Er Sundabraut pólitískur ómöguleiki? Ólafur Kr. Guðmundsson skrifar 3. maí 2022 09:46 Allir borgarbúar þekkja söguna um Sundabraut enda framkvæmdin verið til umræðu í bráðum hálfa öld og verið á lokastigi síðustu áratugi án þess að neitt gerist. Það er alveg sama hve margar viljayfirlýsingar núverandi meirihluti skrifar undir um lagningu Sundabrautar, alltaf skal hann tefja málið. Allir vita að Píratar, sem hafa farið með skipulagsmál í borginni, vilja ekki Sundabraut og mikil andstaða er innan Samfylkingarinnar við framkvæmdina sem hefur verið tafin á öllum stigum málsins. Nú finnst Viðreisn tilefni að nefna það sérstaklega í sinni kosningabaráttu að Sundabraut sé víst á dagskrá. Sjálfsagt er það til að aðgreina sig frá andstöðunni innan Samfylkingarinnar. Loforð nýs borgarstjóra!!! Þegar Dagur B. Eggertsson tók við sem borgarstjóri fyrir margt löngu vantaði ekki loforðin. Eitt þeirra var að taka af skarið um Sundabraut, sem þá hafði verið áratugi á teikniborðinu. Efndirnar voru þær, að í samningi sem hann stóð að við ríkið og sveitarfélög á höfuðborgarsvæðinu árið 2012 var fjölda mikilvægra samgöngurframvæmda slegið á frest og allt fjármagnið sett í að niðurgreiða almenningssamgöngur í 10 ár. Það verkefni mistókst hrapalega eins og allir vita, farþegum fjölgaði ekkert og Strætó BS nánast gjaldþrota og um 10 miljarðar horfnir í viðleitnina. Eitt þeirra verkefna sem sett var á ís var Sundabraut. Síðan hefur allt verið gert til að spilla fyrir þeirri framkvæmd, en nú hentar að dusta rykið af gömlu loforðunum eina ferðina enn. Er nema von að trúverðugleikinn sé orðinn minni en enginn.... Þurfa borgarbúar að greiða tafakostnaðinn Það má færa margvísleg rök fyrir því að málinu hafi verið unnið mikið tjón síðustu ár og allt gert til þess að auka kostnaðinn við lagninguna, kostnaður sem að endingu getur fallið á borgarbúa þar sem ríkissjóður getur ekki samþykkt allan þennan viðbótarkostnað sem er að verða til. En getur meirihlutinn ekki sagt til um hvort hann styður brú umfram jarðgöng en sá sem fjármagnar verkið vill brú. Borgarbúar búa við algera óvissu á meðan enda kjósa meirihlutaflokkarnir að ræða málið ekki, hvorki í heild né smáatriðum. Sundabraut yrði ein stærsta einstaka vegaframkvæmd Íslandssögunnar. Sundabraut er framkvæmd sem mun hafa gríðarleg áhrif á umferð, byggðaþróun og félagsleg samskipti. Það eitt og sér gerir hana arðbæra enda kemur upp úr kafinu að niðurstöður „félagshagfræðilegrar greiningar“ eru þær að lagning Sundabrautar er metin þjóðhagslega hagkvæm og feli í sér í mikinn samfélagslegan ávinning, hvort sem hún verði lögð með brú eða göngum. Kemur engum á óvart en talið er að þjóðhagslegur ábati af framkvæmdinni nemi 186 til 236 milljörðum króna, eftir útfærslu Sundabrautar með brú eða göngum. Gríðarlegur ábati Mestur ábati felist hvort tveggja í minni akstri, útblæstri og mengun og styttri ferðatíma vegfarenda vegna styttri leiða til og frá höfuðborgarsvæðinu. Að ekki sé talað um mikilvægi þess að hafa aðra flóttalínu úr borginni en Ártúnsbrekku eina. Verkfræðiskýrslur segja að heildarakstur á höfuðborgarsvæðinu gæti minnkað um hvorki meira né minna 150 þúsund km á hverjum sólarhring við opnun Sundabrautar. Þetta eru ótrúlegar tölur og við getum ætlað að 15 tonn af eldsneyti sparist á sólarhring eða 5.475 tonn á ári. Minnkun á svifryki og hávaða verður gríðarlega en líklega fara 10 þúsund færri bílar um Mosfellsbæ eftir að framkvæmdin er komin í höfn. Hvernig er hægt að tefja þetta þjóðþrifaverk kjörtímabil eftir kjörtímabil? Miðflokkurinn hefur alla tíð stutt Sundabraut, inni á þingi og í ræðum og skrifum. Með Miðflokkinn í borgarstjórn hættir framkvæmdin að verða pólitískur ómöguleiki eins og