Guðleg leiðsögn Vottanna er í raun hugarfóstur afturhaldskurfa í NY Örn Svavarsson skrifar 21. október 2022 10:22 Þessa dagana má sjá stiklu á netinu sem Vottar Jehóva vilja kalla kennsluefni, en er ekkert annað en áróður fyrir ansi fornri og satt að segja brenglaðri trúarhugmynd. Hugmyndafræðin byggist á biblíunni, bók um hinn einstaklega óblíða og oft og tíðum miskunnarlausa guð sem tilbeðinn er í trúarbrögðum gyðinga og kristinna. Þessi algóði guð er krefjandi faðir sem krefst skilyrðislausrar hlíðni, afdráttarlaus er hann og refsiglaður, á það samt til að vera kærleiksríkur, en umfram allt réttlátur. Hann er reyndar höfundur þess réttlætis. Vottarnir aðgreina sig frá öðrum bibliutrúarbrögðum m.a. með því að leggja ofuráherslu á gyðinglegt heiti guðsins, Jahwe eða Jehóva. Trúarbrögðin Vottar Jehóva verða ekki til fyrr en upp úr miðri þarsíðustu öld. Mörg trúaratriðin verða til í tímans rás, eins og t.d höfnum á jólahaldi og afælisdögum sem tekin er upp á þriðja áratug síðustu aldar. Höfuðáherslan var alla tíð lögð á endurkomu Krists sem konungs á himni árið 1914 og innan einnar mannsævi frá þeim atburði áttu ragnarök undir biblíuheitinu Harmageddon að útrýma öllum á jörðinni nema Vottunum. Þó að kjarninn í kenningunni hafi brugðist, þar sem Harmageddon reið bara alls ekki yfir, þá hanga trúarbrögðin á stagbættum og endurgerðum kenningum úr smiðju fáeinna þraungsýnna öldungu í miðstöð trúarbragðanna við eystri enda Brooklin brúar í Brooklin í NY. Skoðanir og hugmyndafræði þessara óforbetranlegu kerfiskarla eru stórisannleikur Votta Jehóva og móttekur söfnuðurinn hugaróra þessara örfáu sjálhverfu einstrenginga sem „guðlegan“ sannleik, enda innblásnir af almættinu. Eða hvernig má það vera að þessi hópur fólks boði kenningu sem: Heldur því fram að við fæðumst öll syndug. Lítið ómálga barn er skv kenningu Vottanna syndug manneskja. Bannar fólki að þiggja blóðgjöf í læknisaðgerð, þó líf liggi við Bannar fólki að taka þátt í kosningum á þeirri forsendu að fyrir 2.000 árum sagði Kristur sitt ríki ekki vera af þessum heimi. Bannar fólki að fagna jólum og afmælum. Vottarnir héldu þó jól til ársins 1926, m.a. voru höfuðstöðvarnar skreyttar og hátíðamatur á borðum. Því hefur verið haldið fram að Joseph Rutherford, forseta félagsins hafi leiðst allt þetta tilstand og því bara ákveðið að banna jólahald og afmælisdaga með. Sem heimilar „öldungum“, sem sé völdum karlpeningi úr söfnuðinum, að hnýsast í ástarmál unga fólksins, taka þá á teppið sem þeir telja að hafi gerst sekir um jafn siðlaust athæfi og kynlíf fyrir hjónaband. Veita fólkinu opinbera áminningu á samkomu safnaðarins fyrir gjörninginn eða jafnvel reka viðkomandi úr söfnuðinum, „sjái hann ekki að sér“ og rjúfa þannig tengsl unglingsins við fjölskyldu sína og vini innan safnaðarins. Heldur á lofti þeirri kenningu að Harmageddon muni eyða öllum jarðarbúum nema Vottunum. Síðan munu þeir lifa í eilífri hamingju á jörðinni og meira að segja rándýrin verða grasætur. Þetta er ekkert grín, þessu trúir blessað fólkið sem aðhyllist kenningu Vottanna. Reyndar átti þetta að vera löngu afstaðið, en söfnuðurinn hefur ekki verið sérstaklega sleipur í spádómum, frekar en flestir aðrir svosem, þannig að allar Harmageddon dagsetningar hafa brugðist og þeir víst hættir að festa ártöl í spádómum sínum. Kennir að konan skuli vera manni sínum undirgefin. Staða konunnar er þrepum lægra en karla, þær mega ekki tala á samkomum, leiða samkomur, fara með bænir né sinna öðrum slíkum