Undirmönnun, álag og fyrirmæli sem komust ekki til skila Kjartan Kjartansson skrifar 26. maí 2023 11:10 Runólfur Pálsson, forstjóri Landspítalans, í Héraðsdómi Reykjavíkur í morgun. Hann staldraði stutt við í vitnastóli. Staðfesti aðeins að hann stæði við yfirlýsingu spítalans um andlátið frá því í janúar og var ekki spurður frekari spurninga. Vísir/Bjarni Forstjóri Landspítalans staðfesti að aðstæður á geðdeild hafi verið ófullnægjandi þegar kona lést þar fyrir tæpum tveimur árum í framburði fyrir dómi í morgun. Innri rannsókn spítalans leiddi í ljós að vaktin var undirmönnuð, mikið álag var á starfsfólki, fyrirmæli skiluðu sér ekki og sjúklingurinn ekki vistaður á heppilegum stað. Þá hafði ákærða unnið nítján vaktir á sextán dögum fyrir andlát sjúklingsins. Dökk mynd hefur verið dregin upp af aðstæðum á Landspítalanum við aðalmeðferð í máli héraðssaksóknara gegn Steinu Árnadóttur, 62 ára gömlum hjúkrunarfræðingi, sem er sökuð um að hafa valdið dauða konu með geðklofa á sextugsaldri á geðdeild spítalans 16. ágúst árið 2021. Steina er ákærð fyrir manndráp í opinberu starfi og brot gegn lögum um opinbera starfsmenn. Hún neitar sök. Á tíma álags í kórónuveirufaraldri og undir lok sumarleyfatímabils var vaktin á móttökugeðdeild 33A undirmönnuð og skipuð óreyndu starfsfólki, sjúklingurinn var sendur til baka af bráðamóttöku með lungnabólgu og endurlífgunarteymi spítalans sjálfs mætti aldrei. Sérstök atvikaskráning var gerð vegna óvænts atviks vegna þess að konan var flutt veik aftur á geðdeildina. Þrjár samstarfskonur Steinu báru við aðalmeðferð málsins á miðvikudag að hún hefði hellt tveimur flöskum af næringardrykk upp í sjúklinginn þar til hann missti meðvitund. Endurlífgunartilraunir báru ekki árangur og konan lést. Steina heldur því fram að hún hafi reynt að bjarga konunni þegar matur stóð í henni. Réttarlæknar telja að konan hafi kafnað vegna vökva sem teppti lungu hennar. Ekki var hægt að staðfesta að það væri næringardrykkurinn en læknarnir sögðu að konan hefði andað vökvanum að sér. Landspítalinn viðurkenndi í janúar að aðstæður á deildinni hefðu verið ófullnægjandi og að hann hefði brugðist starfsfólki. Ráðist hafi verið í umbætur innan geðþjónustunnar eftir atvikið: heilbrigðismenntuðu starfsfólki á vöktum hafi verið fjölgað, innra skipulagi þjónustunnar breytt og stoðþjónusta við deildir aukin. Runólfur Pálsson, forstjóri Landspítalans, mætti stuttlega í dómsal í morgun. Hann staðfesti að hafa komið að gerð tilkynningarinnar um að aðstæður á deildinni hefðu verið ófullnægjandi og að hann stæði enn við það mat. Aðalmeðferð málsins lýkur í dag. Rangt staðsett og fyrirmæli um fæði komust ekki til skila Elísabet Benedikz, yfirlæknir gæða- og sýkingavarnardeildar Landspítalans, fór yfir helstu niðurstöður svokallaðrar rótargreiningar á atburðunum í aðdraganda andlátsins, innri rannsóknar spítalans sjálfs, og það sem fór úrskeiðis. Við kjöraðstæður hefði þurft að leggja konuna inn á lyflækningadeild Landspítalans vegna lungnabólgunnar. Ekki hefði verið pláss fyrir hana þar, að minnsta