Íslensk söngkona kynnir Svía fyrir hjónabandssælu Auður Ösp Guðmundsdóttir skrifar 11. mars 2023 09:01 Helga segir íslenska bakkelsið hafa einstaklega vel í kramið hjá Svíunum, sem vanir eru sænsku bakkelsi eins og kladdkökum, kanilsnúðum og þess háttar. Helga María Ragnarsdóttir opnaði á dögunum kaffihús í bænum Piteå í norðurhluta Svíþjóð þar sem hún býður heimamönnum meðal annars upp á íslenskar kræsingar. Viðbrögðin hafa verið vonum framar. Helga hefur verið búsett ytra síðan árið 2017. „Ég var að læra jazzsöng í tónlistarháskólanum hérna og starfa núna sem söngkona hér í Norður Svíþjóð. En ég rek líka bloggið Veganistur heima á Íslandi með Júlíu systur minni og opnaði árið 2021 blogg sem heitir www.vegoskafferiet.se sem hefur stækkað mikið. Í gegnum það hef ég fengið spennandi tækifæri.“ Nýjasta tækifærið er fyrrnefnt kaffihús en um er að ræða nokkurs konar „pop up“ stað. Processed with VSCO with c4 presetAðsend „Það heitir Kondis Kajman og er á laugardögum, á stað sem annars er vegan veitingastaður, tónleikastaður og já staður fyrir allskonar hluti tengda listum. En þeir hafa aldrei boðið uppá bakkelsi heldur eru með hamborgara og súpur í hádeginu á virkum dögum. Þeir eru með ýmsa viðburði þarna, til dæmis er karíókíkvöld suma föstudaga, jazz jamsession og fleira. Svo okkur fannst skemmtilegt að setja upp kaffihús á laugardögum,“ segir Helga. „Núna er ég þarna á laugardögum og við önnur tilefni þegar ég ákveð og sel kökur og annað bakkelsi. Ég hef þá bakað mest íslenskar kökur því það er það sem ég elska mest. Kökur eins og sjónvarpsköku, hjónabandssælu, möndluköku og fleira. Ekki vissir með ostaslaufurnar Helga segir íslenska bakkelsið hafa einstaklega vel í kramið hjá Svíunum, sem vanir eru sænsku bakkelsi eins og kladdkökum, kanilsnúðum og þess háttar. Sjónvarpskakan hefur fengið góðar viðtökur. Aðsend „Þau elska hana, það er bara verst að það er ekki til rabbabarasulta hérna úti og ég hef ekki gert hana sjálf. Ég verð að gera það við tækifæri svo ég geti haft hana ekta!“ Hún segist þýða íslensku nöfnin beint yfir á sænsku og við það hafi vaknað margar spurningar. „Til dæmis af hverju sjónvarpskaka heitir sjónvarpskaka og svoleiðis. Systir mín rekur vegan kaffihús í Reykjavík sem heitir Plantan og þar gera þau ostasnúða sem eru eins og ostaslaufur og ég hef verið að baka það hérna. Það er kannski það sem Svíarnir hafa verið mest hræddir að smakka því ostaslaufur eru ekki til hérna. Þau halda fyrst að ég hafi gert sætt kanilsnúðadeig með osti þangað til ég útskýrir fyrir þeim hvað þetta er. Þeir sem hafa þorað að smakka hafa komið á hverjum laugardegi síðan og keypt ostasnúð því þeir eru svo góðir.“ Helga segir undirtektirnar hafa komið sér skemmtilega á óvart. „Einmitt vegna þess að fólk heldur svolítið í sína vana. En strax fyrsta laugardaginn kom fullt af fólki og sjónvarpskakan er strax orðin svo vinsæl að ég er byrjuð að baka hana fyrir aðra staði sem vilja bjóða upp á. Ég hef líka fengið mikið af skilaboðum frá fyrirtækjum sem vilja að ég baki fyrir allskonar viðburði. En svo hef ég bakað við fleiri tilefni og mun halda því áfram. Þeir voru til dæmis með „ástarviku“ í kringum valentínusardaginn þar sem það voru hádegistónleikar alla dagana og þá var ég bæði þar og söng og bakaði „ástarcupcakes,“ segir hún og bætir við að Svíar séu sérstaklega hrifnir af allskyns þemadögum og haldi til að mynda upp á, kanelsnúðadaginn, pönnukökudaginn, vöffludaginn og svo mætti lengi telja. Erfitt að gera upp á milli Ljóst er að Helga er með mörg járn og eldinum og hún kveðst óhrædd við að elta drauma sína. „Ég hef lifað svolítið tvöföldu lífi síðan ég flutti hingað. Heima á Íslandi er ég Helga sem rek Veganistur og í hvert sinn sem ég kem heim hef ég verið að vinna með Júlíu í því, en svo hérna úti hef ég verið Helga sem er jazzsöngkona. En er núna farin að vinna við bloggið og matinn líka hérna úti. Ég veit ekki hvað ég myndi kalla aðalstarfið mitt. Ég get eiginlega ekki gert upp á milli, tekjurnar mínar koma mest frá blogginu og vinnunni tengda því, en ég sinni báðu jafn mikið. Ég er gríðarlega þakklát að geta unnið við það sem ég elska.