Galin stjórnsýsla Magnús Guðmundsson, Benedikta Svavarsdóttir og Sigfinnur Mikaelsson skrifa 6. mars 2023 09:30 Þá er óbreytt strandsvæðaskipulag runnið í gegn hjá Sigurði Inga innviðaráðherra. Það er búið að eyða mikilli vinnu og stórum upphæðum í það. Seyðisfjörður var settur í burðarþolsmat á röngum forsendum skv. svörtu skýrslu Ríkisendurskoðunar, af þáverandi sjávarútvegsráðherra Sigurði Inga Jóhannessyni. Skipulagið er nánast eins og lagt var upp með fyrir fjórum árum. Sjókvíaeldið stjórnaði bæði upphafi og enda. Var ekki bara best að ákveða þetta strax? Skipulagið brýtur á innviðum bæði á Vest- og Austfjörðum. Við ætlum fara yfir brotin í Seyðisfirði. Seyðisfjörður er eini fjörður landsins með fjarskiptastreng til Evrópu. Farice-1 strengurinn er ríkiseign, sem á að njóta fyllsta öryggis skv. öryggisstefnu landsins. Strandsvæðaskipulagið, sem innviðaráðherra var að samþykkja, tryggir ekki öryggi hans því það brýtur fjarskiptalög. VÁ vonar að Áslaug Arna Sigurbjörnsdóttir háskóla-, iðnaðar- og nýsköpunarráðherra, sem fer með fjarskiptalög taki betur á málunum og fullverji strengi landsins, og að þjóðaröryggi verði betur tryggt en nú er lýst í skýrslu Katrínar Jakobsdóttur forsætisráðherra. Það á alla vega ekki að ógna fjarskiptastrengjum af mannavöldum eins og strandsvæðaskipulagið gerir. Sigurður Ingi: Nýsamþykkt strandsvæðaskipulag brýtur fjarskiptalög á mikilvægum innviðum. Seyðisfjörður er önnur af farþega-millilandagáttum landsins, og eina höfnin með reglubundnar áætlunarsiglingar bíla- og farþegaferju milli Íslands og Evrópu til tæpra 50 ára. Auk þess fer mikill út- og innflutningur um höfnina. Seyðisfjörður er fjórða stærsta skemmtiferðaskipahöfn landsins. Seyðisfjarðarhöfn er grunnnetshöfn, sem nýtur siglingaverndar. Siglingaleiðin um ytri höfnina verður þrengd úr hófi fram, ef farið er að óskum Fiskeldis Austurlands um sjókvíaeldi. Ef þetta er gert er lítið gagn í uppbyggingu góðrar hafnar með tveim bílaferjulægjum og aðstöðu fyrir stór skemmtiferðaskip, sem unnið er við að landtengja. Höfnin skapar miklar tekjur ekki bara fyrir Múlaþing heldur landið allt. Í frétt Innviðaráðuneytisins segir: ” rétt er að taka fram að vinna við áhættumat siglinga stendur enn yfir á tilteknum svæðum,“ segir Sigurður Ingi Jóhannsson, innviðaráðherra. Sigurður Ingi: Það á að hafa siglingaöryggi á hreinu áður en strandsvæðaskipulag er samþykkt. Að mati Landhelgisgæslunnar er rík ástæða til að stækka öryggissvæði siglingaleiða fjórfalt, úr 50 m í a.m.k. 200 m, til þess að gefa sjófarendum nauðsynlegan viðbragðstíma, t.d. til stefnubreytingar eða til að koma út akkeri. Landhelgisgæslan hvetur því svæðisráð og Skipulagsstofnun til þess að leggja heildstætt mat á siglingasvæði í strandsvæðaskipulagi svæðisins, ekki aðeins út frá mestu umferð skipa eins og hún er í dag, heldur út frá almannaöryggi og hvernig það verður best tryggt. Samgöngustofa og Vegagerðin komu með síðbúnar athugasemdir við skipulagið vegna vita og siglingaleiða. Athugasemdir þessara stofnana voru ekki virtar. Menn geta barið sér á brjóst og talað um samráð við fjölda aðila, en fara svo ekkert eftir því þegar á reynir. Í þessu strandsvæðaskipulagi er fjöldamörgum spurningum ósvarað. Miðað við þrönga siglingaleið og aðra fyrirliggjandi innviði og stærð og legu Seyðisfjarðar