Þórður Guðjóns og Siggi Jóns fengu Gullmerki ÍA

Sigurður Jónsson og Þórður Guðjónsson fengu þá báðir Gullmerki ÍA.

Báðir eru þeir uppaldir á Skaganum, komu snemma inn í meistaraflokkinn og snéru síðan aftur heim í ÍA eftir mörg ár í atvinnumennsku.

Sumarið 1993, þegar Skagamenn unnu tvöfalt, og skoruðu 62 mörk í 18 leikjum þá var Sigurður valinn leikmaður ársins og Þórður jafnaði markametið með því að skora nítján mörk í átján leikjum.

Gullmerki ÍA eru veitt þeim sem unnið hefur óumdeilanlega frábært starf í þágu félagsins sem og eigi skemur en tuttugu ár.

„Sigga Jóns þarf ekki að kynna fyrir Skagamönnum, svo vel þekkjum við hans sögu og hans aðkomu að knattspyrnunni á Akranesi. Siggi hefur nú starfað fyrir ÍA sem þjálfari í rúmlega átta ár og sjáum við fingraför hans alls staðar í okkar starfi, hvort sem það er yngri flokkastarf, meistaraflokksstarf eða leikmenn sem hafa orðið atvinnumenn, alls staðar er nafn Sigga ofarlega á blaði,“ segir í umfjöllun um verðlaun Sigurðar á fésbókarsíðu Knattspyrnufélags ÍA.

„Doddi er einn af neðri Skaga atvinnumönnunum sem elst upp á Merkurtúni og mótast þaðan sem knattspyrnumaður. Hann hóf feril sinn með meistaraflokki árið 1990, þá á 17 ári, og spilaði í heildina 148 leiki með Skagamönnum og skoraði í þeim 40 mörk. Doddi átti frábæran landsliðsferil, spilaði 92 landsleiki og skorði 29 mörk. Ferill hans sem atvinnumaður varð einnig farsæll. Hann kom síðan til starfa fyrir félagið og var framkvæmdastjóri knattspyrnufélagsins við góðan orðstír,“ segir í umfjöllun um verðlaun Þórðar á fésbókarsíðu Knattspyrnufélags ÍA.