gripið til viðeigandi kolefnisjöfnunar. Með sótsporsreikninum í appi bankans verður með einföldum hætti hægt að sjá vænt áhrif daglegrar neyslu viðskiptavina á umhverfið. Allt eru þetta lítil skref sem hafa jákvæð áhrif á umhverfið en hefjast öll hjá okkur. Aukin fræðsla, aukin meðvitund og umhverfisvæn hugsun leiða til þess að við tryggjum komandi kynslóðum betra samfélag. Í dag eru umhverfisvænni vörur val sem viðskiptavinum stendur til boða. Einlæg ósk okkar og sýn er að áður en langt um líði verði umhverfisvænir valkostir ekki bara val sem viðskiptavinum standi til boða, heldur sjálfsögð krafa sem viðskiptavinir geri til banka og annarra leiðandi fyrirtækja. Höfundur er framkvæmdastjóri einstaklingssviðs Íslandsbanka.
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun
Skoðun Kópavogsmódelið – sveigjanleiki á pappír, en álag á foreldrar í raun og veru Örn Arnarson skrifar
Skoðun Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir skrifar
Skoðun Borgarhönnunarstefna, sú fyrsta sinnar tegundar í Reykjavík Dóra Björt Guðjónsdóttir skrifar
Skoðun Sólheimar í Grímsnesi – að gefnu tilefni Páll Sævar Garðarsson,Sigurður Örn Guðbjörnsson skrifar
Skoðun Framtíð Íslands: Frá áli til gervigreindar – Tækifæri fimmtu iðnbyltingarinnar Sigvaldi Einarsson skrifar
Skoðun Eiga foreldrar í háskólanámi raunverulega jafnan aðgang að námi? Hrund Steinsdóttir skrifar
Uppgjöf Reykjavíkurborgar í leikskólamálum Finnbjörn A. Hermannsson,Sonja Ýr Þorbergsdóttir Skoðun
Kópavogsmódelið – sveigjanleiki á pappír, en álag á foreldrar í raun og veru Örn Arnarson Skoðun