kosti næsta sólarhringinn. Henni hefði liðið illa á bráðamóttökunni enda væru aðstæður þar erfiðar fyrir andlega óstöðugt fólk. Læknir á bráðamóttöku sem bar vitni í gær lýsti því þannig að konan hefði grátbeðið um að vera send aftur á geðdeildina. Skásti kosturinn hafi verið talinn að senda hana aftur á geðdeildina og gefa henni sýklalyf í æð og fylgjast grannt með lífsmörkum hennar. Mælingar með lífsmörkum konunnar voru þó ekki nógu þéttar samkvæmt rótargreiningunni. „Þannig að hún var kannski rangt staðsett,“ sagði yfirlæknirinn. Steina Árnadóttir í dómsal á miðvikudaginn. Hún bar vitni við upphaf aðalmeðferðarinnar en yfirgaf síðan dómsal. Hún hefur ekki verið viðstödd vitnaleiðslur í málinu.Vísir/Vilhelm Fyrirmæli voru um að konan fengi fljótandi fæði vegna þess að henni væri hætt við að svelgjast á vegna veikinda sinna. Þau náðu hins vegar ekki í gegn áður en kvöldmatur var pantaður og því barst matarbakki með föstu fæði merktur konunni á deildina. Sjúkraliði sem bar vitni á miðvikudag sagðist hafa fært konunni bakkann og hún fengið sér að borða. Konan hefði þó hvorki tuggið né kyngt heldur safnað matnum upp í sig. Aðrir starfsmenn deildarinnar báru um að konan hefði átt þetta til. Sjúkraliðinn sagðist hafa náð í Steinu á þessum tímapunkti en sjúklingurinn hefði þá verið rólegur og ekki í andnauð. „Sláandi “ að hafði unnið nítján vaktir á sextán dögum Mikið hefur verið rætt um mönnun á deildinni þegar konan lést. Spítalinn var enn á neyðarstigi vegna kórónuveirufaraldursins og sumarleyfatímabil stóð enn yfir. Samkvæmt reglubundnu mati spítalans sjálfs taldist mönnun ófullnægjandi til þess að framkvæma hjúkrunarverkefni hennar á dagvaktinni. Slíkt mat er ekki gert á kvöldvöktum en Steina var eini hjúkrunarfræðingurinn á henni og var ein með þremur mjög ungum samstarfsmönnum. Yfirlæknirinn sagði að hjúkrunarfræðingur hefði verið færður af kvöldvaktinni til að manna næturvakt og að ekki hefði tekist að fá afleysingu á kvöldvaktina. Deildin sem atvikið átti sér stað á er skipt í tvo ganga. Á hinum ganginum voru tveir hjúkrunarfræðingar á vakt en þar var sjúklingur með Covid-19 sem setti aukið álag þeim megin. Steina sjálf hafði unnið nítján vaktir á sextán dögum þegar konan lést í umsjá hennar, sjö aukavaktir umfram eigin vinnuskyldu. Yfirlæknirinn sagði það sláandi. Steina hafði verið kölluð úr sumarfríi um verslunarmannahelgina, um tveimur vikum áður. „Ekki allra“ Samstarfsfólk Steinu á geðdeildinni hefur margt lýst því að samskipti hennar við sjúklinga hafi ekki alltaf verið eins og best væri á kosið. Nokkur vitni hafa notað orðalagið að hún væri „ekki allra“. Hún hafi getað verið hvöss, skipandi og ekki sýnt sjúklingum nægilega virðingu. Aðstoðardeildarstjóri á geðdeildinni, sem var ekki á vaktinni þegar konan lést, tók sterkar til orða þegar hún kom fyrir dóminn í morgun. Fullyrti hann að Steina hefði ekki verið fagleg. „Það hafa náttúrulega allir kosti og galla en maður var alveg var við það hún var stundum, hvernig á að lýsa því, svona óviðeigandi. Kannski kom ekki alveg fram af virðingu eins og maður vildi og eftir verklagsreglum. Hún var ekki fagleg, ef ég á að segja eins og er,“ sagði aðstoðardeildarstjórinn. „En hún var jákvæð og vildi allt fyrir alla gera þannig líka.