getur enginn sérfræðingur ráðlagt innviðaráðherra að sjákvíaeldi komist fyrir í Seyðisfirði. Sigurður Ingi: Það á að hlusta á athugasemdir sjálfstæðra ríkisstofnana. Í minnisblaði frá Veðurstofu, sem gert var fyrir Fiskeldi Austfjarða og er í fullu gildi, kemur fram að kvíastæði í Selstaðavík er á C hættusvæði ofanflóða. Við þurfum ekki hamfarir í slysasleppingum af mannavöldum. Sigurður Ingi: Það á að taka mark á þessu. Strandsvæðaskipulagið þurrkar út grænt svæði í Skálanesbót fyrir sjókvíaeldi. Þar er uppeldissvæði æðarfugls og fiska, fræðasetrið í Skálanesi með átta manns í vinnu og Austdalur, sem er á náttúruminjaskrá og nýtur hverfisverndar. Sjókvíaeldið var valið á grundvelli þess að rangt burðarþolsmat lá fyrir í Seyðisfirði og áform um sjókvíaeldi langt komin í leyfisveitingaferli. Þetta strandsvæðaskipulag stenst enga skoðun. Þarna viðurkennir svæðisráð það sem við höfum haldið fram. Skipulagið er eingöngu unnið fyrir sjókvíaeldi og Sigurður Ingi samþykkir það á þeim forsendum. Sigurður Ingi: Það á að taka tillit til fleiri hagsmuna en sjókvíaeldis. Sigurður Ingi er ráðherra sveitarstjórnarmála. Sameining sveitarfélaga á að vera af hinu góða. Það kann ekki góðri lukku að stýra ef einum af fjórum er ýtt út í horn með alla sína uppbyggingu til hagsbóta fyrir aðra í hópnum. Sigurður Ingi: Það á að virða íbúalýðræði og taka mark á þeim 75% íbúa Seyðisfjarðar, sem eru andvígir sjókvíaeldi í Seyðisfirði. Siðfræðingur talaði um svörtu skýrslu Ríkisendurskoðanda um sjókvíaeldi, sem skýrslu á borð við hrunskýrsluna. Guð blessi Ísland. Í skýrslunni segir á bls. 11: “Verðmætum í formi eldissvæða og lífmassa hefur verið úthlutað til lengri tíma án endurgjalds og dæmi eru um að uppbygging sjókvíaeldis skarist á við aðra mikilvæga nýtingu strandsvæða, svo sem siglingaleiðir, helgunarsvæði fjarskipta- og raforkustrengja og við hvíta ljósgeira siglingavita.” Þarna er ansi fast skotið á skipulagsvinnuna, sem setti innviði landsins til hliðar fyrir sjókvíaeldi. Sigurður Ingi bætti um betur og horfði fram hjá öllum þeim rökum og staðreyndum sem kom í veg fyrir sjókvíaeldi í Seyðisfirði. Spillingin lekur af þessu hálfunna skipulagi. Gamalt máltæki, sem á vel við hér, segir: „Leiðin til helvítis er vörðuð fögrum fyrirheitum“. Þegar Danir unnu sitt strandsvæðaskipulag var öll áhersla á að vernda nærumhverfi og strendur. Ísland leggur sínar strendur undir sjókvíaeldi, sem fer beint í sölu í norsku kauphöllinni. Til hamingju Ísland með algerlega galna stjórnsýslu. Við kveðjum með tilvitnun í Magnús Þór Sigmundsson og Fjallabræður. Kæra Freyja míná ég skilið að eiga þig aðeftir að hafa þérafneitað? Ég seldi þigfiskinn í sjónum og fjöreggin míngrundirnar, fjöllin og vötnin þínfyrir hvað? Gulllin mín – fyrir hvað?Já, ég skammast mín Höfundar eru félagar í Félagi um verndun fjarðar. Viltu birta grein á Vísi? Sendu okkur póst. Senda grein Sjávarútvegur Stjórnsýsla Mest lesið Heilbrigðisstarfsfólk eru ekki skotmörk Elísabet Herdísar Brynjarsdóttir,Hildur Harðardóttir,Tryggvi Egilsson,Sunna Snædal,Yousef Tamimi,Örvar Gunnarsson Skoðun Íslenskumælandi hjúkrunarfræðingar Guðbjörg Pálsdóttir Skoðun Verið er að umbreyta borginni en hvað viljum við? Helgi Áss Grétarsson Skoðun Í lífshættu eftir ofbeldi Jokka G Birnudóttir Skoðun Gróður, einmanaleiki