Villarreal stöðvaði Bayern: 38 mánuðir, 29 leikir og 99 mörk skoruð síðan síðast

Runólfur Trausti Þórhallsson skrifar 7. apríl 2022 13:30

Robert Lewandowski komst lítt áleiðis gegn sterkri vörn heimamanna í Villareal. EPA-EFE/BIEL ALINO

Bayern München tapaði 1-0 gegn Villareal á Spáni er liðin mættust í 8-liða úrslitum Meistaradeildar Evrópu. Var þetta í fyrsta sinn sem Bayern mistekst að skora í keppninni síðan í febrúarmánuði 2019 er liðið mætti Liverpool.

Allir og amma þeirra spáðu því að lærisveinar Julians Nagelsmann myndu tryggja sér sæti í undanúrslitum Meistaradeildar Evrópu og það mögulega nokkuð þægilega er ljóst var að Villareal yrði mótherjinn í 8-liða úrslitum.

Villareal er í 7. sæti La Liga, spænsku úrvalsdeildarinnar, og stefnir í að liðið muni ekki taka þátt í neinni af þremur Evrópukeppnunum á næstu leiktíð. Unai Emery er hins vegar lævís og tókst lærisveinum hans að vinna einn óvæntasta sigur síðari ára er liðið lagði Bayern 1-0 þökk sé marki Arnaut Danjuma strax á áttundu mínútu leiksins.

Sama hvað gestirnir reyndu þá tókst þeim ekki að skora. Eru komnir 38 mánuðir síðan það gerðist síðast að Bayern skoraði ekki í Meistaradeild Evrópu. Gerði liðið þá markalaust jafntefli við Liverpool á Anfield.

Liðið frá Bítlaborginni vann hins vegar síðari leikinn 3-1 og endaði á að vinna Meistaradeild Evrópu um vorið. Hvort Villareal fylgi í fótspor Liverpool verður að koma í ljós en það verður þó að teljast einkar ólíklegt.

Síðan þá hefur Bayern spilað 29 leiki og skorað í þeim alls 99 mörk. Þeir eru eftirfarandi:

2019/2020

Riðlakeppni

Bayern M. 2-0 Tottenham Hotspur

Tottenham 2-7 Bayern M.

Bayern M. 2-0 Olympiacos

Olympiacos 2-3 Bayern M.

Bayern M. 3-0 Rauða Stjarnan

Rauða Stjarnan 0-6 Bayern M.

16-liða úrslit

Chelsea 0-3 Bayern M.

Bayern M. 4-1 Chelsea

8-liða úrslit

Bayern M. 8-2 Barcelona

Undanúrslit

Bayern M. 3-0 Lyon

Úrslit

Bayern M. 1-0 París Saint-Germain

2020/2021

Riðlakeppni

Bayern M. 4-0 Atlético Madríd

Atl. Madríd 1-1 Bayern M.

Bayern M. 3-1 Red Bull Salzburg

Red Bull Salzburg 2-6 Bayern M.

Bayern M. 2-0 Lokomotiv Moskva

Lok. Moskva 1-2 Bayern M.

16-liða úrslit

Bayern M. 4-1 Lazio

Lazio 1-2 Bayern M.

8-liða úrslit

Bayern M. 2-3 PSG

PSG 0-1 Bayern M.

2021/2022

Riðlakeppni

Bayern M. 5-2 Benfica

Benfica 0-4 Bayern M.

Bayern M. 3-0 Barcelona

Barcelona 0-3 Bayern M.

Bayern M. 5-0 Dynamo Kíev.

Dynamo Kíev 1-2 Bayern M.

16-liða úrslit

RB Salzburg 1-1 Bayern M.

Bayern M. 7-1 Red Bull Salzburg

8-liða úrslit

Villareal 1-0 Bayern M.

Bayern M. ?-? Villareal

Meistaradeild Evrópu er á Stöð 2 Sport en upplýsingar um útsendingar má finna hér. Meistaradeildin er hluti af Stöð 2 Sport erlent sem kostar 3.990 krónur á mánuði.

Fótbolti Meistaradeild Evrópu í fótbolta karla

Mest lesið

Fleiri fréttir