“ Aðstoðardeildarstjórinn sagði að þegar hún heyrði lýsingar samstarfskvenna Steinu af vaktinni þetta kvöld hafi henni fundist að bæði þær og sjúklingurinn hefðu verið beittar ofbeldi. Fréttin hefur verið uppfærð. Landspítalinn Andlát á geðdeild Landspítala til rannsóknar Geðheilbrigði Heilbrigðismál Dómsmál Tengdar fréttir Talin hafa kafnað vegna vökva sem teppti lungun Réttarlæknir telur að kona sem lést á geðdeild Landspítalans árið 2021 hafi kafnað vegna vökva sem náði djúpt ofan í lungu hennar. Hjúkrunarfræðingur er ákærður fyrir að valda dauða konunnar með því að hella ofan í hana næringardrykkjum. 26. maí 2023 06:01 Orð gegn orði um andlát sjúklings á geðdeild Grundvallarmunur er á lýsingum hjúkrunarfræðings sem er ákærður fyrir að valda dauða sjúklings á geðdeild Landspítalans og starfsmanna sem voru á vaktinni á því hvað gerðist. Hjúkrunarfræðingurinn neitaði að hafa hellt næringardrykk í sjúklinginn þar til hann missti meðvitund við aðalmeðferð málsins sem hófst í Héraðsdómi Reykjavíkur í morgun. 24. maí 2023 15:52 Mest lesið Konan í Bríetartúni komin á götuna Innlent „Hún gat ekki gefið neinar skýringar á þessu, hvorki mér né lögreglunni“ Innlent Hasar við Bríetartún 20: Verið að bera konuna út Innlent Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Innlent „Því miður er þetta þrautalending“ Innlent „Þetta er salami-leiðin“ Innlent „Ástandið er að versna“ Erlent Lítur það grafalvarlegum augum ef ráðherra fari ekki að lögum Innlent Fækkar herforingjum um fimmtung Erlent Reikningum Flokks fólksins lokað um stund Innlent Fleiri fréttir Þrír fluttir á sjúkrahús eftir umferðarslys við Smáralind Ekki talin yfirvofandi hætta en maðurinn geti orðið hættulegur Núverandi fyrirkomulag „virðist hylma yfir ábyrgð og gagnsæi“ Ítarleg skýrsla á borði ráðherra Inga skipar konu í stað karls í stjórn HMS Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Líkur á nýju gosi munu aukast þegar líða fer á haustið „Því miður er þetta þrautalending“ Reikningum Flokks fólksins lokað um stund „Hún gat ekki gefið neinar skýringar á þessu, hvorki mér né lögreglunni“ Konan í Bríetartúni komin á götuna Hækkandi matarverð hringir bjöllum hjá ráðherra Viðvörunarbjöllur óma vegna verðhækkana Lítur það grafalvarlegum augum ef ráðherra fari ekki að lögum Treystir Ingu til að leggja mat á hæfi stjórnarmanna og að lögum sé fylgt Konungshjónin tóku á móti Höllu og Birni Hasar við Bríetartún 20: Verið að bera konuna út „Þetta er salami-leiðin“ Gunnlaugur Claessen er látinn Bætir í vind og úrkomu í kvöld Byssum stolið úr bílskúr í Kópavogi Ekki standi til að sækja strandveiðiheimildir í aflamarkskerfið Ný stjórn Ungra umhverfissinna kjörin Skjálfti 4,8 að stærð í Bárðarbungu Konan „terroríseri“ alla í hryllingshúsinu Mannréttindastofnun Íslands tekin til starfa Segist „eiginlega sammála“ ákvörðun Amgen Vaknaði eldsnemma til að hefja veiðar þrátt fyrir slæma veðurspá „Engin örugg skref, bara eitt illa unnið pennastrik“ Kári Stefánsson í beinni, „hryllingshús“ og trillukarlar Sjá meira
