Gummi Tóta út en Lionel Messi mögulega inn á hæstu launum heims

Athletic segir frá þessu tilboði bandaríska liðsins en forráðamenn New York City eru tilbúnir að gera Messi að launahæsta íþróttamanni heims.

Messi kæmist þar fram úr mönnum eins og Conor McGregor og LeBron James en Argentínumaðurinn fengi 1,2 milljónir dollara í laun á viku sem jafngildir 158 milljónum íslenskra króna vikulega.

New York City FC varð bandarískur meistari á dögunum en íslenski landsliðsmaðurinn Guðmundur Þórarinsson var það í mikilvægu hlutverki þótt að hann þyrfti oft að byrja á bekknum. Guðmundur endurnýjaði ekki samning sinn hjá liðinu og fær því ekki tækifæri til að verða liðsfélagi Messi á næstu leiktíð.

Þetta eru enn bara sögusagnir en frétt Athletic þýðir að það er eitthvað alvöru á bak við þessar sögusagnir.

Messi er sagður vera óánægður hjá Paris Saint Germain og er því tilbúinn að leita á önnur mið í sumar.

Pepsi fyrirtækið er einnig sagt vera að pressa á þessi félagsskipti.

New York City FC er í eigu City Football Group sem á einnig Manchester City. Manchester City gæti síðan fengið Messi á láni á næsta tímabili og borgað helming launa hans.