Innlent

Öku­­maður stakk af en sá síðan að sér

Viktor Örn Ásgeirsson skrifar
Ökumaðurinn lenti í árekstri á Reykjanesbraut og stakk af í kjölfarið.
Ökumaðurinn lenti í árekstri á Reykjanesbraut og stakk af í kjölfarið. Vísir/Vilhelm

Árekstur varð á Reykjanesbraut rétt fyrir klukkan 15 í dag. Ökumaður annars bílsins stakk af vettvangi en sá að sér skömmu síðar. 

Stuttu eftir áreksturinn hringdi ökumaðurinn sjálfur á Neyðarlínuna. Málið er í hefðbundnum farvegi, segir í dagbók lögreglunnar á höfuðborgarsvæðinu.

Þá varð harður árekstur milli tveggja bifreiða á Miklubraut við Rauðarárstíg klukkan 14.30. Ekki er vitað hvort slys hafi orðið á fólki.

Upp úr klukkan hálf tvö í dag var einn stöðvaður í Hafnarfirði grunaður um akstur undir áhrifum fíkniefna. Þá var nokkuð um umferðarlagabrot og einhverjir stöðvaðir fyrir að tala í farsíma en aðrir fyrir að aka án ökuréttinda. 

Lögreglumál Reykjavík

Mest lesið


Fleiri fréttir

Sjá meira


×

Mest lesið