Kvöldfréttir Stöðvar 2

Bankasölunni var mótmælt í fimmta sinn á Austurvelli í dag. Mótmælendur báru trommur og skilti og kröfðust þess að Bjarni Benediktsson segði af sér.

Sveitarfélagið Árborg hefur vaxið hratt á síðustu fimm árum og hefur íbúum fjölgað um nær þriðjung á þessum tíma. Þessu hafa fylgt vaxtarverkir og því er uppbygging á innviðum frambjóðendum til sveitarstjórnarkosninganna ofarlega í huga. Við ræðum við frambjóðendur og kjósendur í fréttatímanum.

Við skoðum hvernig breikkun Suðurlandsvegar á fimm kílómetra kafla við bæjardyr Reykjavíkur, milli Rauðavatns og Hólmsár, mun líta út. Kíkjum á götuhátíð í Aðalstræti og hittum rófubónda í Sandvík sem er í óða önn að setja niður.

Þetta og margt fleira í kvöldfréttum Stöðvar 2 á slaginu klukkan 18.30.