Ingibjörg lék allan leikinn í liði Vålerenga en Selma Sól byrjaði á meðal varamanna en kom inn á leikvöllinn í hálfleik.
Celine Nergard og Sara Fornes komu Rosenborg í tveggja marka forystu í fyrri hálfleik áður en Janni Thomsen minnkaði muninn fyrir Vålerenga rétt fyrir leikhlé.
Á 61. mínútu jafnaði Rugile Rulyte leikinn með sjálfsmarki en það kom ekki að sök því Sara Horte skoraði sigurmark Rosenborg tíu mínútum síðar.
Rosenborg er því komið áfram í undanúrslitin ásamt Stabæk, Fire og Kolbotn. Dregið verður í undanúrslitin síðar í kvöld.
Í sænsku úrvalsdeildinni lék Guðrún Arnardóttir allan leikinn fyrir Rosengård sem vann 2-0 sigur á Häcken en bæði mörk leiksins komu í fyrri hálfleik.
Með sigrinum fer Rosengård aftur á topp deildarinnar en liðið er nú með tveggja stiga forskot á Linköping þegar 17 umferðir eru búnar.
