Samtök atvinnulífsins, takið þátt í að tryggja börnum aðflutts verkafólks jöfn tækifæri Sara Björg Sigurðardóttir skrifar 24. janúar 2022 10:31 Samfélagið okkar hefur breyst mikið á síðustu áratugum. Það fjölþjóðlega samfélag sem við þekkjum í dag, varð ekki til á einni nóttu heldur hægt og bítandi samhliða aukinni alþjóðavæðingu og hagsæld. Við erum að vaxa, þroskast og fjölbreytileikinn auðgar mannlífið. Íslenskt samfélag er ekkert frábrugðið öðrum í þessum efnum. Saga dönsku fótboltakonunnar Nadiu Nadim er áhrifarík. Hún er fædd í Afganistan en flúði stríðsátökin með fjölskyldu sinni eftir að pabbi hennar var drepinn af Talibönum þegar hún var aðeins 11 ára gömul. Hún hefur spilað fyrir PSG og Manchester City og skorað 200 mörk fyrir danska landsliðið í 99 landsleikjum. Nadia talar fjölmörg tungumál og náði þeim áfanga í vikunni að útskrifast sem læknir í Danmörku samhliða knattspyrnuferlinum. Uppruni afreksfólks er með ólíkum hætti. Okkar er að gæta þess að gefa öllum jöfn tækifæri til að blómstra. Ákall um að fjölgun starfa sé mætt með aðfluttu vinnuafli Viðskiptablað Fréttablaðsins í umfjöllun yfir að fjölgun starfa yrði mætt að miklu leyti með aðfluttu vinnuafli. Vísað var í könnun sem Samtök atvinnulífsins lét gera, um framtíðarþörf vinnuafls og í hvaða greinum hún væri brýnust. Þær atvinnugreinar sem um ræðir eru mannvirkjagerð, ferðaþjónusta og önnur þjónustustörf. Þetta eru starfsgreinar sem nú eru að stórum hluta mannaðar með aðfluttuvinnuafli og sú hagsældaraukning sem atvinnulífið og þjóðarbúið í heild fær með atvinnuþátttöku þessa hóps er mikil. Það er mikilvæg staðreynd sem vert er að halda á lofti. Ýjað er að því í fréttinni að erfitt sé fyrir íslensk fyrirtæki að manna störf þrátt fyrir atvinnuleysi og að atvinnulífið muni þurfa á erlendu vinnuafli að halda samhliða fjölgun starfa og bættu efnahagsástandi næstu misserin. Við þurfum fleira fólk, fleiri vinnandi hendur. Með aukinni hagsæld fjölgar fjöltyngdum börnum Margir sem hingað koma til að vinna eiga bæði fjölskyldur og börn. Sumir stoppa stutt á meðan aðrir festa rætur. Með aukinni hagsæld fjölgar börnum með annað móðurmál en íslensku. Á árunum 2016-2020 fjölgaði börnum með annað móðurmál en íslensku um 1.262 börn í grunnskólum borgarinnar sem er 75% fjölgun á tímabilinu. Þessi hópur er sívaxandi og er brýnt að skapa samfélag þar sem öll börn njóta jafnra tækifæra í íslensku samfélagi. Allir foreldrar vilja það besta fyrir börnin sín og búa þeim sem bestan hag fyrir framtíðina. Veita þeim öryggi, góða menntun og jöfn tækifæri. Lykilinn að íslensku samfélagi Við sem samfélag berum ríkar skyldur og mikla ábyrgð á að sá hópur, sem hingað kýs að koma til búa og starfa, fái stuðning, upplýsingar og leiðbeiningar. Að við veitum þeim lykilinn að íslensku samfélagi. Þá á ég ekki eingöngu við hið opinbera, ríki og sveitarfélög heldur líka Samtök atvinnulífsins. Þau kalla eftir fleiri vinnandi höndum til að viðhalda hagvexti, til að fá