opinberum embættum, nema að þær séu með höfuðklút til að staðfesta undirgefni sína. Hefur það í stefnunni að mennta ekki börnin sín. Þegar ég ólst upp innan safnaðarins var svo stutt í Harmageddon að það tók því ekki að mennta sig. Það skyldi bíða betri tíma. Fordæmir samkynhneigð. Hvernig getur nokkur maður varið kenningu sem útskúfar einstaklingi af þeirri ástæðu að hann fæðist með aðra kynhneigð en maður sjálfur? Víst hafa samkynhneigðir orðið fyrir aðkasti í aldanna rás, en að hópur fólks á 21. öldinni innræti börnum sínum afdráttarlaust umburðarleysi gagnvart samkynhneigð og samkynhneigðum tekur út yfir allan þjófabálk. Ekki verður framhjá því litið að þegar heilt samfélag tekur sig saman um að leggja fæð á einn einstakling, þegar heill söfnuður fær fyrirmæli frá sínum andlegu leiðtogum um að hunsa einn úr sínum hópi með öllu, virða hann ekki viðlits frekar en að hann hefði aldrei verið til, þá eru slíkar öfgafullar aðgerðir á pari við einelti á hæsta stigi og hrópleg brot á mannréttindalögum. Öllum er ljóst að samkynhneigt fólk fæðist samkynhneigt, rétt eins og örvhentir fæðast örvhentir og rauðhærðir rauðhærðir. Þegar ég fyllti raðir Vottanna voru safnaðarmeðlimir að undanskilinni trúnni í engu frábrugðnir öðrum og geri ég ráð fyrir að svo sé enn. Því er það í raun rannsóknarefni, hvernig fólk með venjulega dómgreind getur haldið því fram og trúað því í hjarta sínu að það fólk sem fæðist samkynhneigt sé forsmáð af almættinu, undanskilið náð guðs og velþóknun. Þarna eiga Vottarnir verk að vinna og Varðturnsfélagið þarf að ná betri tengingu við skaparann. Höfundur ólst upp í Vottunum og yfirgaf söfnuðinn á þrítugsaldri. Viltu birta grein á Vísi? Sendu okkur póst. Senda grein Trúmál Hinsegin Mest lesið Kirsuberjatínsla félagsmálaráðherra Gunnar Úlfarsson Skoðun Er systir þín skyld þér, fáum við rétt borgað og af hverju megum við ekki vita? Þórður Snær Júlíusson Skoðun Kjöt og krabbamein Hulda María Einarsdóttir,Jórunn Atladóttir,Sigurdís Haraldsdóttir Skoðun Silja Bára rektor Háskóla Íslands Stefán Hrafn Jónsson Skoðun Stóra klúður Íslands í raforkumálum Þorgerður María Þorbjarnardóttir Skoðun Gervigreind í skólastarfi – hvað getum við lært af Eistlandi? Þorsteinn Siglaugsson Skoðun Hagsmunir háskólanema í rektorskjöri Kolbrún Þ. Pálsdóttir Skoðun Við kjósum Silju Báru í dag! Agla Elín Davíðsdóttir,Ari Borg Helgason,Hekla Sól Hafsteinsdóttir,Margrét Bo Wan Waage Reynisdóttir,Nína Kristín Gunnarsdóttir,Ragnheiður Dóra H. Jónsdóttir Skoðun Kolbrún Pálsdóttir – Öflugur leiðtogi fyrir framtíð Háskóla Íslands Kristín Jónsdóttir,Þórdís Jóna Sigurðardóttir Skoðun Skrautfjöðurin jafnlaunavottun Diljá Mist Einarsdóttir Skoðun Skoðun Skoðun Forystukrísa Sjálfstæðisflokksins í Hafnarfirði á sér margar kostulegar birtingarmyndir! Árni Rúnar Þorvaldsson skrifar Skoðun Utanríkis- og varnarmál Gunnar Bragi Sveinsson skrifar Skoðun Samkeppni er lykillinn að arðsemi fyrirtækja Friðrik Ingi Friðriksson skrifar Skoðun Bréf til síungra sósíalista um land allt Oddný Eir Ævarsdóttir skrifar Skoðun Hamas; orsök eða afleiðing? Hlédís Sveinsdóttir skrifar Skoðun Foreldrar – tæmið öskubakkana og setjið börnin í bílstóla Guðný Helga Herbertsdóttir skrifar Skoðun Samvinnufélög og brothættar byggðir – leið til sjálfbærrar þróunar Ásdís Helga Bjarnadóttir skrifar Skoðun Að rjúfa vopnahlé – 300 myrt á svipstundu Salvör Gullbrá Þórarinsdóttir,Yousef Tamimi skrifar Skoðun A Strong International University Kolbrún Þ. Pálsdóttir skrifar