Innlent

Verð­laun af­hend full­trúa íranskra kvenna á­samt fleirum

Ellen Geirsdóttir Håkansson skrifar
Hér má sjá fulltrúa íranskra kvenna með verðlaunin.
Hér má sjá fulltrúa íranskra kvenna með verðlaunin. Aðsent/María Kjartansdóttir

Í dag voru hin ýmsu verðlaun veitt til framúrskarandi kvenna í Hörpu á Heimsþingi kvenleiðtoga. Þingið var haldið hér á landi í sjöunda sinn en hundruð kvenleiðtoga komu saman.

Á þinginu eru jafnréttismál í brennidepli og hafa hinir ýmsu leiðtogar tekið til máls. Sem dæmi má nefna Katrínu Jakobsdóttur, forsætisráðherra og Ingibjörgu Sólrúnu Gísladóttur, fyrrverandi utanríkisráðherra ásamt Sima Sami Bahous, aðalframkvæmdastjóra UN Women. Meðal þinggesta var einnig fyrrverandi forseti Íslands, Vigdís Finnbogadóttir.

Ingibjörg Sólrún sagði meðal annars á Heimsþinginu að hún væri ekki bjartsýn hvað varði friðar- og öryggismál heimsins.

Ingibjörg Sólrún Gísladóttir tók til máls.Aðsent/María Kjartansdóttir

„Ég verð að viðurkenna að ég er ekki mjög bjartsýn þegar kemur að friðar- og öryggismálum. Þannig að ég mun ekki flytja mjög jákvæð skilaboð hér um þátttöku kvenna í friðarviðræðum. Aðallega vegna þess að ég tel að aðalhindrunin í vegi friðarviðræðna almennt sé hvað það er lítil eftirspurn eftir þeim,“ sagði Ingibjörg Sólrún.

Hanna Birna Kristjánsdóttir, stjórnarformaður Reykjavik Global Forum sem stendur að miklu leyti að þinginu sagði í samtali við fréttastofu í gær að þingið og vera á Íslandi væri vítamínsprauta fyrir kvenleiðtoga annarra þjóða.

Hópur kvenleiðtoga á þinginu. Á myndinni má meðal annars sjá Vigdísi Finnbogadóttur, Katrínu Jakobsdóttur og Sima Sami Bahous, aðalframkvæmdastjóra UN Women.Aðsent/María Kjartansdóttir

„Power Together“ verðlaunin og brautryðjendaverðlaunin (e. Trail Blazer‘s Award) voru afhend merkum kvenleiðtogum í kvöld við hátíðlega athöfn í Hörpu. Þau síðarnefndu eru afhend kvenleiðtogum sem rutt hafa brautina fyrir konur og komandi kynslóðir þegar kemur að jafnréttismálum. SviatlanaTsikhanouskaya leiðtogi stjórnarandstöðunnar í Hvíta-Rússlandi og forseti Nepal Bidhya Devi Bhandaril hlutu verðlaunin.

Jóhanna Sigurðardóttir, Vigdís Finnbogadóttir og Katrín Jakobsdóttir hafa áður hlotið þessi verðlaun.

„Power Together“ verðlaunin eru veitt einstaklingum og félagasamtökum sem ná fram breytingum með sameiningarkrafti sínum og stuðla að auknu jafnrétti. Verðlaunin hlutu konur í Íran og tók fulltrúi þeirra á móti verðlaununum frá Elizu Reid, forsetafrú. Önnur samtök og einstaklingar sem hlutu þau verðlaun voru Council of Women World Leaders, Aya Chebbi, African Leadership Institute, United Nations Foundation og Nala Feminist Collective.

Hér tekur Aya Chebbi við sínum verðlaunum.Aðsent/María Kjartansdóttir

Hér að ofan má sjá myndir frá þinginu og verðlaunaafhendingum kvöldsins. 

Jafnréttismál Reykjavík Heimsþing kvenleiðtoga Íran Mótmælaalda í Íran

Tengdar fréttir

Rússar hafa lagt skóla- og heilbrigðiskerfi Úkraínu í rúst

Viðhorf almennings í helstu iðnríkjum heims til kvenleiðtoga hefur versnað ef eitthvað er á undanförnum árum, að sögn ráðgjafa þings kvenleiðtoga í Reykjavík. Þingkona frá Úkraínu segir Rússa hafa sprengt hundruð skóla og heilbrigðisstofnana í loft upp.

Ingibjörg Sólrún svartsýn í öryggis- og friðarmálum

Ingibjörg Sólrún Gísladóttir fyrrverandi utanríkisráðherra segist ekki bjartsýn í friðar- og öryggismálum heimsins. Erfitt sé fyrir konur að koma að samningaborðinu þar sem í raun væri ekkert samningaborð til staðar. Forsætisráðherra segir mikilvægt að jafnréttismál hafi verið flutt til forsætisráðuneytisins.

Mikilvægt að efla samskiptanet kvenna í leiðtogastörfum

Sima Sami Bahous aðalframkvæmdastjóri UN Women og Katrín Jakobsdóttir forsætisráðherra segja mikilvægt að tengja saman konur í leiðtogastöðum til að efla og hvetja allar konur til að bjóða sig fram til leiðtogastarfa.

Mest lesið


Fleiri fréttir

Sjá meira


×

Mest lesið