hjól atvinnulífsins til að snúast aftur eftir lægð síðustu ára en á sama tíma sýna rannsóknir hvert rauðblikkandi ljósið á fætur öðru. Fram hafa komið sláandi staðreyndir um stöðu, líðan og aðbúnað mjög mikilvægs hóps í verðmætasköpun samfélagsins. Rannsóknir sýna að konur af erlendum uppruna vinna lengri vinnudag, vinna í fleiri en einu starfi til að ná endum saman og bera ríkari heimilisábyrgð. Þær eru líka í hættu á að enda í gildru fátæktar, sérstaklega einstæðar mæður af erlendum uppruna. Fram hefur líka komið fram að foreldrar barna sem ekki kunna nægilega góða íslensku eiga erfitt með styðja börnin sín í námi. Það er þröskuldur að sækja íslenskunámskeið að kvöldi vinnudags þegar tengslanet er ekkert til að gæta bús og barna eða þurfa leggja út fyrir 50 þúsund króna íslenskunámskeiði og þurfa að sækja um endurgreiðslu eftirá til stéttarfélags. Samtök atvinnulífsins bera ríkar samfélagslegar skyldur Þarna getur SA stigið mun fastar til jarðar en þau hafa gert. Þeirra samfélagslega ábyrgð er líka mikil en þau hafa tækifæri til að skapa umgjörð, stuðning og hvatningu fyrir sína félaga. Ég vil því hvetja SA að setja sér stefnu um hvernig þau geta búið betur að þessum hópi fólks til dæmis með því að bjóða upp gjaldfrjáls íslenskunámskeið og aðra samfélagslega fræðslu á vinnutíma. Þá er komið til móts við ólíkar þarfir og fleirum gefið færi á að taka þátt. Ávinningur beggja aðila er mikill, brú trausts verður til, gagnkvæm virðing og mikilvæg viðurkenning á þátttöku verður hvatning til frekari þátttöku í íslensku samfélagi. Atvinnulífið fær sterkari, upplýstari einstaklinga í vinnu, sem eru líklegri til að setjast hérna að í stað þess að halda heim aftur. Það er líka dýrt fyrir atvinnulífið að missa þjálfað fólk úr landi aftur. Það mikilvægasta sem ég sé er þessi dýrmæti hópur verður betur í stakk búinn til að styðja við samstarfsfélaga, fjölskyldu og síðast en ekki síst börnin sín, bæði í námi og starfi. Allir vinna. Saga Nadiu Mögnuð saga Nadiu gæti verið saga miklu fleiri. Skiptir engu um hvort um er að ræða landlaust flóttafólk eða börn sem fylgja foreldrum sínum eftir. Við þurfum að tryggja jöfn tækifæri fyrir öll börn sama hvaðan þau koma eða hvert móðurmálið þeirra er. Með því að styðja við aðflutt vinnuafl með markvissari hætti geta Samtök atvinnulífsins lagt sitt af mörkum til að styrkja, hlúa að foreldrum barna erlendum uppruna og búa þeim í haginn fyrir framtíðina. Höfundur er varaborgarfulltrúi Samfylkingarinnar, formaður íbúaráðsins í Breiðholti og sækist eftir 4.- 6. sæti í flokksvali Samfylkingarinnar 12.