Skoðun Þrjú lykilskref í átt að betri háskóla. Ingibjörg Gunnarsdóttir mun stíga þau Styrmir Hallsson skrifar Skoðun Kirsuberjatínsla félagsmálaráðherra Gunnar Úlfarsson skrifar Skoðun Hreint vatn frá Heiðmörk til framtíðar Sólrún Kristjánsdóttir skrifar Skoðun Hvers vegna skipta raddir ungmenna af erlendum uppruna máli? Guðrún Elsa Tryggvadóttir skrifar Skoðun Skrautfjöðurin jafnlaunavottun Diljá Mist Einarsdóttir skrifar Skoðun Fjármál og akademískt frelsi Silja Bára Ómarsdóttir skrifar Skoðun Silja Bára rektor Háskóla Íslands Stefán Hrafn Jónsson skrifar Skoðun Við kjósum Silju Báru í dag! Agla Elín Davíðsdóttir,Ari Borg Helgason,Hekla Sól Hafsteinsdóttir,Margrét Bo Wan Waage Reynisdóttir,Nína Kristín Gunnarsdóttir,Ragnheiður Dóra H. Jónsdóttir skrifar Skoðun Er systir þín skyld þér, fáum við rétt borgað og af hverju megum við ekki vita? Þórður Snær Júlíusson skrifar Skoðun Gervigreind í skólastarfi – hvað getum við lært af Eistlandi? Þorsteinn Siglaugsson skrifar Skoðun Smánin tilheyrir geranda en of oft klínt á þolanda Matthildur Björnsdóttir skrifar Skoðun Jarðhiti jafnar leikinn Jóhann Páll Jóhannsson skrifar Skoðun Skipbrot Reykjavíkurborgar Davíð J. Arngrímsson skrifar Skoðun Stóra klúður Íslands í raforkumálum Þorgerður María Þorbjarnardóttir skrifar Skoðun Hvað geta ungmenni gert fyrir jörðina? Matthildur Þóra Skúladóttir,Guðmundur Ingi Valgeirsson skrifar Skoðun Fjarkönnun og sjálfstæði þjóðar Karl Arnar Arnarson skrifar Skoðun Virðisaukaskattur og sveitarfélög – ekki er allt sem sýnist Helgi Már Jósepsson,Tina Paic skrifar Skoðun Græðgin, vísindin og spilakassarnir Kristján Jónasson,Alma Hafsteinsdóttir,Steinn Guðmundsson,Tryggvi Rúnar Brynjarsson skrifar Skoðun Kjöt og krabbamein Hulda María Einarsdóttir,Jórunn Atladóttir,Sigurdís Haraldsdóttir skrifar Skoðun Rektorskjör HÍ Soffía Auður Birgisdóttir skrifar Skoðun Hagsmunir háskólanema í rektorskjöri Kolbrún Þ. Pálsdóttir skrifar Sjá meira
Þessa dagana má sjá stiklu á netinu sem Vottar Jehóva vilja kalla kennsluefni, en er ekkert annað en áróður fyrir ansi fornri og satt að segja brenglaðri trúarhugmynd. Hugmyndafræðin byggist á biblíunni, bók um hinn einstaklega óblíða og oft og tíðum miskunnarlausa guð sem tilbeðinn er í trúarbrögðum gyðinga og kristinna. Þessi algóði guð er krefjandi faðir sem krefst skilyrðislausrar hlíðni, afdráttarlaus er hann og refsiglaður, á það samt til að vera kærleiksríkur, en umfram allt réttlátur. Hann er reyndar höfundur þess réttlætis. Vottarnir aðgreina sig frá öðrum bibliutrúarbrögðum m.a. með því að leggja ofuráherslu á gyðinglegt heiti guðsins, Jahwe eða Jehóva. Trúarbrögðin Vottar Jehóva verða ekki til fyrr en upp úr miðri þarsíðustu öld. Mörg trúaratriðin verða til í tímans rás, eins og t.d höfnum á jólahaldi og afælisdögum sem tekin er upp á þriðja áratug síðustu aldar. Höfuðáherslan var alla tíð lögð á endurkomu Krists sem konungs á himni árið 1914 og innan einnar mannsævi frá þeim atburði áttu ragnarök undir biblíuheitinu Harmageddon að útrýma öllum á jörðinni nema Vottunum. Þó að kjarninn í kenningunni hafi brugðist, þar sem Harmageddon reið bara alls ekki yfir, þá hanga trúarbrögðin á stagbættum og endurgerðum kenningum úr smiðju fáeinna þraungsýnna öldungu í miðstöð trúarbragðanna við eystri enda Brooklin brúar í Brooklin í NY. Skoðanir og hugmyndafræði þessara óforbetranlegu kerfiskarla eru stórisannleikur Votta Jehóva og móttekur söfnuðurinn hugaróra þessara örfáu sjálhverfu einstrenginga sem „guðlegan“ sannleik, enda innblásnir af almættinu. Eða hvernig má það vera að þessi hópur fólks boði kenningu sem: Heldur því fram að við fæðumst öll syndug. Lítið ómálga barn er skv kenningu Vottanna syndug manneskja. Bannar fólki að þiggja blóðgjöf í læknisaðgerð, þó líf liggi við Bannar fólki að taka þátt í kosningum á þeirri forsendu að fyrir 2.000 árum sagði Kristur sitt ríki ekki vera af þessum heimi. Bannar fólki að fagna jólum og afmælum. Vottarnir héldu þó jól til ársins 1926, m.a. voru höfuðstöðvarnar skreyttar og hátíðamatur á borðum. Því hefur verið haldið fram að Joseph Rutherford, forseta félagsins hafi leiðst allt þetta tilstand og því bara ákveðið að banna jólahald og afmælisdaga með. Sem heimilar „öldungum“, sem sé völdum karlpeningi úr söfnuðinum, að hnýsast í ástarmál unga fólksins, taka þá á teppið sem þeir telja að hafi gerst sekir um jafn siðlaust athæfi og kynlíf fyrir hjónaband. Veita fólkinu opinbera áminningu á samkomu safnaðarins fyrir gjörninginn eða jafnvel reka viðkomandi úr söfnuðinum, „sjái hann ekki að sér“ og rjúfa þannig tengsl unglingsins við fjölskyldu sína og vini innan safnaðarins. Heldur á lofti þeirri kenningu að Harmageddon muni eyða öllum jarðarbúum nema Vottunum. Síðan munu þeir lifa í eilífri hamingju á jörðinni og meira að segja rándýrin verða grasætur. Þetta er ekkert grín, þessu trúir blessað fólkið sem aðhyllist kenningu Vottanna. Reyndar átti þetta að vera löngu afstaðið, en söfnuðurinn hefur ekki verið sérstaklega sleipur í spádómum, frekar en flestir aðrir svosem, þannig að allar Harmageddon dagsetningar hafa brugðist og þeir víst hættir að festa ártöl í spádómum sínum. Kennir að konan skuli vera manni sínum undirgefin. Staða konunnar er þrepum lægra en karla, þær mega ekki tala á samkomum, leiða samkomur, fara með bænir né sinna öðrum slíkum opinberum embættum, nema að þær séu með höfuðklút til að staðfesta undirgefni sína. Hefur það í stefnunni að mennta ekki börnin sín. Þegar ég ólst upp innan safnaðarins var svo stutt í Harmageddon að það tók því ekki að mennta sig. Það skyldi bíða betri tíma. Fordæmir samkynhneigð. Hvernig getur nokkur maður varið kenningu sem útskúfar einstaklingi af þeirri ástæðu að hann fæðist með aðra kynhneigð en maður sjálfur? Víst hafa samkynhneigðir orðið fyrir aðkasti í aldanna rás, en að hópur fólks á 21. öldinni innræti börnum sínum afdráttarlaust umburðarleysi gagnvart samkynhneigð og samkynhneigðum tekur út yfir allan þjófabálk. Ekki verður framhjá því litið að þegar heilt samfélag tekur sig saman um að leggja fæð á einn einstakling, þegar heill söfnuður fær fyrirmæli frá sínum andlegu leiðtogum um að hunsa einn úr sínum hópi með öllu, virða hann ekki viðlits frekar en að hann hefði aldrei verið til, þá eru slíkar öfgafullar aðgerðir á pari við einelti á hæsta stigi og hrópleg brot á mannréttindalögum. Öllum er ljóst að samkynhneigt fólk fæðist samkynhneigt, rétt eins og örvhentir fæðast örvhentir og rauðhærðir rauðhærðir. Þegar ég fyllti raðir Vottanna voru safnaðarmeðlimir að undanskilinni trúnni í engu frábrugðnir öðrum og geri ég ráð fyrir að svo sé enn. Því er það í raun rannsóknarefni, hvernig fólk með venjulega dómgreind getur haldið því fram og trúað því í hjarta sínu að það fólk sem fæðist samkynhneigt sé forsmáð af almættinu, undanskilið náð guðs og velþóknun. Þarna eiga Vottarnir verk að vinna og Varðturnsfélagið þarf að ná betri tengingu við skaparann. Höfundur ólst upp í Vottunum og yfirgaf söfnuðinn á þrítugsaldri.
