Net­á­rás lamaði starf­semina í allan dag

Þetta kemur fram í tilkynningu um málið, þar sem segir að netöryggissveit Cert-is og lögreglu hefði verið tilkynnt um árásina. Teymi sérfræðinga, meðal annars frá netöryggisfyrirtækinu Syndis, vinni nú hörðum höndum að því að greina árásina og koma kerfum fyrirtækjanna í lag á nýjan leik.

„Árásin hefur valdið mikilli truflun á allri starfseminni og harma fyrirtækin að það hafi komið niður á viðskiptavinum þeirra en vona jafnframt að þeir sýni því skilning. Unnið er að því að gera kerfin starfhæf á ný sem allra fyrst,“ segir þá í tilkynningunni.