Stjórn FH fundar um stöðu Eiðs Smára eftir ölvunarakstur Valur Páll Eiríksson skrifar 6. október 2022 10:47 Staða Eiðs Smára þykir ótraust hjá FH. Vísir/Hulda Margrét Stjórn knattspyrnudeildar FH situr þessa stundina fund þar sem staða Eiðs Smára Guðjohnsen, þjálfara liðsins, er umræðuefnið. Staða hans er sögð óörugg þar sem hann var nýlega tekinn drukkinn undir stýri. Samkvæmt heimildum Vísis stendur fundur stjórnarinnar yfir þar sem ákvörðun verður tekin um framtíð Eiðs Smára í starfi. Eiður tók við liðinu í júní á þessu ári og samdi til 2024. Hann var áður hjá félaginu ásamt Loga Ólafssyni sumarið 2020. Hann hætti hjá FH veturinn 2020 til að verða aðstoðarþjálfari íslenska karlalandsliðsins í fótbolta. Honum var vísað úr því starfi vegna áfengisneyslu í nóvember í fyrra. Heimildir Vísis herma að Eiður hafi verið tekinn ölvaður undir stýri í vikunni. Það atvik hafi leitt til fundar stjórnar FH í dag þar sem ákvörðun verður tekin um framhaldið, en staða Eiðs þykir ótraust vegna málsins. Von er á tíðindum úr Krikanum í hádeginu samkvæmt heimildum Vísis. FH tapaði 2-1 fyrir ÍBV í fyrsta leik sínum eftir skiptingu Bestu deildarinnar í tvennt í Vestmannaeyjum í gær. Liðið situr í fallsæti, því ellefta í deildinni, með 19 stig eftir 23 leiki. Sigurvin Ólafsson þjálfar FH ásamt Eiði Smára og tók við liðinu með honum í júní. Farsælasti fótboltamaður Íslandssögunnar Eiður Smári er á meðal allra bestu knattspyrnumanna í sögu Íslands en hann byrjaði meistaraflokksferil sinn með Val, þá 16 ára gamall, í efstu deild árið 1994. Hann fór þaðan til PSV Eindhoven í Hollandi en meiðsli settu stórt strik í reikninginn þar sem hann spilaði aðeins 13 leiki á fjórum árum. Eiður Smári fagnar Englandsmeistaratitlinum 2005 ásamt Arjen Robben og Roman Abramovich.vísir/getty Hann spilaði sex leiki með KR sumarið 1998 en komst ekki á blað með liðinu. Hann fékk hins vegar tækifæri hjá Bolton Wanderers í næstu efstu deild á Englandi eftir skammvinna dvöl hjá KR og náði þar að springa út á árunum 1998 til 2000. Þaðan fór hann til Chelsea hvar hann spilaði 263 leiki frá 2000 til 2006 og vann tvo Englandsmeistaratitla, 2005 og 2006. Leiðin þaðan lá til stórveldisins Barcelona þar sem Eiður var í þrjár leiktíðir og var hluti af einu besta fótboltaliði sögunnar sem vann spænsku deildina, bikarinn og ofurbikarinn auk Meistaradeildar Evrópu og Ofurbikars Evrópu tímabilið 2008 til 2009 undir stjórn Joseps Guardiola. Eiður Smári vann Meistaradeildina með Barcelona árið 2009.Mynd/AFP Eiður yfirgaf Barcelona sumarið 2009 og við tók mikið flakk síðustu sjö ár leikmannaferilsins þar sem hann lék fyrir Mónakó í Frakklandi, Tottenham Hotspur, Stoke City og Fulham á Englandi, AEK í Grikklandi og Cercle Brugge og Club Brugge í Belgíu. Hann sneri þá aftur til Bolton veturinn 2014 og lék með liðinu í B-deildinni á Englandi vorið 2015. Þaðan fór hann til Kína og lék með Shijiazhuang Ever Bright og þá lék hann undir stjórn Ole Gunnars Solskjær