meirihlutaflokkarnir hafa rekið málið. Bráðum verður það of seint, ef núverandi meirihluti heldur áfram og fleiri steinar lagðir í vegstæði Sundabrautar, sem er greinilega ætlunin. Höfundur er umferðasérfræðingur og skipar 6. sæti á lista Miðflokksins til borgarstjórnar. Viltu birta grein á Vísi? Sendu okkur póst. Senda grein Skoðun: Kosningar 2022 Sundabraut Reykjavík Samgöngur Sveitarstjórnarkosningar 2022 Miðflokkurinn Mest lesið Carbfix: Stærsta framlag Íslands í loftslagsmálum heimsins Sævar Freyr Þráinsson Skoðun Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun Mengum meira Heiðar Guðjónsson Skoðun Hvað verður um Kára? Helga Sigrún Harðardóttir Skoðun Sigmundi Davíð svarað Björn Bjarnason Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir Skoðun Af hverju leka gluggar fyrr en áður? Böðvar Bjarnason Skoðun Ferðatryggingar og val á kreditkorti Svandís Edda Hólm Jónudóttir Skoðun Að óttast blokkir Ásta Logadóttir Skoðun Halldór 05.07.2024 Halldór Skoðun Skoðun Carbfix: Stærsta framlag Íslands í loftslagsmálum heimsins Sævar Freyr Þráinsson skrifar Skoðun Sigmundi Davíð svarað Björn Bjarnason skrifar Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir skrifar Skoðun Líf og dauði leikur á hnífsegg Áslaug Arna Sigurbjörnsdóttir skrifar Skoðun Mengum meira Heiðar Guðjónsson skrifar Skoðun Hvað verður um Kára? Helga Sigrún Harðardóttir skrifar Skoðun Að eiga tertuna og borða hana líka – svar til formanns Hildur Sverrisdóttir skrifar Skoðun Hik er sama og tap Ingólfur Sverrisson skrifar Skoðun Af hverju leka gluggar fyrr en áður? Böðvar Bjarnason skrifar Skoðun Hluta þjóðarinnar hent út í kuldann – hinn baðar sig í sólinni Ole Anton Bieltvedt skrifar Skoðun Að óttast blokkir Ásta Logadóttir skrifar Skoðun Engin gúrka hjá Blaðamannafélaginu Sigríður Dögg Auðunsdóttir,Freyja Steingrímsdóttir skrifar Skoðun Stórnotendur eru kjölfestan í íslenska raforkukerfinu Guðríður Eldey Arnardóttir skrifar Skoðun Ert þú í góðu netsambandi? Áslaug Arna Sigurbjörnsdóttir skrifar Skoðun Evrópa og myrkrið framundan Hilmar Þór Hilmarsson skrifar Skoðun Heilræði fyrir Nýhaldið Sigmundur Davíð Gunnlaugsson skrifar Skoðun Glútenlaust gull á grillið Anna Gunndís Guðmundsdóttir skrifar Skoðun Kaupin á eyrinni Hjörtur J. Guðmundsson skrifar Skoðun Lokunaruppboð í Kauphöllinni Baldur Thorlacius skrifar Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson skrifar Skoðun Ferðatryggingar og val á kreditkorti Svandís Edda Hólm Jónudóttir skrifar Skoðun Af hverju að byggja Coda Terminal? Ólafur Elínarson,Sandra Ósk Snæbjörnsdóttir skrifar Skoðun Hljóð úr horni Ingólfur Sverrisson skrifar Skoðun ESB fyrir almenning Oddný G. Harðardóttir skrifar Skoðun Strámaðurinn mikli Kristján Hreinsson skrifar Skoðun Árið er 2024 Halla Signý Kristjánsdóttir skrifar Skoðun Samkeppni í nýju ljósi Páll Hermannsson skrifar Skoðun Það er verið að grafa dýpri fátæktargjá Rúnar Sigurjónsson skrifar Skoðun „Hæ ástin, þarf að millifæra, getur þú samþykkt beiðnina?“ Heiðrún Jónsdóttir skrifar Skoðun Algeng þvæla um Evrópusambandið Jón Frímann Jónsson skrifar Sjá meira
Allir borgarbúar þekkja söguna um Sundabraut enda framkvæmdin verið til umræðu í bráðum hálfa öld og verið á lokastigi síðustu áratugi án þess að neitt gerist. Það er alveg sama hve margar viljayfirlýsingar núverandi meirihluti skrifar undir um lagningu Sundabrautar, alltaf skal hann tefja málið. Allir vita að Píratar, sem hafa farið með skipulagsmál í borginni, vilja ekki Sundabraut og mikil andstaða er innan Samfylkingarinnar við framkvæmdina sem hefur verið tafin á öllum stigum málsins. Nú finnst Viðreisn tilefni að nefna það sérstaklega í sinni kosningabaráttu að Sundabraut sé víst á dagskrá. Sjálfsagt