Barcelona ber höfuð og herðar yfir önnur lið Evrópu um þessar mundir. Tók það liðið aðeins rúman hálftíma að ganga frá Hoffenheim er liðin mættust í Katalóníu í kvöld.
Jenifer Hermoso kom Börsungum yfir eftir aðeins fimm mínútna leik. Alexia Putellas tvöfaldaði forystuna með glæsilegu marki úr aukaspyrnu á 19. mínútu.
Alexia Putellas
— DAZN Football (@DAZNFootball) November 10, 2021
That's it. That's the Tweet.
https://t.co/GaNn7clDCn
https://t.co/yxO5tH3ZUc
https://t.co/CCapv9z2sQ pic.twitter.com/MtAJycJWQf
Putellas var svo aftur á ferðinni á 33. mínútu er hún skoraði annað mark sitt og þriðja mark Barcelona. Staðan þar með orðin 3-0 og sigurinn svo gott sem kominn í hús.
Evrópumeistararnir voru þó ekki hættir og Marta Torrejon bætti við fjórða markinu á 74. mínútu. Var það tíunda mark Börsunga í aðeins þremur Meistaradeildarleikjum á leiktíðinni.
Staðan orðin 4-0 og reyndust það lokatölur. Börsungar því enn með fullt hús stiga í C-riðli en liðið hefur aðeins fengið á sig eitt mark til þessa.
Í Kaupmannahöfn var Arsenal í heimsókn. Gestirnir frá Lundúnum fengu vítaspyrnu eftir stundarfjórðung. Nikita Parris fór á punktinn en Kaylan Marckese gerði sér lítið fyrir og varði spyrnuna.
Quick feet by Nikita Parris
— DAZN Football (@DAZNFootball) November 10, 2021
Even better save Kaylan Marckese
https://t.co/stJCHQIfqa
https://t.co/kK3fYSoewW pic.twitter.com/hN6dhtzv3D
Stephanie Catley kom gestunum hins vegar yfir með glæsilegu marki úr aukaspyrnu á 27. mínútu. Reyndist það eina mark fyrri hálfleiksins og staðan því 0-1 er liðin gengu til búningsherbergja.
STEPH CATLEY CATCHES IT SWEETLY FOR HER FIRST ARSENAL GOAL
— DAZN Football (@DAZNFootball) November 10, 2021
https://t.co/stJCHQIfqa
https://t.co/kK3fYSoewW pic.twitter.com/gFKELw5IxV
Parris kom Arsenal tveimur mörkum yfir eftir rúmlega klukkustund. Aðeins sjö mínútum síðar fór Caitlin Foord langt með að tryggja sigur gestanna með þriðja marki þeirra. Hún fylgdi þá eftir skoti sem Marckese hafði blakað í slánna.
Madalyn Pokorny minnkaði muninn fyrir Köge eftir allskyns vandræði í vörn Arsenal. Pokorny gerði vel að komast ein gegn Lydiu Williams í marki Arsenal og afgreiddi boltann snyrtilega í netið.
Pokorny catches out Catley and scores HB Køge's first @UWCL goal
— DAZN Football (@DAZNFootball) November 10, 2021
https://t.co/stJCHQIfqa
https://t.co/kK3fYSoewW pic.twitter.com/XJvC1iGaXb
Anna Patten stöðvaði alla von heimakvenna um endurkomu með marki eftir frábæran sprett Foord þegar fimm mínútur lifðu leiks. Jordan Nobbs bætti svo við fimmta marki Arsenal skömmu síðar, staðan orðin 1-5 og reyndust það lokatölur leiksins.
Barcelona er enn með fullt hús stiga í C-riðli, Arsenal er í 2. sæti með sex stig, Hoffenheim í 3. sæti með þrjú stig og Köge rekur svo lestina án stiga.