hjá Molde í Noregi árið 2016, hvar hann lék sína síðustu leiki á ferlinum. Eiður spilað sinn fyrsta landsleik fyrir Ísland 18 ára gamall, árið 1996, þegar hann kom inn á sem varamaður fyrir föður sinn, Arnór Guðjohnsen í Eistlandi. Hann spilaði 88 landsleiki fyrir Íslands hönd milli 1996 og 2016 og skoraði í þeim 26 mörk. Hann var hluti af landsliði Íslands sem fór í 8-liða úrslit á EM í Frakklandi 2016. Eiður hóf þjálfaraferil sinn árið 2019 þegar hann var ráðinn aðstoðarþjálfari U21 árs landsliðsins og stýrði því ásamt Arnari Þór Viðarssyni. Hann tók við FH ásamt Loga Ólafssyni sumarið 2020 og náði þar góðum árangri. Í kjölfarið fékk Arnar Þór hann aftur með sér í lið, síðla árs 2020, þegar Arnar tók við A-landsliðinu. Líkt og fram kemur að ofan var honum vísað úr því starfi í nóvember í fyrra áður en hann tók svo aftur við FH ásamt Sigurvini Ólafssyni í júní. Besta deild karla FH Hafnarfjörður Tengdar fréttir Eiður Smári nýr þjálfari FH Eiður Smári Guðjohnsen hefur samið við FH um að taka við þjálfun liðsins. Þetta er í annað sinn sem Eiður kemur að þjálfun liðsins en samningur hans gildir út tímabilið 2024. 19. júní 2022 20:40 Í annað sinn á innan við ári sem landsliðsþjálfari hættir vegna áfengisneyslu Eiður Smári Guðjohnsen er hættur sem aðstoðarþjálfari karlalandsliðsins í fótbolta. Hann er annar þjálfari A-landsliðs í fótbolta sem fær að taka pokann sinn á einu ári vegna áfengisneyslu í landsliðsferð. 24. nóvember 2021 10:30 Aðdragandinn að starfslokum Eiðs Smára Vanda Sigurgeirsdóttir, formaður Knattspyrnusambands Íslands, hringdi í alla meðlimi stjórnar sambandsins og ræddi við þá um málefni Eiðs Smára Guðjohnsen í aðdraganda þess að stjórnin tók þá ákvörðun að hann léti af störfum. 1. desember 2021 10:59 Mest lesið Bjarki Gunnlaugs spáir því að Liverpool landi Isak eftir Newcastle leikinn Enski boltinn Segir slagsmálin í klefanum hafa verið ofbeldisfull og ofsafenginn Fótbolti Grófu sig undir girðingu og stálu milljónum frá félaginu Fótbolti Brotnaði saman þegar hann bar liðsfélögum tíðindin Körfubolti Magnús Eyjólfsson er látinn Sport „Lukkudýrið“ í mál við félagið Körfubolti ÍR-ingar sækja Grikkja á Álftanesið: „Sannkallaðar gleðifréttir“ Körfubolti „Djöfull er gaman að vinna loksins aftur“ Fótbolti Stjarnan er meistari meistaranna Handbolti Uppgjörið: Breiðablik - Virtus 2-1 | Blikar bara einu marki yfir Fótbolti Fleiri fréttir „Vilji, kraftur, ákveðni og hugarfar hjá mínum stelpum“ Arna Eiríksdóttir: „Við töpuðum tveimur stigum í dag“ Uppgjör og vitöl: Stjarnan-FH 2-2 | FH að missa Blikana frá sér Uppgjör: Þór/KA-FHL 4-0 | Norðankonur í stuði á móti botnliðinu Fá góðar fréttir fyrir stærsta leik í sögu félagsins „Af hverju er Tómas Orri ekki að að spila í Breiðabliki?