“ Svíþjóð Íslendingar erlendis Vegan Mest lesið Leysir frá brandaraskjóðunni Lífið Er paprikan mín kvenkyns? Lífið Íslenskir dansarar sópa til sín verðlaunum á heimsmeistaramóti Lífið „Þetta er enginn helvítis félagskvíði, það bara þolir mig enginn“ Áskorun Dvaldi í tjaldi á hringtorgi þar til lögreglan kom Lífið Akureyringar komast loksins á Prikið Lífið Aukin lofthæð, Versace flísar, pottur og pool herbergi Lífið Vann til margra verðlauna fyrir stól sem slær í gegn Tíska og hönnun Lesbíska dragdrottningin sem er að sigra tónlistarheiminn Tónlist Stjörnulífið: „Þegar dagdrykkja fer úr böndunum“ Lífið Fleiri fréttir Leysir frá brandaraskjóðunni Er paprikan mín kvenkyns? Íslenskir dansarar sópa til sín verðlaunum á heimsmeistaramóti Aukin lofthæð, Versace flísar, pottur og pool herbergi Dvaldi í tjaldi á hringtorgi þar til lögreglan kom Akureyringar komast loksins á Prikið Myndaveisla: Metfjöldi á opnunarhelgi Hjarta Hafnarfjarðar Starfsfólkið í fyrsta sæti og börnin í öðru Stúlkur úr Listdansskóla Íslands hrepptu heimsmeistaratitil Tinna Brá og Ari Eldjárn færðu fertugsafmælið út á sjó Arnhildur tilnefnd til verðlauna Cara í kossaflensi á Glastonbury Stjörnulífið: „Þegar dagdrykkja fer úr böndunum“ Ellu Fitzgerald verðlaun til Laufeyjar Egill og Íris eignuðust stelpu Næturfærslur á Facebook heyra sögunni til Freyja snýr sér að þáttastjórnun Garðar Gunnlaugs að verða afi Andrés og Margrét gengin í það heilaga Bankaforstjóri selur glæsihýsi í Laugardalnum Myndaveisla: Suðræn stemning í afmælisveislu Tres Locos Allt í keng: Varð brátt í brók í vorveiðinni Keypti lóð Gylfa og Alexöndru á 225 milljónir Nostalgía og glænýr sumarsmellur Spænsk sumarveisla að hætti Maríu Gomez Sumarglaðningur Vigdísar og Ara Freys sparkaði sér í heiminn Dóttir Alfreðs og Fríðu komin með nafn Einstakt hönnunarhús í Hlíðunum með gufu, heitum potti og útisturtu Auðveldara að vera aðeins væmnari saman Ætla að fylla Borgarnes með mörgþúsund manns Sjá meira
Helga hefur verið búsett ytra síðan árið 2017. „Ég var að læra jazzsöng í tónlistarháskólanum hérna og starfa núna sem söngkona hér í Norður Svíþjóð. En ég rek líka bloggið Veganistur heima á Íslandi með Júlíu systur minni og opnaði árið 2021 blogg sem heitir www.vegoskafferiet.se sem hefur stækkað mikið. Í gegnum það hef ég fengið spennandi tækifæri.“ Nýjasta tækifærið er fyrrnefnt kaffihús en um er að ræða nokkurs konar „pop up“ stað. Processed with VSCO with c4 presetAðsend „Það heitir Kondis Kajman og er á laugardögum, á stað sem annars er vegan veitingastaður, tónleikastaður og já staður fyrir allskonar hluti tengda listum. En þeir hafa aldrei boðið uppá bakkelsi heldur eru með hamborgara og súpur í hádeginu á virkum dögum. Þeir eru með ýmsa viðburði þarna, til dæmis er karíókíkvöld suma föstudaga, jazz jamsession og fleira. Svo okkur fannst skemmtilegt að setja upp kaffihús á laugardögum,“ segir Helga. „Núna er ég þarna á laugardögum og við önnur tilefni þegar ég ákveð og sel kökur og annað bakkelsi. Ég hef þá bakað mest íslenskar kökur því það er það sem ég elska mest. Kökur eins og sjónvarpsköku, hjónabandssælu, möndluköku og fleira. Ekki vissir með ostaslaufurnar Helga segir íslenska bakkelsið hafa einstaklega vel í kramið hjá Svíunum, sem vanir eru sænsku bakkelsi eins og kladdkökum, kanilsnúðum og þess háttar. Sjónvarpskakan hefur fengið góðar viðtökur. Aðsend „Þau elska hana, það er bara verst að það er ekki til rabbabarasulta hérna úti og ég hef ekki gert hana sjálf. Ég verð að gera það við tækifæri svo ég geti haft hana ekta!