Fótbolti

Íslenskir sigrar í Skandinavíu

Atli Arason skrifar
Selma Sól Magnúsdóttir í leik með íslenska landsliðinu.
Selma Sól Magnúsdóttir í leik með íslenska landsliðinu. Vísir/Getty

Örebro og Piteå, Íslendingaliðin í Svíþjóð unnu bæði sigur í leikjum sínum í sænsku úrvalsdeildinni í dag. Á sama tíma vann Rosenborg, lið Selmu Sól Magnúsdóttur, 0-2 sigur á útivelli gegn Kolbotn.

Selma Sól var í byrjunarliði Rosenborg í leiknum og lék í 78. mínútur. Mörkin tvo skoruðu þær Cesilie Andreassen á 45. mínútu og Mathilde Harviken á 76. mínútu. Rosenborg er í 2. sæti norsku úrvalsdeildarinnar, þremur stigu á eftir toppliði Brann.

Í Svíþjóð vann Piteå 1-0 sigur á AIK. Hlín Eiríksdóttir var í byrjunarliði Piteå og spilaði í 84 mínútur áður en henni var skipt af velli. Hanna Andersson skoraði sigurmark Piteå á 91. mínútu leiksins.

Berglind Rós Ágústsdóttir var sömuleiðis í byrjunarliði Örebro sem vann öruggan 4-0 sigur á Brommpojkarna í sænsku úrvalsdeildinni. Berglind Rós spilaði 65 mínútur í leiknum.

Örebro er í 10. sæti sænsku úrvalsdeildarinnar með 21 stig á meðan að Piteå er með tveimur stigum meira í 8. sæti.

Sænski boltinn Norski boltinn

Mest lesið


Fleiri fréttir

Sjá meira


×

Mest lesið