“ Ólafur Kristjáns: Þá vitum við að hún er ekkert að grínast Uppgjörið: Fram - Víkingur 2-5 | Markasúpa er Víkingar komust aftur á sigurbraut Uppgjör og viðtöl: Þróttur-Valur 0-2 | Valskonur á siglingu Áhorfandi hrækti á dómara í Garðabæ Úlfur talinn sá allra besti vestanhafs „Guð hvað ég hafði rangt fyrir mér og ég er ánægður með það“ Bræðraslagur í bikarúrslitaleiknum í ár: „Er alltaf að reyna að ögra mér“ KSÍ opið fyrir sjálfkrafa bönnum en reglubreyting ekki í vinnslu Valsmenn bara mannlegir? „Ég ætla ekki í eina einustu tæklingu hérna“ Tvö mörk með fyrstu tveimur snertingunum Stúkan birti samskipti dómara: „Ég þarf að taka stórar ákvarðanir“ Sjáðu Galdurinn á bak við það að KR komst úr fallsæti Uppgjörið: Fram - KR 0-1 | Galdur galdraði fram sigur Fyrirliði Fylkis sleit krossband í sigrinum langþráða Fram spilar og selur treyjur til styrktar minningarsjóðs Bryndísar Klöru Sjáðu veisluna í Kópavogi, magnaðan klobba og perluna í Eyjum „Búið að vanrækja ákveðið innra starf í Garðabænum“ Sjóðheitur Sigurður Bjartur með sjö mörk í síðustu fimm leikjum Fyrsti sigurinn á gervigrasi í 357 daga „Maður þurfti kvíðalyf síðustu mínúturnar“ Axel Óskar: „Fáir leiðinlegir leikir hér fyrir áhorfendur“ Uppgjörið: Breiðablik - FH 4-5 | Bragi breytti leiknum og Blikar sitja eftir í sárum Uppgjörið: ÍA - Víkingur 0-1 | Víkingur minnkar muninn á Val með langþráðum deildarsigri Uppgjörið: Afturelding - KA 3-3 | Mikið fjör en enn lengri bið eftir sigri Sjá meira
Samkvæmt heimildum Vísis stendur fundur stjórnarinnar yfir þar sem ákvörðun verður tekin um framtíð Eiðs Smára í starfi. Eiður tók við liðinu í júní á þessu ári og samdi til 2024. Hann var áður hjá félaginu ásamt Loga Ólafssyni sumarið 2020. Hann hætti hjá FH veturinn 2020 til að verða aðstoðarþjálfari íslenska karlalandsliðsins í fótbolta. Honum var vísað úr því starfi vegna áfengisneyslu í nóvember í fyrra. Heimildir Vísis herma að Eiður hafi verið tekinn ölvaður undir stýri í vikunni. Það atvik hafi leitt til fundar stjórnar FH í dag þar sem ákvörðun verður tekin um framhaldið, en staða Eiðs þykir ótraust vegna málsins. Von er á tíðindum úr Krikanum í hádeginu samkvæmt heimildum Vísis. FH tapaði 2-1 fyrir ÍBV í fyrsta leik sínum eftir skiptingu Bestu deildarinnar í tvennt í Vestmannaeyjum í gær. Liðið situr í fallsæti, því ellefta í deildinni, með 19 stig eftir 23 leiki. Sigurvin Ólafsson þjálfar FH ásamt Eiði Smára og tók við liðinu með honum í júní. Farsælasti fótboltamaður Íslandssögunnar Eiður Smári er á meðal allra bestu knattspyrnumanna í sögu Íslands en hann byrjaði meistaraflokksferil sinn með Val, þá 16 ára gamall, í efstu deild árið 1994. Hann fór þaðan til PSV Eindhoven í Hollandi en meiðsli settu stórt strik í reikninginn þar sem hann spilaði aðeins 13 leiki á fjórum árum. Eiður Smári fagnar Englandsmeistaratitlinum 2005 ásamt Arjen Robben og Roman Abramovich.vísir/getty Hann spilaði sex leiki með KR sumarið 1998 en komst ekki á blað með liðinu. Hann fékk hins vegar tækifæri hjá Bolton Wanderers í næstu efstu deild á Englandi eftir skammvinna dvöl hjá KR og náði þar að springa út á árunum 1998 til 2000. Þaðan fór hann til Chelsea hvar hann spilaði 263 