og samfélagsleg samheldni Auður Kjartansdóttir Skoðun Ljúkum því sem hafið er - ný bálstofa í Gufunesi Ingvar Stefánsson Skoðun Hvers vegna skiptir máli hvernig talað er um velferð dýra? Hallgerður Ljósynja Hauksdóttir Skoðun Opið bréf til stjórnmálafólks um málefni Palestínu og Ísraels Hjálmtýr Heiðdal Skoðun Leiðrétting veiðigjalda og varðstaðan um sérhagsmuni Árni Rúnar Þorvaldsson Skoðun Kann Jón Steindór ekki að reikna? Hjörtur J. Guðmundsson Skoðun Skoðun Skoðun Íslenskumælandi hjúkrunarfræðingar Guðbjörg Pálsdóttir skrifar Skoðun Heilbrigðisstarfsfólk eru ekki skotmörk Elísabet Herdísar Brynjarsdóttir,Hildur Harðardóttir,Tryggvi Egilsson,Sunna Snædal,Yousef Tamimi,Örvar Gunnarsson skrifar Skoðun Leiðrétting veiðigjalda og varðstaðan um sérhagsmuni Árni Rúnar Þorvaldsson skrifar Skoðun Þjóðminjasafn án fornleifafræðinga Snædís Sunna Thorlacius,Ingibjörg Áskelsdóttir skrifar Skoðun Opið bréf til stjórnmálafólks um málefni Palestínu og Ísraels Hjálmtýr Heiðdal skrifar Skoðun Í lífshættu eftir ofbeldi Jokka G Birnudóttir skrifar Skoðun Verið er að umbreyta borginni en hvað viljum við? Helgi Áss Grétarsson skrifar Skoðun Hvers vegna skiptir máli hvernig talað er um velferð dýra? Hallgerður Ljósynja Hauksdóttir skrifar Skoðun Gróður, einmanaleiki og samfélagsleg samheldni Auður Kjartansdóttir skrifar Skoðun Ljúkum því sem hafið er - ný bálstofa í Gufunesi Ingvar Stefánsson skrifar Skoðun Raddir fanga Helgi Gunnlaugsson skrifar Skoðun Kann Jón Steindór ekki að reikna? Hjörtur J. Guðmundsson skrifar Skoðun Lífið sem var – á Gaza Israa Saed,Katrín Harðardóttir skrifar Skoðun Vöxtur inn á við og blönduð borgarbyggð er málið Ásdís Hlökk Theodórsdóttir skrifar Skoðun Tilskipanafyllerí Trumps Gunnar Hólmsteinn Ársælsson skrifar Skoðun Öfgar á Íslandi Ágúst Ólafur Ágústsson skrifar Skoðun Borg þarf breidd, land þarf lausnir Ásta Björg Björgvinsdóttir skrifar Skoðun Framtíð safna í síbreytilegum samfélögum Dagrún Ósk Jónsdóttir skrifar Skoðun Rjúfum þögnina og tölum um dauðann Ingrid Kuhlman skrifar Skoðun Virðisaukaskattur í ferðaþjónustu: Skattfríðindi eða röng túlkun? Eðli virðisaukaskatts, alþjóðlegt samhengi og hlutverk ferðaþjónustunnar sem gjaldeyrisskapandi útflutningsgreinar Þórir Garðarsson skrifar Skoðun Fátækt á Íslandi: Áskoranir, viðkvæmir hópar og leiðir til úrbóta Friðþjófur Helgi Karlsson skrifar Skoðun Verndum vörumerki í tónlist Eiríkur Sigurðsson skrifar Skoðun Hann valdi sér nafnið Leó Bjarni Karlsson skrifar Skoðun Misskilin sjálfsmynd Finnur Thorlacius Eiríksson skrifar Skoðun Hvenær er nóg nóg? Ása Berglind Hjálmarsdóttir skrifar Skoðun Byggðalína eða Borgarlína Guðmundur Haukur Jakobsson skrifar Skoðun Úlfar sem forðast sól! Jóna Guðbjörg Árnadóttir skrifar Skoðun Aldrei aftur Halla Hrund Logadóttir skrifar Skoðun Tala ekki um lokamarkmiðið Hjörtur J. Guðmundsson skrifar Skoðun Hver á auðlindir Íslands? – Kallar á nýja og skýra löggjöf Einar G. Harðarson skrifar Sjá meira
