„Ekki hægt að vera reyna að klukka í heilan leik“

Runólfur Trausti Þórhallsson skrifar 8. september 2022 11:30

Dagný Brynjarsdóttir, Elín Metta Jensen og Sara Björk þakka stuðningsfólki Íslands eftir tapið súra. Vísir/Jónína

„Við vorum svo fjandi nálægt þessu. Ein og hálf mínúta eftir og maður var liggur við búin að kippa kampavínsflöskunni út en þá fáum við þetta rothögg. Er sárasta tapið,“ sagði Helena Ólafsdóttir um grátlegt tap Íslands gegn Hollandi í lokaleik undankeppni HM kvenna í fótbolta.

Ísland mætti Hollandi ytra á þriðjudaginn var vitandi að jafntefli mynda tryggja liðinu sæti á HM í fyrsta sinn. Holland þurfti að vinna og það sást á leik þeirra en íslenska liðið féll neðar og neðar í skotgrafirnar. Sandra Sigurðardóttir var frábær í marki Íslands og kom Helena, þáttastýra Bestu markanna og fyrrverandi landsliðskona, inn á það.

„Sandra var búin að vera ógeðslega góð í leiknum og svo lekur þessi inn. Alls ekki henni að kenna en svona mark, eftir þvílíka baráttu.“

„Sigurinn var alveg sanngjarn og við hefðum leikandi getað verið 3-0 undir í hálfleik því mér fannst fyrri hálfleikur arfaslakur af okkar hálfu. Lagaðist í síðari hálfleik en engu að síður þá sá maður einkenni frá EM. Við höldum bolta illa og það er ekki hægt að vera reyna klukka heilan leik og treysta á guð og lukkuna, það er ekki hægt.

„Ég var svekkt eftir leikinn“

„Mér fannst við spila undir getu. Ég veit alveg að við erum að spila við gríðarlega sterkt lið en við höfum oft talað um það að við erum með mjög sterkt lið þessa stundina. Mér fannst vörnin í heild sinni sleppa vel frá sínu, Sandra náttúrulega stórkostleg en mér fannst miðjan detta of mikið ofan í vörnina sem gerði þá kantmönnum og framherjanum erfitt fyrir,“ sagði Helena um leikinn í heild sinni.

„Að halda í bolta á miðsvæðinu gekk illa og þá náttúrulega tengjast Sveindís Jane, Svava Rós og Berglind Björg illa inn í þetta. Fannst þetta ekki alveg nógu gott, ég var svekkt eftir leikinn.“

Varðandi umspilið

„Við eigum mjög góða möguleika. Við þurfum samt að spila betur en í síðasta leik. Það sem ég treysti á er heimavöllurinn, að við fáum hann og fyllum hann. Við skuldum stelpunum það. Ég vil síst af þessum liðum fá Skotana, það er klárt.“

„Við getum alveg unnið þær, hvort sem það er heima eða úti. Hef ekkert brjálaðar áhyggjur af því. Ég veit líka að stelpurnar ætla sér á HM. Þeim mun takast það. Hvaða Krísuvíkurleið þær þurfa að fara verður bara að koma í ljós,“ sagði Helena áður en hún nefndi að lokum að ef til vill væri kominn tími til að gefa Amöndu Andradóttur og Hlín Eiríksdóttur tækifæri gegn þessum stærri þjóðum. Viðtalið í heild sinni má sjá hér að neðan.

Klippa: Helena um leikinn gegn Hollandi

Fótbolti Landslið kvenna í fótbolta

Tengdar fréttir

Umfjöllun: Holland-Ísland 1-0 | Stelpurnar okkar 90 sekúndum frá því að tryggja sér sæti á HM

Ísland tapaði með minnsta mun í Hollandi í kvöld er liðin mættust í lokaumferð undankeppni HM sem fram fer í Ástralíu og Nýja-Sjálandi næsta sumar. Jafntefli hefði dugað Íslandi til að komast beint á HM en liðið fer nú í umspil sem fram fer í október.

6. september 2022 20:45

Einkunnir Íslands: Sandra maður leiksins

Ísland tapaði með afar svekkjandi hætti, 1-0 fyrir Hollandi í undankeppni HM ytra. Sigurmark Hollands kom í uppbótartíma og þýðir að Ísland fer ekki beint á HM heldur í umspil.

6. september 2022 20:50

Twitter eftir grátlegt tap í Hollandi: „Maður er bugaður eftir þennan leik. Takk fyrir stelpur“

6. september 2022 21:00

„Vorum grátlega nálægt þessu“

Það voru þung skref sem Þorsteinn Halldórsson, þjálfari íslenska kvennalandsliðsins í fótbolta, tók er hann kom og ræddi við blaðamenn eftir grátlegt tap Íslands í lokaleik liðsins í undankeppni HM.

6. september 2022 21:15

„Við ætlum okkur á HM þó það hafi ekki tekist í dag“

„Ég veit eiginlega ekki hvað ég á að segja. Ég er bara ógeðslega svekkt,“ sagði niðurlút Sandra Sigurðardóttir eftir grátlegt tap íslenska kvennalandsliðsins gegn því hollenska í undankeppni HM í kvöld.

6. september 2022 21:40

„Draumurinn ekki farinn, við fáum annan séns“

„Bara ógeðslega svekkjandi eiginlega bara grátlegt,“ sagði Glódís Perla Viggósdóttir, miðvörður íslenska landsliðsins, eftir grátlegt 1-0 tap í Hollandi.

6. september 2022 22:05

„Ég er bara í áfalli“

„Við ætlum á HM,“ segir Sveindís Jane Jónsdóttir eftir grátlegt 1-0 tap Íslands fyrir Hollandi í undankeppni HM 2023 í kvöld. Holland skoraði sigurmarkið í uppbótartíma og sendi Ísland í umspil.

6. september 2022 21:56

„Við erum ekkert hættar, við ætlum okkur að fara á HM“

Áslaug Munda Gunnlaugsdóttir var að vonum svekkt eftir 1-0 tap Íslands fyrir Hollandi í undankeppni HM 2023 í kvöld. Ísland var 90 sekúndum frá jafntefli sem hefði tryggt liðinu sæti á HM.

6. september 2022 22:31

„Ætla að fá að líða smá illa“

„Erfitt að segja, bara frekar tómlegt og skrítið, grátlegt,“ sagði landsliðsfyrirliðinn Sara Björk Gunnarsdóttir aðspurð hvaða tilfinningar bærust henni í brjósti eftir súrt tap Íslands í Hollandi í kvöld. Með jafntefli hefði Ísland tryggt sér farseðilinn á HM sumarið 2023 en sigurmarkið kom þegar aðeins 90 sekúndur voru til leiksloka.

6. september 2022 23:00