Er systir þín skyld þér, fáum við rétt borgað og af hverju megum við ekki vita? Þórður Snær Júlíusson Skoðun
Við kjósum Silju Báru í dag! Agla Elín Davíðsdóttir,Ari Borg Helgason,Hekla Sól Hafsteinsdóttir,Margrét Bo Wan Waage Reynisdóttir,Nína Kristín Gunnarsdóttir,Ragnheiður Dóra H. Jónsdóttir Skoðun
Kolbrún Pálsdóttir – Öflugur leiðtogi fyrir framtíð Háskóla Íslands Kristín Jónsdóttir,Þórdís Jóna Sigurðardóttir Skoðun
Skoðun Forystukrísa Sjálfstæðisflokksins í Hafnarfirði á sér margar kostulegar birtingarmyndir! Árni Rúnar Þorvaldsson skrifar
Skoðun Foreldrar – tæmið öskubakkana og setjið börnin í bílstóla Guðný Helga Herbertsdóttir skrifar
Skoðun Samvinnufélög og brothættar byggðir – leið til sjálfbærrar þróunar Ásdís Helga Bjarnadóttir skrifar
Skoðun Að rjúfa vopnahlé – 300 myrt á svipstundu Salvör Gullbrá Þórarinsdóttir,Yousef Tamimi skrifar
Skoðun Þrjú lykilskref í átt að betri háskóla. Ingibjörg Gunnarsdóttir mun stíga þau Styrmir Hallsson skrifar
Skoðun Hvers vegna skipta raddir ungmenna af erlendum uppruna máli? Guðrún Elsa Tryggvadóttir skrifar
Skoðun Við kjósum Silju Báru í dag! Agla Elín Davíðsdóttir,Ari Borg Helgason,Hekla Sól Hafsteinsdóttir,Margrét Bo Wan Waage Reynisdóttir,Nína Kristín Gunnarsdóttir,Ragnheiður Dóra H. Jónsdóttir skrifar
Skoðun Er systir þín skyld þér, fáum við rétt borgað og af hverju megum við ekki vita? Þórður Snær Júlíusson skrifar
Skoðun Gervigreind í skólastarfi – hvað getum við lært af Eistlandi? Þorsteinn Siglaugsson skrifar
Skoðun Hvað geta ungmenni gert fyrir jörðina? Matthildur Þóra Skúladóttir,Guðmundur Ingi Valgeirsson skrifar
Skoðun Virðisaukaskattur og sveitarfélög – ekki er allt sem sýnist Helgi Már Jósepsson,Tina Paic skrifar
Skoðun Græðgin, vísindin og spilakassarnir Kristján Jónasson,Alma Hafsteinsdóttir,Steinn Guðmundsson,Tryggvi Rúnar Brynjarsson skrifar
Er systir þín skyld þér, fáum við rétt borgað og af hverju megum við ekki vita? Þórður Snær Júlíusson Skoðun
Við kjósum Silju Báru í dag! Agla Elín Davíðsdóttir,Ari Borg Helgason,Hekla Sól Hafsteinsdóttir,Margrét Bo Wan Waage Reynisdóttir,Nína Kristín Gunnarsdóttir,Ragnheiður Dóra H. Jónsdóttir Skoðun
Kolbrún Pálsdóttir – Öflugur leiðtogi fyrir framtíð Háskóla Íslands Kristín Jónsdóttir,Þórdís Jóna Sigurðardóttir Skoðun