Þá er óbreytt strandsvæðaskipulag runnið í gegn hjá Sigurði Inga innviðaráðherra. Það er búið að eyða mikilli vinnu og stórum upphæðum í það. Seyðisfjörður var settur í burðarþolsmat á röngum forsendum skv. svörtu skýrslu Ríkisendurskoðunar, af þáverandi sjávarútvegsráðherra Sigurði Inga Jóhannessyni. Skipulagið er nánast eins og lagt var upp með fyrir fjórum árum. Sjókvíaeldið stjórnaði bæði upphafi og enda. Var ekki bara best að ákveða þetta strax? Skipulagið brýtur á innviðum bæði á Vest- og Austfjörðum. Við ætlum fara yfir brotin í Seyðisfirði. Seyðisfjörður er eini fjörður landsins með fjarskiptastreng til Evrópu. Farice-1 strengurinn er ríkiseign, sem á að njóta fyllsta öryggis skv. öryggisstefnu landsins. Strandsvæðaskipulagið, sem innviðaráðherra var að samþykkja, tryggir ekki öryggi hans því það brýtur fjarskiptalög. VÁ vonar að Áslaug Arna Sigurbjörnsdóttir háskóla-, iðnaðar- og nýsköpunarráðherra, sem fer með fjarskiptalög taki betur á málunum og fullverji strengi landsins, og að þjóðaröryggi verði betur tryggt en nú er lýst í skýrslu Katrínar Jakobsdóttur forsætisráðherra. Það á alla vega ekki að ógna fjarskiptastrengjum af mannavöldum eins og strandsvæðaskipulagið gerir. Sigurður Ingi: Nýsamþykkt strandsvæðaskipulag brýtur fjarskiptalög á mikilvægum innviðum. Seyðisfjörður er önnur af farþega-millilandagáttum landsins, og eina höfnin með reglubundnar áætlunarsiglingar bíla- og farþegaferju milli Íslands og Evrópu til tæpra 50 ára. Auk þess fer mikill út- og innflutningur um höfnina. Seyðisfjörður er fjórða stærsta skemmtiferðaskipahöfn landsins. Seyðisfjarðarhöfn er grunnnetshöfn, sem nýtur siglingaverndar. Siglingaleiðin um ytri höfnina verður þrengd úr hófi fram, ef farið er að óskum Fiskeldis Austurlands um sjókvíaeldi. Ef þetta er gert er lítið gagn í uppbyggingu góðrar hafnar með tveim bílaferjulægjum og aðstöðu fyrir stór skemmtiferðaskip, sem unnið er við að landtengja. Höfnin skapar miklar tekjur ekki bara fyrir Múlaþing heldur landið allt. Í frétt Innviðaráðuneytisins segir: ” rétt er að taka fram að vinna við áhættumat siglinga stendur enn yfir á tilteknum svæðum,“ segir Sigurður Ingi Jóhannsson, innviðaráðherra. Sigurður Ingi: Það á að hafa siglingaöryggi á hreinu áður en strandsvæðaskipulag er samþykkt. Að mati Landhelgisgæslunnar er rík ástæða til að stækka öryggissvæði siglingaleiða fjórfalt, úr 50 m í a.m.k. 200 m, til þess að gefa sjófarendum nauðsynlegan viðbragðstíma, t.d. til stefnubreytingar eða til að koma út akkeri. Landhelgisgæslan hvetur því svæðisráð og Skipulagsstofnun til þess að leggja heildstætt mat á siglingasvæði í strandsvæðaskipulagi svæðisins, ekki aðeins út frá mestu umferð skipa eins og hún er í dag, heldur út frá almannaöryggi og hvernig það verður best tryggt. Samgöngustofa og Vegagerðin komu með síðbúnar athugasemdir við skipulagið vegna vita og siglingaleiða. Athugasemdir þessara stofnana voru ekki virtar. Menn geta barið sér á brjóst og talað um samráð við fjölda aðila, en fara svo ekkert eftir því þegar á reynir. Í þessu strandsvæðaskipulagi er fjöldamörgum spurningum ósvarað. Miðað við þrönga siglingaleið og aðra fyrirliggjandi innviði og stærð og legu Seyðisfjarðar getur enginn sérfræðingur ráðlagt innviðaráðherra að sjákvíaeldi komist fyrir í Seyðisfirði. Sigurður Ingi: Það á að hlusta á athugasemdir sjálfstæðra ríkisstofnana. Í minnisblaði frá Veðurstofu, sem gert var fyrir Fiskeldi Austfjarða og er í fullu gildi, kemur fram að kvíastæði í Selstaðavík er á C hættusvæði ofanflóða. Við þurfum ekki hamfarir í slysasleppingum af mannavöldum. Sigurður Ingi: Það á að taka mark á þessu. Strandsvæðaskipulagið