“ Hún segist þýða íslensku nöfnin beint yfir á sænsku og við það hafi vaknað margar spurningar. „Til dæmis af hverju sjónvarpskaka heitir sjónvarpskaka og svoleiðis. Systir mín rekur vegan kaffihús í Reykjavík sem heitir Plantan og þar gera þau ostasnúða sem eru eins og ostaslaufur og ég hef verið að baka það hérna. Það er kannski það sem Svíarnir hafa verið mest hræddir að smakka því ostaslaufur eru ekki til hérna. Þau halda fyrst að ég hafi gert sætt kanilsnúðadeig með osti þangað til ég útskýrir fyrir þeim hvað þetta er. Þeir sem hafa þorað að smakka hafa komið á hverjum laugardegi síðan og keypt ostasnúð því þeir eru svo góðir.“ Helga segir undirtektirnar hafa komið sér skemmtilega á óvart. „Einmitt vegna þess að fólk heldur svolítið í sína vana. En strax fyrsta laugardaginn kom fullt af fólki og sjónvarpskakan er strax orðin svo vinsæl að ég er byrjuð að baka hana fyrir aðra staði sem vilja bjóða upp á. Ég hef líka fengið mikið af skilaboðum frá fyrirtækjum sem vilja að ég baki fyrir allskonar viðburði. En svo hef ég bakað við fleiri tilefni og mun halda því áfram. Þeir voru til dæmis með „ástarviku“ í kringum valentínusardaginn þar sem það voru hádegistónleikar alla dagana og þá var ég bæði þar og söng og bakaði „ástarcupcakes,“ segir hún og bætir við að Svíar séu sérstaklega hrifnir af allskyns þemadögum og haldi til að mynda upp á, kanelsnúðadaginn, pönnukökudaginn, vöffludaginn og svo mætti lengi telja. Erfitt að gera upp á milli Ljóst er að Helga er með mörg járn og eldinum og hún kveðst óhrædd við að elta drauma sína. „Ég hef lifað svolítið tvöföldu lífi síðan ég flutti hingað. Heima á Íslandi er ég Helga sem rek Veganistur og í hvert sinn sem ég kem heim hef ég verið að vinna með Júlíu í því, en svo hérna úti hef ég verið Helga sem er jazzsöngkona. En er núna farin að vinna við bloggið og matinn líka hérna úti. Ég veit ekki hvað ég myndi kalla aðalstarfið mitt. Ég get eiginlega ekki gert upp á milli, tekjurnar mínar koma mest frá blogginu og vinnunni tengda því, en ég sinni báðu jafn mikið. Ég er gríðarlega þakklát að geta unnið við það sem ég elska.“
Svíþjóð Íslendingar erlendis Vegan Mest lesið Leysir frá brandaraskjóðunni Lífið Er paprikan mín kvenkyns? Lífið Íslenskir dansarar sópa til sín verðlaunum á heimsmeistaramóti Lífið „Þetta er enginn helvítis félagskvíði, það bara þolir mig enginn“ Áskorun Dvaldi í tjaldi á hringtorgi þar til lögreglan kom Lífið Akureyringar komast loksins á Prikið Lífið Aukin lofthæð, Versace flísar, pottur og pool herbergi Lífið Vann til margra verðlauna fyrir stól sem slær í gegn Tíska og hönnun Lesbíska dragdrottningin sem er að sigra tónlistarheiminn Tónlist Stjörnulífið: „Þegar dagdrykkja fer úr böndunum“ Lífið Fleiri fréttir Leysir frá brandaraskjóðunni Er paprikan mín kvenkyns? Íslenskir dansarar sópa til sín verðlaunum á heimsmeistaramóti Aukin lofthæð, Versace flísar, pottur og pool herbergi Dvaldi í tjaldi á hringtorgi þar til lögreglan kom Akureyringar komast loksins á Prikið Myndaveisla: Metfjöldi á opnunarhelgi Hjarta Hafnarfjarðar Starfsfólkið í fyrsta sæti og börnin í öðru Stúlkur úr Listdansskóla Íslands hrepptu heimsmeistaratitil Tinna Brá og Ari Eldjárn færðu fertugsafmælið út á sjó Arnhildur tilnefnd til verðlauna Cara í kossaflensi á Glastonbury Stjörnulífið: „Þegar dagdrykkja fer úr böndunum“ Ellu Fitzgerald verðlaun til Laufeyjar Egill og Íris eignuðust stelpu Næturfærslur á Facebook heyra sögunni til Freyja snýr sér að þáttastjórnun Garðar Gunnlaugs að verða afi Andrés og Margrét gengin í það heilaga Bankaforstjóri selur glæsihýsi í Laugardalnum Myndaveisla: Suðræn stemning í afmælisveislu Tres Locos Allt í keng: Varð brátt í brók í vorveiðinni Keypti lóð Gylfa og Alexöndru á 225 milljónir Nostalgía og glænýr sumarsmellur Spænsk sumarveisla að hætti Maríu Gomez Sumarglaðningur Vigdísar og Ara Freys sparkaði sér í heiminn Dóttir Alfreðs og Fríðu komin með nafn Einstakt hönnunarhús í Hlíðunum með gufu, heitum potti og útisturtu Auðveldara að vera aðeins væmnari saman Ætla að fylla Borgarnes með mörgþúsund manns Sjá meira