- 13. febrúar nk. Viltu birta grein á Vísi? Sendu okkur póst. Senda grein Sara Björg Sigurðardóttir Skoðun: Kosningar 2022 Samfylkingin Reykjavík Borgarstjórn Mest lesið Lygin um flóttamenn á Íslandi Jón Frímann Jónsson Skoðun Héraðsvötnin eru hjartsláttur fjarðarins Rakel Hinriksdóttir Skoðun Mismunun skýrir aukningu erlendra fanga Guðmundur Ingi Þóroddsson Skoðun Það er allt í lagi að vera þú sjálfur - Opið bréf til Snorra Mássonar Kári Stefánsson Skoðun Viljum við stjórnarandstöðu sem þvælist ekki fyrir? Diljá Mist Einarsdóttir Skoðun Aukið við sóun með einhverjum ráðum Heiðrún Lind Marteinsdóttir Skoðun Ef eitthvað væri að marka Bjarna Gunnar Smári Egilsson Skoðun Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun Varst þú að kaupa gallaða fasteign? Sara Bryndís Þórsdóttir Skoðun Í skjóli hvíta bjargvættarins Yousef Ingi Tamimi Skoðun Skoðun Skoðun Tilgáta um brjálsemi þjóðarleiðtoga Gunnar Björgvinsson skrifar Skoðun Blóðbað í Súdan: Framtíðarannáll? Stefán Jón Hafstein skrifar Skoðun Sparnaðartillögur á kostnað atvinnulausra Finnbjörn A Hermannsson,Sonja Ýr Þorbergsdóttir skrifar Skoðun Atvinnustefna þarf líka að fjalla um rótgrónar atvinnugreinar Guðríður Eldey Arnardóttir skrifar Skoðun Á að hita upp allan Faxaflóann? Eiríkur Hjálmarsson skrifar Skoðun Á tímamótum: Sameinuðu þjóðirnar í 80 ár Vala Karen Viðarsdóttir,Védís Ólafsdóttir skrifar Skoðun Borgar sig að vanmeta menntun? Kolbrún Halldórsdóttir skrifar Skoðun Samfylkingin hækkar gjöld á háskólanema Guðmundur Ingi Guðbrandsson skrifar Skoðun Aðgerðaáætlun í menntamálum ekki markviss Ingólfur Ásgeir Jóhannesson,Hermína Gunnþórsdóttir skrifar Skoðun Héraðsvötnin eru hjartsláttur fjarðarins Rakel Hinriksdóttir skrifar Skoðun Lygin um flóttamenn á Íslandi Jón Frímann Jónsson skrifar Skoðun Mismunun skýrir aukningu erlendra fanga Guðmundur Ingi Þóroddsson skrifar Skoðun Farsæld barna í fyrirrúmi Bragi Bjarnason skrifar Skoðun Hlúum að persónumiðaðri nálgun í öldrunarþjónustu Margrét Guðnadóttir skrifar Skoðun Viljum við stjórnarandstöðu sem þvælist ekki fyrir? Diljá Mist Einarsdóttir skrifar Skoðun Skólar hafa stigið skrefið með góðum árangri Kolbrún Áslaugar Baldursdóttir skrifar Skoðun Varst þú að kaupa gallaða fasteign? Sara Bryndís Þórsdóttir skrifar Skoðun Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir skrifar Skoðun „Glæpir“ Íslendinga Árni Davíðsson skrifar Skoðun Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson skrifar Skoðun Fleiri átök = verri útkoma í lestri? Birgir Hrafn Birgisson skrifar Skoðun Biðin sem (enn) veikir og tekur Guðlaugur Eyjólfsson skrifar Skoðun Stafrænt netöryggisbelti Hrannar Ásgrímsson skrifar Skoðun Hvert stefnir ráðherra? Aðalsteinn Árni Baldursson skrifar Skoðun Free tuition Colin Fisher skrifar Skoðun Þegar fólkið okkar langar að deyja Sigurborg Sveinsdóttir,Svava Arnardóttir skrifar Skoðun Why protest works Adam Daniel Fishwick skrifar Skoðun Í senn minning og ákvörðun um framtíð Elliði Vignisson skrifar Skoðun Reynslunni ríkari eftir fjárhagsleg áföll síðustu ára Njáll Trausti Friðbertsson skrifar Skoðun Ríkisstjórn lobbýistanna Jón Ferdínand Estherarson skrifar Sjá meira