þurrkar út grænt svæði í Skálanesbót fyrir sjókvíaeldi. Þar er uppeldissvæði æðarfugls og fiska, fræðasetrið í Skálanesi með átta manns í vinnu og Austdalur, sem er á náttúruminjaskrá og nýtur hverfisverndar. Sjókvíaeldið var valið á grundvelli þess að rangt burðarþolsmat lá fyrir í Seyðisfirði og áform um sjókvíaeldi langt komin í leyfisveitingaferli. Þetta strandsvæðaskipulag stenst enga skoðun. Þarna viðurkennir svæðisráð það sem við höfum haldið fram. Skipulagið er eingöngu unnið fyrir sjókvíaeldi og Sigurður Ingi samþykkir það á þeim forsendum. Sigurður Ingi: Það á að taka tillit til fleiri hagsmuna en sjókvíaeldis. Sigurður Ingi er ráðherra sveitarstjórnarmála. Sameining sveitarfélaga á að vera af hinu góða. Það kann ekki góðri lukku að stýra ef einum af fjórum er ýtt út í horn með alla sína uppbyggingu til hagsbóta fyrir aðra í hópnum. Sigurður Ingi: Það á að virða íbúalýðræði og taka mark á þeim 75% íbúa Seyðisfjarðar, sem eru andvígir sjókvíaeldi í Seyðisfirði. Siðfræðingur talaði um svörtu skýrslu Ríkisendurskoðanda um sjókvíaeldi, sem skýrslu á borð við hrunskýrsluna. Guð blessi Ísland. Í skýrslunni segir á bls. 11: “Verðmætum í formi eldissvæða og lífmassa hefur verið úthlutað til lengri tíma án endurgjalds og dæmi eru um að uppbygging sjókvíaeldis skarist á við aðra mikilvæga nýtingu strandsvæða, svo sem siglingaleiðir, helgunarsvæði fjarskipta- og raforkustrengja og við hvíta ljósgeira siglingavita.” Þarna er ansi fast skotið á skipulagsvinnuna, sem setti innviði landsins til hliðar fyrir sjókvíaeldi. Sigurður Ingi bætti um betur og horfði fram hjá öllum þeim rökum og staðreyndum sem kom í veg fyrir sjókvíaeldi í Seyðisfirði. Spillingin lekur af þessu hálfunna skipulagi. Gamalt máltæki, sem á vel við hér, segir: „Leiðin til helvítis er vörðuð fögrum fyrirheitum“. Þegar Danir unnu sitt strandsvæðaskipulag var öll áhersla á að vernda nærumhverfi og strendur. Ísland leggur sínar strendur undir sjókvíaeldi, sem fer beint í sölu í norsku kauphöllinni. Til hamingju Ísland með algerlega galna stjórnsýslu. Við kveðjum með tilvitnun í Magnús Þór Sigmundsson og Fjallabræður. Kæra Freyja míná ég skilið að eiga þig aðeftir að hafa þérafneitað? Ég seldi þigfiskinn í sjónum og fjöreggin míngrundirnar, fjöllin og vötnin þínfyrir hvað? Gulllin mín – fyrir hvað?Já, ég skammast mín Höfundar eru félagar í Félagi um verndun fjarðar.
Heilbrigðisstarfsfólk eru ekki skotmörk Elísabet Herdísar Brynjarsdóttir,Hildur Harðardóttir,Tryggvi Egilsson,Sunna Snædal,Yousef Tamimi,Örvar Gunnarsson Skoðun
Skoðun Heilbrigðisstarfsfólk eru ekki skotmörk Elísabet Herdísar Brynjarsdóttir,Hildur Harðardóttir,Tryggvi Egilsson,Sunna Snædal,Yousef Tamimi,Örvar Gunnarsson skrifar
Skoðun Hvers vegna skiptir máli hvernig talað er um velferð dýra? Hallgerður Ljósynja Hauksdóttir skrifar
Skoðun Virðisaukaskattur í ferðaþjónustu: Skattfríðindi eða röng túlkun? Eðli virðisaukaskatts, alþjóðlegt samhengi og hlutverk ferðaþjónustunnar sem gjaldeyrisskapandi útflutningsgreinar Þórir Garðarsson skrifar
Skoðun Fátækt á Íslandi: Áskoranir, viðkvæmir hópar og leiðir til úrbóta Friðþjófur Helgi Karlsson skrifar
Heilbrigðisstarfsfólk eru ekki skotmörk Elísabet Herdísar Brynjarsdóttir,Hildur Harðardóttir,Tryggvi Egilsson,Sunna Snædal,Yousef Tamimi,Örvar Gunnarsson Skoðun