Dökk mynd hefur verið dregin upp af aðstæðum á Landspítalanum við aðalmeðferð í máli héraðssaksóknara gegn Steinu Árnadóttur, 62 ára gömlum hjúkrunarfræðingi, sem er sökuð um að hafa valdið dauða konu með geðklofa á sextugsaldri á geðdeild spítalans 16. ágúst árið 2021. Steina er ákærð fyrir manndráp í opinberu starfi og brot gegn lögum um opinbera starfsmenn. Hún neitar sök. Á tíma álags í kórónuveirufaraldri og undir lok sumarleyfatímabils var vaktin á móttökugeðdeild 33A undirmönnuð og skipuð óreyndu starfsfólki, sjúklingurinn var sendur til baka af bráðamóttöku með lungnabólgu og endurlífgunarteymi spítalans sjálfs mætti aldrei. Sérstök atvikaskráning var gerð vegna óvænts atviks vegna þess að konan var flutt veik aftur á geðdeildina. Þrjár samstarfskonur Steinu báru við aðalmeðferð málsins á miðvikudag að hún hefði hellt tveimur flöskum af næringardrykk upp í sjúklinginn þar til hann missti meðvitund. Endurlífgunartilraunir báru ekki árangur og konan lést. Steina heldur því fram að hún hafi reynt að bjarga konunni þegar matur stóð í henni. Réttarlæknar telja að konan hafi kafnað vegna vökva sem teppti lungu hennar. Ekki var hægt að staðfesta að það væri næringardrykkurinn en læknarnir sögðu að konan hefði andað vökvanum að sér. Landspítalinn viðurkenndi í janúar að aðstæður á deildinni hefðu verið ófullnægjandi og að hann hefði brugðist starfsfólki. Ráðist hafi verið í umbætur innan geðþjónustunnar eftir atvikið: heilbrigðismenntuðu starfsfólki á vöktum hafi verið fjölgað, innra skipulagi þjónustunnar breytt og stoðþjónusta við deildir aukin. Runólfur Pálsson, forstjóri Landspítalans, mætti stuttlega í dómsal í morgun. Hann staðfesti að hafa komið að gerð tilkynningarinnar um að aðstæður á deildinni hefðu verið ófullnægjandi og að hann stæði enn við það mat. Aðalmeðferð málsins lýkur í dag. Rangt staðsett og fyrirmæli um fæði komust ekki til skila Elísabet Benedikz, yfirlæknir gæða- og sýkingavarnardeildar Landspítalans, fór yfir helstu niðurstöður svokallaðrar rótargreiningar á atburðunum í aðdraganda andlátsins, innri rannsóknar spítalans sjálfs, og það sem fór úrskeiðis. Við kjöraðstæður hefði þurft að leggja konuna inn á lyflækningadeild Landspítalans vegna lungnabólgunnar. Ekki hefði verið pláss fyrir hana þar, að minnsta kosti næsta sólarhringinn. Henni hefði liðið illa á bráðamóttökunni enda væru aðstæður þar erfiðar fyrir andlega óstöðugt fólk. Læknir á bráðamóttöku sem bar vitni í gær lýsti því þannig að konan hefði grátbeðið um að vera send aftur á geðdeildina. Skásti kosturinn hafi verið talinn að senda hana aftur á geðdeildina og gefa henni sýklalyf í æð og fylgjast grannt með lífsmörkum hennar. Mælingar með lífsmörkum konunnar voru þó ekki nógu þéttar samkvæmt rótargreiningunni. „Þannig að hún var kannski rangt staðsett,“ sagði yfirlæknirinn. Steina Árnadóttir í dómsal á miðvikudaginn. Hún bar