er það til að aðgreina sig frá andstöðunni innan Samfylkingarinnar. Loforð nýs borgarstjóra!!! Þegar Dagur B. Eggertsson tók við sem borgarstjóri fyrir margt löngu vantaði ekki loforðin. Eitt þeirra var að taka af skarið um Sundabraut, sem þá hafði verið áratugi á teikniborðinu. Efndirnar voru þær, að í samningi sem hann stóð að við ríkið og sveitarfélög á höfuðborgarsvæðinu árið 2012 var fjölda mikilvægra samgöngurframvæmda slegið á frest og allt fjármagnið sett í að niðurgreiða almenningssamgöngur í 10 ár. Það verkefni mistókst hrapalega eins og allir vita, farþegum fjölgaði ekkert og Strætó BS nánast gjaldþrota og um 10 miljarðar horfnir í viðleitnina. Eitt þeirra verkefna sem sett var á ís var Sundabraut. Síðan hefur allt verið gert til að spilla fyrir þeirri framkvæmd, en nú hentar að dusta rykið af gömlu loforðunum eina ferðina enn. Er nema von að trúverðugleikinn sé orðinn minni en enginn.... Þurfa borgarbúar að greiða tafakostnaðinn Það má færa margvísleg rök fyrir því að málinu hafi verið unnið mikið tjón síðustu ár og allt gert til þess að auka kostnaðinn við lagninguna, kostnaður sem að endingu getur fallið á borgarbúa þar sem ríkissjóður getur ekki samþykkt allan þennan viðbótarkostnað sem er að verða til. En getur meirihlutinn ekki sagt til um hvort hann styður brú umfram jarðgöng en sá sem fjármagnar verkið vill brú. Borgarbúar búa við algera óvissu á meðan enda kjósa meirihlutaflokkarnir að ræða málið ekki, hvorki í heild né smáatriðum. Sundabraut yrði ein stærsta einstaka vegaframkvæmd Íslandssögunnar. Sundabraut er framkvæmd sem mun hafa gríðarleg áhrif á umferð, byggðaþróun og félagsleg samskipti. Það eitt og sér gerir hana arðbæra enda kemur upp úr kafinu að niðurstöður „félagshagfræðilegrar greiningar“ eru þær að lagning Sundabrautar er metin þjóðhagslega hagkvæm og feli í sér í mikinn samfélagslegan ávinning, hvort sem hún verði lögð með brú eða göngum. Kemur engum á óvart en talið er að þjóðhagslegur ábati af framkvæmdinni nemi 186 til 236 milljörðum króna, eftir útfærslu Sundabrautar með brú eða göngum. Gríðarlegur ábati Mestur ábati felist hvort tveggja í minni akstri, útblæstri og mengun og styttri ferðatíma vegfarenda vegna styttri leiða til og frá höfuðborgarsvæðinu. Að ekki sé talað um mikilvægi þess að hafa aðra flóttalínu úr borginni en Ártúnsbrekku eina. Verkfræðiskýrslur segja að heildarakstur á höfuðborgarsvæðinu gæti minnkað um hvorki meira né minna 150 þúsund km á hverjum sólarhring við opnun Sundabrautar. Þetta eru ótrúlegar tölur og við getum ætlað að 15 tonn af eldsneyti sparist á sólarhring eða 5.475 tonn á ári. Minnkun á svifryki og hávaða verður gríðarlega en líklega fara 10 þúsund færri bílar um Mosfellsbæ eftir að framkvæmdin er komin í höfn. Hvernig er hægt að tefja þetta þjóðþrifaverk kjörtímabil eftir kjörtímabil? Miðflokkurinn hefur alla tíð stutt Sundabraut, inni á þingi og í ræðum og skrifum. Með Miðflokkinn í borgarstjórn hættir framkvæmdin að verða pólitískur ómöguleiki eins og meirihlutaflokkarnir hafa rekið málið. Bráðum verður það of seint, ef núverandi meirihluti heldur áfram og fleiri steinar lagðir í vegstæði Sundabrautar, sem er greinilega ætlunin. Höfundur er umferðasérfræðingur og skipar 6. sæti á lista Miðflokksins til borgarstjórnar.
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun
Skoðun Coda Terminal hefur ekki áhrif á neysluvatnsból höfuðborgarsvæðisins Sigrún Tómasdóttir skrifar
Skoðun Viðreisn mun leggja fram tillögu um íbúakosningu um Coda Terminal verkefnið í Hafnarfirði Jón Ingi Hákonarson skrifar
Fögnum á degi líffræðilegrar fjölbreytni Rannveig Magnúsdóttir,Ragnhildur Guðmundsdóttir,Skúli Skúlason,Ole Sandberg,Sæunn Júlía Sigurjónsdóttir Skoðun