Ísold Uggadóttir er Borgarlistamaður Reykjavíkur 2022 Atli Ísleifsson skrifar 17. júní 2022 14:46 Skúli Helgason, Ísold Uggadóttir og Dagur B. Eggertsson borgarstjóri. Aðsend/Róbert Reynisson Dagur B. Eggertsson borgarstjóri, útnefndi í dag Ísold Uggadóttur handritshöfund og leikstjóra, Borgarlistamann Reykjavíkur 2022 við hátíðlega athöfn í Höfða. Í tilkynningu frá Reykjavíkurborg kemur fram að útnefningin sé heiðursviðurkenning til listamanns sem með listsköpun sinni hafi skarað fram úr og markað sérstök spor í íslensku listalífi. „Skúli Helgason, formaður menningar-, íþrótta og tómstundaráðs, gerði grein fyrir vali ráðsins á Ísold. Listakonunni var veittur ágrafinn steinn, heiðursskjal og verðlaunafé og hljómsveitin Los Bomboneros flutti nokkur vel valin lög við tilefnið. Ísold er fædd árið 1975 og ólst upp í Reykjavík, Þýskalandi og Bandaríkjunum. Hún flutti til New York árið 2001 og hóf nám hjá Tisch School of the Arts en að námi loknu hóf hún störf við klippingu heimildamynda þar í borg, samhliða sköpun eigin verka, aðallega stuttmynda, sem handritshöfundur, leikstjóri og framleiðandi. Árið 2008 hóf hún meistaranám í handritagerð og leikstjórn við Columbia háskóla í New York og útskrifaðist með láði vorið 2011. Klippa: Andið eðlilega - sýnishorn Fyrsta kvikmynd hennar í fullri lengd, Andið eðlilega var frumsýnd á hinni virtu Sundance kvikmyndahátíð árið 2018, en þar var Ísold valin besti leikstjóri í flokki alþjóðlegra leikinna kvikmynda. Í kjölfarið hefur Andið eðlilega verið sýnd um allan heim og hlotið ótal verðlaun og viðurkenningar, m.a. FIPRESCI verðlaun alþjóðlegra gagnrýnenda á Gautaborgarhátíðinni, auk þess að vera útnefnd af BFI (British Film Institute) sem eitt þeirra verka eftir kvikmyndaleikstýru sem álitið er “must-see”. Andið eðlilega var tilnefnd til níu Eddu verðlauna og var sýnd um allan heim, m.a. á Netflix streymisveitunni. Ísold hefur leikstýrt fjórum stuttmyndum; Góðum gestum, Njálsgötu, Clean og Útrás Reykjavík, sem allar unnu til verðlauna víða um heim og voru sýndar á hundruðum hátíða; svo sem á Sundance og Telluride, auk Lincoln Center og á MoMA safninu í New York. Í verkum sínum fjallar Ísold gjarnan um fólk á jaðrinum, mannlegan breyskleika og ósjaldan um konur í krísu. Hún hefur lagt megináherslu á samfélagsleg viðfangsefni á borð við flóttamannamál, fátækt, fíkn og hinsegin sögur. Um þessar mundir vinnur Ísold að kvikmyndahandriti um ástarsamband Jóhönnu Sigurðardóttur og Jónínu Leósdóttir, byggt á bók Jónínu „Við Jóhanna“ sem kom út árið 2013. Vonar Ísold að hér sé um að ræða mikilvægt innlegg inn í hinseginsögu Íslands, enda mun dregin upp mynd af lífi sem fjöldi hinsegin fólks þess tíma þekkti svo ógnarvel: að lifa í felum og upplifa djúpstæða og sára skömm á eigin lífi og löngunum. Þá leikstýrir Ísold um þessar mundir heimildaþáttaröðinni „Turninn“, harmssögu um skelfilega atburði á Landakotshæð, sem sýnd verður á RÚV á næsta ári. Nýlega frumsýndi Ísold upplifunarmyndverk hjá Borgarsögusafni Reykjavíkur við Aðalstræti sem byggir á gömlum ljósmyndum og varpar ljósi á lífið í þorpinu Reykjavík um aldamótin 1900. Ísold hefur setið í stjórn Samtaka kvikmyndaleikstjóra, verið stjórnarmeðlimur Bíó Paradísar og lagt Listaháskóla Íslands lið sem ráðgjafi við stofnun nýrrar kvikmyndadeildar. Þá hefur Ísold sinnt kennslu í kvikmyndagerð, haldið fyrirlestra og setið í ótal dómnefndum. Hún hefur á stundum, auk leikstjórnar og handritagerðar, starfað sem klippari og framleiðandi, en meðal annars tók hún þátt í að klippa Svona fólk, sögu réttindabaráttu samkynhneigðra á Íslandi,“ segir í tilkynningunni. Reykjavík Kvikmyndagerð á Íslandi Bíó og sjónvarp Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
