Líkamsárásir, innbrot og slys á annasamri vakt lögreglu

Innbrotstilkynningarnar bárust með stuttu millibili á milli klukkan 4 og 5 í nótt en í báðum tilvikum var um að ræða fyrirtæki. Í öðru tilvikinu var búið að eiga við afgreiðslukassa og stela úr honum reiðufé.

Klukkan 21.30 hringdu vegfarendur í miðborginni á lögreglu og greindu frá því að einn hefði veist að öðrum utandyra. Gerandinn flúði en var handtekinn skammt frá. Hann var vistaður í fangageymslu en þolandinn fluttur á Landspítala.

Seinna um nóttina barst síðan tilkynning um líkamsárás í Kópavogi. Lögregla ræddi við báða aðila og annar var vistaður í fangageymslu.

Fyrr um kvöldið var tilkynnt um óhapp í undirgöngum, þar sem maður á reiðhjóli og einstaklingur á rafhlaupahjóli skullu saman. Sá sem var á rafhlaupahjólinu lét sit hverfa en maðurinn á reiðhjólinu slasaist og var fluttur á Landspítalann með sjúkrabifreið.

Nokkrir voru handteknir grunaðir um akstur undir áhrifum fíkniefna.