leiki frá 2000 til 2006 og vann tvo Englandsmeistaratitla, 2005 og 2006. Leiðin þaðan lá til stórveldisins Barcelona þar sem Eiður var í þrjár leiktíðir og var hluti af einu besta fótboltaliði sögunnar sem vann spænsku deildina, bikarinn og ofurbikarinn auk Meistaradeildar Evrópu og Ofurbikars Evrópu tímabilið 2008 til 2009 undir stjórn Joseps Guardiola. Eiður Smári vann Meistaradeildina með Barcelona árið 2009.Mynd/AFP Eiður yfirgaf Barcelona sumarið 2009 og við tók mikið flakk síðustu sjö ár leikmannaferilsins þar sem hann lék fyrir Mónakó í Frakklandi, Tottenham Hotspur, Stoke City og Fulham á Englandi, AEK í Grikklandi og Cercle Brugge og Club Brugge í Belgíu. Hann sneri þá aftur til Bolton veturinn 2014 og lék með liðinu í B-deildinni á Englandi vorið 2015. Þaðan fór hann til Kína og lék með Shijiazhuang Ever Bright og þá lék hann undir stjórn Ole Gunnars Solskjær hjá Molde í Noregi árið 2016, hvar hann lék sína síðustu leiki á ferlinum. Eiður spilað sinn fyrsta landsleik fyrir Ísland 18 ára gamall, árið 1996, þegar hann kom inn á sem varamaður fyrir föður sinn, Arnór Guðjohnsen í Eistlandi. Hann spilaði 88 landsleiki fyrir Íslands hönd milli 1996 og 2016 og skoraði í þeim 26 mörk. Hann var hluti af landsliði Íslands sem fór í 8-liða úrslit á EM í Frakklandi 2016. Eiður hóf þjálfaraferil sinn árið 2019 þegar hann var ráðinn aðstoðarþjálfari U21 árs landsliðsins og stýrði því ásamt Arnari Þór Viðarssyni. Hann tók við FH ásamt Loga Ólafssyni sumarið 2020 og náði þar góðum árangri. Í kjölfarið fékk Arnar Þór hann aftur með sér í lið, síðla árs 2020, þegar Arnar tók við A-landsliðinu. Líkt og fram kemur að ofan var honum vísað úr því starfi í nóvember í fyrra áður en hann tók svo aftur við FH ásamt Sigurvini Ólafssyni í júní.
Besta deild karla FH Hafnarfjörður Tengdar fréttir Eiður Smári nýr þjálfari FH Eiður Smári Guðjohnsen hefur samið við FH um að taka við þjálfun liðsins. Þetta er í annað sinn sem Eiður kemur að þjálfun liðsins en samningur hans gildir út tímabilið 2024. 19. júní 2022 20:40 Í annað sinn á innan við ári sem landsliðsþjálfari hættir vegna áfengisneyslu Eiður Smári Guðjohnsen er hættur sem aðstoðarþjálfari karlalandsliðsins í fótbolta. Hann er annar þjálfari A-landsliðs í fótbolta sem fær að taka pokann sinn á einu ári vegna áfengisneyslu í landsliðsferð. 24. nóvember 2021 10:30 Aðdragandinn að starfslokum Eiðs Smára Vanda Sigurgeirsdóttir, formaður Knattspyrnusambands Íslands, hringdi í alla meðlimi stjórnar sambandsins og ræddi við þá um málefni Eiðs Smára Guðjohnsen í aðdraganda þess að stjórnin tók þá ákvörðun að hann léti af störfum. 