Síðasti deildarleikur ÍBV var á móti Val fyrsta laugardaginn í desembermánuði og tapaðist hann með fimm mörkum, 33-38.
Síðan eru liðnir 74 dagar en Eyjamann ættu að vera búnir að spila þrjá leiki á nýju ári.
Leikjum þeirra á móti Herði, ÍR og Selfoss var hins vegar öllum frestað. Leikurinn á móti Selfossi, sem átti að fara fram um helgina en fer fram í kvöld, en það á enn eftir að finna tímasetningu fyrir hina frestuðu leikina.
Eyjamenn fögnuðu síðast sigri í Olís deildinni í leik á móti KA 27. nóvember eða fyrir 80 dögum síðan.
Fjölmargir leikir fóru fram eftir leik ÍBV 3. desember og fram að HM-frí og svo hafa auðvitað farið fram þrjár umferðir eftir að deildin fór aftur af stað.
Nú er svo komið að það hafa verið skoruð 1.301 mark í Olís deild karla síðan Eyjamaður skaut síðast á markið.
Dagur Arnarsson skoraði síðasta mark Eyjamanna í deildinni fyrir tveimur mánuðum og tólf dögum.
Öll liðin hafa spilað að minnsta kosti þrjá leiki á þessum tíma en Gróttumenn hafa spilað fimm deildarleiki síðan ÍBV spilaði síðast og Haukar, KA, Stjarnan, Afturelding, Fram, FH og Valur hafa öll spilað fjóra leiki.
- Mörk liðanna í Olís-deild karla síðan að ÍBV spilaði síðast:
- 142 mörk - Valur
- 141 - Grótta
- 133 - Haukar
- 130 - FH
- 125 - KA
- 119 - Afturelding
- 119 - Stjarnan
- 117 - Fram
- 98 - Hörður
- 95 - Selfoss
- 82 - ÍR
- 0 - ÍBV
- -
- Bið félaga á milli leikja vegna HM og hátíða:
- 74 dagar - ÍBV
- 63 dagar - Hörður
- 62 dagar - ÍR
- 59 dagar - Afturelding
- 58 dagar - Fram
- 57 dagar - Haukar
- 57 dagar - Selfoss
- 56 dagar - KA
- 55 dagar - Stjarnan
- 53 dagar - Valur
- 53 dagar - FH
- 50 dagar - Grótta