vitni við upphaf aðalmeðferðarinnar en yfirgaf síðan dómsal. Hún hefur ekki verið viðstödd vitnaleiðslur í málinu.Vísir/Vilhelm Fyrirmæli voru um að konan fengi fljótandi fæði vegna þess að henni væri hætt við að svelgjast á vegna veikinda sinna. Þau náðu hins vegar ekki í gegn áður en kvöldmatur var pantaður og því barst matarbakki með föstu fæði merktur konunni á deildina. Sjúkraliði sem bar vitni á miðvikudag sagðist hafa fært konunni bakkann og hún fengið sér að borða. Konan hefði þó hvorki tuggið né kyngt heldur safnað matnum upp í sig. Aðrir starfsmenn deildarinnar báru um að konan hefði átt þetta til. Sjúkraliðinn sagðist hafa náð í Steinu á þessum tímapunkti en sjúklingurinn hefði þá verið rólegur og ekki í andnauð. „Sláandi “ að hafði unnið nítján vaktir á sextán dögum Mikið hefur verið rætt um mönnun á deildinni þegar konan lést. Spítalinn var enn á neyðarstigi vegna kórónuveirufaraldursins og sumarleyfatímabil stóð enn yfir. Samkvæmt reglubundnu mati spítalans sjálfs taldist mönnun ófullnægjandi til þess að framkvæma hjúkrunarverkefni hennar á dagvaktinni. Slíkt mat er ekki gert á kvöldvöktum en Steina var eini hjúkrunarfræðingurinn á henni og var ein með þremur mjög ungum samstarfsmönnum. Yfirlæknirinn sagði að hjúkrunarfræðingur hefði verið færður af kvöldvaktinni til að manna næturvakt og að ekki hefði tekist að fá afleysingu á kvöldvaktina. Deildin sem atvikið átti sér stað á er skipt í tvo ganga. Á hinum ganginum voru tveir hjúkrunarfræðingar á vakt en þar var sjúklingur með Covid-19 sem setti aukið álag þeim megin. Steina sjálf hafði unnið nítján vaktir á sextán dögum þegar konan lést í umsjá hennar, sjö aukavaktir umfram eigin vinnuskyldu. Yfirlæknirinn sagði það sláandi. Steina hafði verið kölluð úr sumarfríi um verslunarmannahelgina, um tveimur vikum áður. „Ekki allra“ Samstarfsfólk Steinu á geðdeildinni hefur margt lýst því að samskipti hennar við sjúklinga hafi ekki alltaf verið eins og best væri á kosið. Nokkur vitni hafa notað orðalagið að hún væri „ekki allra“. Hún hafi getað verið hvöss, skipandi og ekki sýnt sjúklingum nægilega virðingu. Aðstoðardeildarstjóri á geðdeildinni, sem var ekki á vaktinni þegar konan lést, tók sterkar til orða þegar hún kom fyrir dóminn í morgun. Fullyrti hann að Steina hefði ekki verið fagleg. „Það hafa náttúrulega allir kosti og galla en maður var alveg var við það hún var stundum, hvernig á að lýsa því, svona óviðeigandi. Kannski kom ekki alveg fram af virðingu eins og maður vildi og eftir verklagsreglum. Hún var ekki fagleg, ef ég á að segja eins og er,“ sagði aðstoðardeildarstjórinn. „En hún var jákvæð og vildi allt fyrir alla gera þannig líka.“ Aðstoðardeildarstjórinn sagði að þegar hún heyrði lýsingar samstarfskvenna Steinu af vaktinni þetta kvöld hafi henni fundist að bæði þær og sjúklingurinn hefðu verið beittar ofbeldi. Fréttin hefur verið uppfærð.