Samfélagið okkar hefur breyst mikið á síðustu áratugum. Það fjölþjóðlega samfélag sem við þekkjum í dag, varð ekki til á einni nóttu heldur hægt og bítandi samhliða aukinni alþjóðavæðingu og hagsæld. Við erum að vaxa, þroskast og fjölbreytileikinn auðgar mannlífið. Íslenskt samfélag er ekkert frábrugðið öðrum í þessum efnum. Saga dönsku fótboltakonunnar Nadiu Nadim er áhrifarík. Hún er fædd í Afganistan en flúði stríðsátökin með fjölskyldu sinni eftir að pabbi hennar var drepinn af Talibönum þegar hún var aðeins 11 ára gömul. Hún hefur spilað fyrir PSG og Manchester City og skorað 200 mörk fyrir danska landsliðið í 99 landsleikjum. Nadia talar fjölmörg tungumál og náði þeim áfanga í vikunni að útskrifast sem læknir í Danmörku samhliða knattspyrnuferlinum. Uppruni afreksfólks er með ólíkum hætti. Okkar er að gæta þess að gefa öllum jöfn tækifæri til að blómstra. Ákall um að fjölgun starfa sé mætt með aðfluttu vinnuafli Viðskiptablað Fréttablaðsins í umfjöllun yfir að fjölgun starfa yrði mætt að miklu leyti með aðfluttu vinnuafli. Vísað var í könnun sem Samtök atvinnulífsins lét gera, um framtíðarþörf vinnuafls og í hvaða greinum hún væri brýnust. Þær atvinnugreinar sem um ræðir eru mannvirkjagerð, ferðaþjónusta og önnur þjónustustörf. Þetta eru starfsgreinar sem nú eru að stórum hluta mannaðar með aðfluttuvinnuafli og sú hagsældaraukning sem atvinnulífið og þjóðarbúið í heild fær með atvinnuþátttöku þessa hóps er mikil. Það er mikilvæg staðreynd sem vert er að halda á lofti. Ýjað er að því í fréttinni að erfitt sé fyrir íslensk fyrirtæki að manna störf þrátt fyrir atvinnuleysi og að atvinnulífið muni þurfa á erlendu vinnuafli að halda samhliða fjölgun starfa og bættu efnahagsástandi næstu misserin. Við þurfum fleira fólk, fleiri vinnandi hendur. Með aukinni hagsæld fjölgar fjöltyngdum börnum Margir sem hingað koma til að vinna eiga bæði fjölskyldur og börn. Sumir stoppa stutt á meðan aðrir festa rætur. Með aukinni hagsæld fjölgar börnum með annað móðurmál en íslensku. Á árunum 2016-2020 fjölgaði börnum með annað móðurmál en íslensku um 1.262 börn í grunnskólum borgarinnar sem er 75% fjölgun á tímabilinu. Þessi hópur er sívaxandi og er brýnt að skapa samfélag þar sem öll börn njóta jafnra tækifæra í íslensku samfélagi. Allir foreldrar vilja það besta fyrir börnin sín og búa þeim sem bestan hag fyrir framtíðina. Veita þeim öryggi, góða menntun og jöfn tækifæri. Lykilinn að íslensku samfélagi Við sem samfélag berum ríkar skyldur og mikla ábyrgð á að sá hópur, sem hingað kýs að koma til búa og starfa, fái stuðning, upplýsingar og leiðbeiningar. Að við veitum þeim lykilinn að íslensku samfélagi. Þá á ég ekki eingöngu við hið opinbera, ríki og sveitarfélög heldur líka Samtök atvinnulífsins. Þau kalla eftir fleiri vinnandi höndum til að viðhalda hagvexti, til að fá hjól atvinnulífsins til að snúast aftur eftir lægð síðustu ára en á sama tíma sýna rannsóknir hvert rauðblikkandi ljósið á fætur öðru. Fram hafa komið sláandi staðreyndir um stöðu, líðan og aðbúnað mjög mikilvægs hóps í verðmætasköpun samfélagsins. Rannsóknir sýna að konur af erlendum uppruna vinna lengri vinnudag, vinna í fleiri en