Í tilkynningu frá Reykjavíkurborg kemur fram að útnefningin sé heiðursviðurkenning til listamanns sem með listsköpun sinni hafi skarað fram úr og markað sérstök spor í íslensku listalífi. „Skúli Helgason, formaður menningar-, íþrótta og tómstundaráðs, gerði grein fyrir vali ráðsins á Ísold. Listakonunni var veittur ágrafinn steinn, heiðursskjal og verðlaunafé og hljómsveitin Los Bomboneros flutti nokkur vel valin lög við tilefnið. Ísold er fædd árið 1975 og ólst upp í Reykjavík, Þýskalandi og Bandaríkjunum. Hún flutti til New York árið 2001 og hóf nám hjá Tisch School of the Arts en að námi loknu hóf hún störf við klippingu heimildamynda þar í borg, samhliða sköpun eigin verka, aðallega stuttmynda, sem handritshöfundur, leikstjóri og framleiðandi. Árið 2008 hóf hún meistaranám í handritagerð og leikstjórn við Columbia háskóla í New York og útskrifaðist með láði vorið 2011. Klippa: Andið eðlilega - sýnishorn Fyrsta kvikmynd hennar í fullri lengd, Andið eðlilega var frumsýnd á hinni virtu Sundance kvikmyndahátíð árið 2018, en þar var Ísold valin besti leikstjóri í flokki alþjóðlegra leikinna kvikmynda. Í kjölfarið hefur Andið eðlilega verið sýnd um allan heim og hlotið ótal verðlaun og viðurkenningar, m.a. FIPRESCI verðlaun alþjóðlegra gagnrýnenda á Gautaborgarhátíðinni, auk þess að vera útnefnd af BFI (British Film Institute) sem eitt þeirra verka eftir kvikmyndaleikstýru sem álitið er “must-see”. Andið eðlilega var tilnefnd til níu Eddu verðlauna og var sýnd um allan heim, m.a. á Netflix streymisveitunni. Ísold hefur leikstýrt fjórum stuttmyndum; Góðum gestum, Njálsgötu, Clean og Útrás Reykjavík, sem allar unnu til verðlauna víða um heim og voru sýndar á hundruðum hátíða; svo sem á Sundance og Telluride, auk Lincoln Center og á MoMA safninu í New York. Í verkum sínum fjallar Ísold gjarnan um fólk á jaðrinum, mannlegan breyskleika og ósjaldan um konur í krísu. Hún hefur lagt megináherslu á samfélagsleg viðfangsefni á borð við flóttamannamál, fátækt, fíkn og hinsegin sögur. Um þessar mundir vinnur Ísold að kvikmyndahandriti um ástarsamband Jóhönnu Sigurðardóttur og Jónínu Leósdóttir, byggt á bók Jónínu „Við Jóhanna“ sem kom út árið 2013. Vonar Ísold að hér sé um að ræða mikilvægt innlegg inn í hinseginsögu Íslands, enda mun dregin upp mynd af lífi sem fjöldi hinsegin fólks þess tíma þekkti svo ógnarvel: að lifa í felum og upplifa djúpstæða og sára skömm á eigin lífi og löngunum. Þá leikstýrir Ísold um þessar mundir heimildaþáttaröðinni „Turninn“, harmssögu um skelfilega atburði á Landakotshæð, sem sýnd verður á RÚV á næsta ári. Nýlega frumsýndi Ísold upplifunarmyndverk hjá Borgarsögusafni Reykjavíkur við Aðalstræti sem byggir á gömlum ljósmyndum og varpar ljósi á lífið í þorpinu Reykjavík um aldamótin 1900. Ísold hefur setið í stjórn Samtaka kvikmyndaleikstjóra, verið stjórnarmeðlimur Bíó Paradísar og lagt Listaháskóla Íslands lið sem ráðgjafi við stofnun nýrrar kvikmyndadeildar. Þá hefur Ísold sinnt kennslu í kvikmyndagerð, haldið fyrirlestra og setið í ótal dómnefndum. Hún hefur á stundum, auk leikstjórnar og handritagerðar, starfað sem klippari og framleiðandi, en meðal annars tók hún þátt í að klippa Svona fólk, sögu réttindabaráttu samkynhneigðra á Íslandi,“ segir í tilkynningunni.
Reykjavík Kvikmyndagerð á Íslandi Bíó og sjónvarp Mest lesið „Fólk í kringum þessa einstaklinga er á nálum“ Lífið Eins og þruma úr heiðskíru lofti Lífið Stjörnulífið: Skvísustælar við bakkann og áminning um óöryggi Lífið Náði að sættast við bróður sinn fyrir andlátið Lífið Gátu ekki talað saman fyrir syngjandi þjónum Lífið Sykursalur orðinn einn vinsælasti veislusalur Reykjavíkur Lífið samstarf Bergrún Íris og Kolbrún keyptu í Hafnarfirði Lífið Fanney Dóra og Aron gáfu syninum nafn Lífið Fylgst með tímaskeiði í lífi konu sem greinist með krabbamein Lífið Byltingarkennd nýjung fyrir blondínur frá JOHN FRIEDA Lífið samstarf Fleiri fréttir „Hrátt háþróað krass, langt leitt krot“ Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira