Handbolti

Eyja­konur höfðu betur gegn deildar­meisturunum í loka­leik tíma­bilsins

Hjörtur Leó Guðjónsson skrifar
Harpa Valey Gylfadóttir og liðsfélagar hennar í ÍBV unnu góðan sigur gegn Fram í Olís-deild kvenna í handbolta í dag.
Harpa Valey Gylfadóttir og liðsfélagar hennar í ÍBV unnu góðan sigur gegn Fram í Olís-deild kvenna í handbolta í dag. Vísir/Hulda Margrét

ÍBV vann nauman tveggja marka sigur er liðið tók á móti nýkrýndum deildarmeisturum Fram í lokaleik Olís-deildar kvenna í dag, 24-22.

Eyjakonur höfðu yfirhöndina í fyrri hálfleik og náðu fjögurra marka forskoti í stöðunni 8-4 þegar um stundarfjórðungur var búinn af leiknum. Þær náðu mest sjö marka forskoti í stöðunni 12-5, en gestirnir gáfust ekki upp og minnkuðu muninn niður í fjögur mörk áður en gengið var til búningsherbergja, staðan 14-10.

Gestirnir í Fram unnu upp forskot Eyjakvenna snemma í síðari hálfleik og minnkuðu muninn í eitt mark. Nær komust þær þó ekki og Eyjakonur héldu eins til tveggja marka forystu út leikinn. ÍBV vann að lokum tveggja marka sigur, 24-22, gegn deildarmeisturum Fram og taka því gott veganesti með sér í úrslitakeppnina.

Hrafnhildur Hanna Þrastardóttir var markahæsti leikmaður vallarins með átta mörk fyrir ÍBV í dag, en Þórey Rósa Stefánsdóttir var atkvæðamest í liði Fram með fimm mörk.

Fram endar tímabilið því í efsta sæti deildarinnar með 31 stig. Eyjakonur enda með 25 stig í fjórða sæti.

Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.

Olís-deild kvenna ÍBV Fram

Mest lesið


Fleiri fréttir

Sjá meira


×

Mest lesið