1. desember 2021 10:59 Mest lesið Bjarki Gunnlaugs spáir því að Liverpool landi Isak eftir Newcastle leikinn Enski boltinn Segir slagsmálin í klefanum hafa verið ofbeldisfull og ofsafenginn Fótbolti Grófu sig undir girðingu og stálu milljónum frá félaginu Fótbolti Brotnaði saman þegar hann bar liðsfélögum tíðindin Körfubolti Magnús Eyjólfsson er látinn Sport „Lukkudýrið“ í mál við félagið Körfubolti ÍR-ingar sækja Grikkja á Álftanesið: „Sannkallaðar gleðifréttir“ Körfubolti „Djöfull er gaman að vinna loksins aftur“ Fótbolti Stjarnan er meistari meistaranna Handbolti Uppgjörið: Breiðablik - Virtus 2-1 | Blikar bara einu marki yfir Fótbolti Fleiri fréttir „Vilji, kraftur, ákveðni og hugarfar hjá mínum stelpum“ Arna Eiríksdóttir: „Við töpuðum tveimur stigum í dag“ Uppgjör og vitöl: Stjarnan-FH 2-2 | FH að missa Blikana frá sér Uppgjör: Þór/KA-FHL 4-0 | Norðankonur í stuði á móti botnliðinu Fá góðar fréttir fyrir stærsta leik í sögu félagsins „Af hverju er Tómas Orri ekki að að spila í Breiðabliki?“ Ólafur Kristjáns: Þá vitum við að hún er ekkert að grínast Uppgjörið: Fram - Víkingur 2-5 | Markasúpa er Víkingar komust aftur á sigurbraut Uppgjör og viðtöl: Þróttur-Valur 0-2 | Valskonur á siglingu Áhorfandi hrækti á dómara í Garðabæ Úlfur talinn sá allra besti vestanhafs „Guð hvað ég hafði rangt fyrir mér og ég er ánægður með það“ Bræðraslagur í bikarúrslitaleiknum í ár: „Er alltaf að reyna að ögra mér“ KSÍ opið fyrir sjálfkrafa bönnum en reglubreyting ekki í vinnslu Valsmenn bara mannlegir? „Ég ætla ekki í eina einustu tæklingu hérna“ Tvö mörk með fyrstu tveimur snertingunum Stúkan birti samskipti dómara: „Ég þarf að taka stórar ákvarðanir“ Sjáðu Galdurinn á bak við það að KR komst úr fallsæti Uppgjörið: Fram - KR 0-1 | Galdur galdraði fram sigur Fyrirliði Fylkis sleit krossband í sigrinum langþráða Fram spilar og selur treyjur til styrktar minningarsjóðs Bryndísar Klöru Sjáðu veisluna í Kópavogi, magnaðan klobba og perluna í Eyjum „Búið að vanrækja ákveðið innra starf í Garðabænum“ Sjóðheitur Sigurður Bjartur með sjö mörk í síðustu fimm leikjum Fyrsti sigurinn á gervigrasi í 357 daga „Maður þurfti kvíðalyf síðustu mínúturnar“ Axel Óskar: „Fáir leiðinlegir leikir hér fyrir áhorfendur“ Uppgjörið: Breiðablik - FH 4-5 | Bragi breytti leiknum og Blikar sitja eftir í sárum Uppgjörið: ÍA - Víkingur 0-1 | Víkingur minnkar muninn á Val með langþráðum deildarsigri Uppgjörið: Afturelding - KA 3-3 | Mikið fjör en enn lengri bið eftir sigri Sjá meira
Eiður Smári nýr þjálfari FH Eiður Smári Guðjohnsen hefur samið við FH um að taka við þjálfun liðsins. Þetta er í annað sinn sem Eiður kemur að þjálfun liðsins en samningur hans gildir út tímabilið 2024. 19. júní 2022 20:40
Í annað sinn á innan við ári sem landsliðsþjálfari hættir vegna áfengisneyslu Eiður Smári Guðjohnsen er hættur sem aðstoðarþjálfari karlalandsliðsins í fótbolta. Hann er annar þjálfari A-landsliðs í fótbolta sem fær að taka pokann sinn á einu ári vegna áfengisneyslu í landsliðsferð. 24. nóvember 2021 10:30
Aðdragandinn að starfslokum Eiðs Smára Vanda Sigurgeirsdóttir, formaður Knattspyrnusambands Íslands, hringdi í alla meðlimi stjórnar sambandsins og ræddi við þá um málefni Eiðs Smára Guðjohnsen í aðdraganda þess að stjórnin tók þá ákvörðun að hann léti af störfum. 1. desember 2021 10:59