Fótbolti

Kristian með sitt fyrsta mark fyrir Ajax

Runólfur Trausti Þórhallsson skrifar
Kristian Hlynsson í þann mund að skora sitt fyrsta mark fyrir Ajax.
Kristian Hlynsson í þann mund að skora sitt fyrsta mark fyrir Ajax. Rico Brouwer/Getty Images

Kristian Hlynsson skorað sitt fyrsta mark fyrir Ajax er liðið vann 4-0 sigur í hollensku bikarkeppninni í knattspyrnu í kvöld. Kristian hafði aðeins verið sjö mínútur inn á vellinum.

Þá kom Albert Guðmundsson inn af bekknum hjá AZ Alkmaar er liðið vann 4-1 sigur.

Ajax var ekki í miklum vandræðum með Barendrecht í hollenska bikarnum í kvöld. Staðan eftir tólf mínútur var 2-0 Ajax í vil og þegar Kristian kom inn af bekknum var hún orðin 3-0.

Eftir aðeins sjö mínútur inn á vellinum fékk Ajax vítaspyrnu, Kristian fór á punktinn og skoraði í kjölfarið sitt fyrsta mark fyrir liðið.

Albert Guðmundsson kom inn af bekk AZ Alkmaar á 57. mínútu er liðið vann 4-1 sigur á Heracles í sömu keppni.

Fótbolti Hollenski boltinn

Mest lesið


Fleiri fréttir

Sjá meira


×

Mest lesið