einu starfi til að ná endum saman og bera ríkari heimilisábyrgð. Þær eru líka í hættu á að enda í gildru fátæktar, sérstaklega einstæðar mæður af erlendum uppruna. Fram hefur líka komið fram að foreldrar barna sem ekki kunna nægilega góða íslensku eiga erfitt með styðja börnin sín í námi. Það er þröskuldur að sækja íslenskunámskeið að kvöldi vinnudags þegar tengslanet er ekkert til að gæta bús og barna eða þurfa leggja út fyrir 50 þúsund króna íslenskunámskeiði og þurfa að sækja um endurgreiðslu eftirá til stéttarfélags. Samtök atvinnulífsins bera ríkar samfélagslegar skyldur Þarna getur SA stigið mun fastar til jarðar en þau hafa gert. Þeirra samfélagslega ábyrgð er líka mikil en þau hafa tækifæri til að skapa umgjörð, stuðning og hvatningu fyrir sína félaga. Ég vil því hvetja SA að setja sér stefnu um hvernig þau geta búið betur að þessum hópi fólks til dæmis með því að bjóða upp gjaldfrjáls íslenskunámskeið og aðra samfélagslega fræðslu á vinnutíma. Þá er komið til móts við ólíkar þarfir og fleirum gefið færi á að taka þátt. Ávinningur beggja aðila er mikill, brú trausts verður til, gagnkvæm virðing og mikilvæg viðurkenning á þátttöku verður hvatning til frekari þátttöku í íslensku samfélagi. Atvinnulífið fær sterkari, upplýstari einstaklinga í vinnu, sem eru líklegri til að setjast hérna að í stað þess að halda heim aftur. Það er líka dýrt fyrir atvinnulífið að missa þjálfað fólk úr landi aftur. Það mikilvægasta sem ég sé er þessi dýrmæti hópur verður betur í stakk búinn til að styðja við samstarfsfélaga, fjölskyldu og síðast en ekki síst börnin sín, bæði í námi og starfi. Allir vinna. Saga Nadiu Mögnuð saga Nadiu gæti verið saga miklu fleiri. Skiptir engu um hvort um er að ræða landlaust flóttafólk eða börn sem fylgja foreldrum sínum eftir. Við þurfum að tryggja jöfn tækifæri fyrir öll börn sama hvaðan þau koma eða hvert móðurmálið þeirra er. Með því að styðja við aðflutt vinnuafl með markvissari hætti geta Samtök atvinnulífsins lagt sitt af mörkum til að styrkja, hlúa að foreldrum barna erlendum uppruna og búa þeim í haginn fyrir framtíðina. Höfundur er varaborgarfulltrúi Samfylkingarinnar, formaður íbúaráðsins í Breiðholti og sækist eftir 4.- 6. sæti í flokksvali Samfylkingarinnar 12.- 13. febrúar nk.
Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun
Skoðun Sparnaðartillögur á kostnað atvinnulausra Finnbjörn A Hermannsson,Sonja Ýr Þorbergsdóttir skrifar
Skoðun Atvinnustefna þarf líka að fjalla um rótgrónar atvinnugreinar Guðríður Eldey Arnardóttir skrifar
Skoðun Aðgerðaáætlun í menntamálum ekki markviss Ingólfur Ásgeir Jóhannesson,Hermína Gunnþórsdóttir skrifar
Skoðun Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir skrifar
Skoðun Vörusvik Rafmenntar í nafni Kvikmyndaskóla Íslands og afleiðingar þeirra Böðvar Bjarki Pétursson,Friðrik Þór Friðriksson skrifar
Störf án staðsetningar - of hátt flækjustig eða rökrétt framþróun? Hildur Ösp Gylfadóttir,Áslaug Eir Hólmgeirsdóttir Skoðun