Landspítalinn Andlát á geðdeild Landspítala til rannsóknar Geðheilbrigði Heilbrigðismál Dómsmál Tengdar fréttir Talin hafa kafnað vegna vökva sem teppti lungun Réttarlæknir telur að kona sem lést á geðdeild Landspítalans árið 2021 hafi kafnað vegna vökva sem náði djúpt ofan í lungu hennar. Hjúkrunarfræðingur er ákærður fyrir að valda dauða konunnar með því að hella ofan í hana næringardrykkjum. 26. maí 2023 06:01 Orð gegn orði um andlát sjúklings á geðdeild Grundvallarmunur er á lýsingum hjúkrunarfræðings sem er ákærður fyrir að valda dauða sjúklings á geðdeild Landspítalans og starfsmanna sem voru á vaktinni á því hvað gerðist. Hjúkrunarfræðingurinn neitaði að hafa hellt næringardrykk í sjúklinginn þar til hann missti meðvitund við aðalmeðferð málsins sem hófst í Héraðsdómi Reykjavíkur í morgun. 24. maí 2023 15:52 Mest lesið Konan í Bríetartúni komin á götuna Innlent „Hún gat ekki gefið neinar skýringar á þessu, hvorki mér né lögreglunni“ Innlent Hasar við Bríetartún 20: Verið að bera konuna út Innlent Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Innlent „Því miður er þetta þrautalending“ Innlent „Þetta er salami-leiðin“ Innlent „Ástandið er að versna“ Erlent Lítur það grafalvarlegum augum ef ráðherra fari ekki að lögum Innlent Fækkar herforingjum um fimmtung Erlent Reikningum Flokks fólksins lokað um stund Innlent Fleiri fréttir Þrír fluttir á sjúkrahús eftir umferðarslys við Smáralind Ekki talin yfirvofandi hætta en maðurinn geti orðið hættulegur Núverandi fyrirkomulag „virðist hylma yfir ábyrgð og gagnsæi“ Ítarleg skýrsla á borði ráðherra Inga skipar konu í stað karls í stjórn HMS Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Líkur á nýju gosi munu aukast þegar líða fer á haustið „Því miður er þetta þrautalending“ Reikningum Flokks fólksins lokað um stund „Hún gat ekki gefið neinar skýringar á þessu, hvorki mér né lögreglunni“ Konan í Bríetartúni komin á götuna Hækkandi matarverð hringir bjöllum hjá ráðherra Viðvörunarbjöllur óma vegna verðhækkana Lítur það grafalvarlegum augum ef ráðherra fari ekki að lögum Treystir Ingu til að leggja mat á hæfi stjórnarmanna og að lögum sé fylgt Konungshjónin tóku á móti Höllu og Birni Hasar við Bríetartún 20: Verið að bera konuna út „Þetta er salami-leiðin“ Gunnlaugur Claessen er látinn Bætir í vind og úrkomu í kvöld Byssum stolið úr bílskúr í Kópavogi Ekki standi til að sækja strandveiðiheimildir í aflamarkskerfið Ný stjórn Ungra umhverfissinna kjörin Skjálfti 4,8 að stærð í Bárðarbungu Konan „terroríseri“ alla í hryllingshúsinu Mannréttindastofnun Íslands tekin til starfa Segist „eiginlega sammála“ ákvörðun Amgen Vaknaði eldsnemma til að hefja veiðar þrátt fyrir slæma veðurspá „Engin örugg skref, bara eitt illa unnið pennastrik“ Kári Stefánsson í beinni, „hryllingshús“ og trillukarlar Sjá meira
Talin hafa kafnað vegna vökva sem teppti lungun Réttarlæknir telur að kona sem lést á geðdeild Landspítalans árið 2021 hafi kafnað vegna vökva sem náði djúpt ofan í lungu hennar. Hjúkrunarfræðingur er ákærður fyrir að valda dauða konunnar með því að hella ofan í hana næringardrykkjum. 26. maí 2023 06:01
Orð gegn orði um andlát sjúklings á geðdeild Grundvallarmunur er á lýsingum hjúkrunarfræðings sem er ákærður fyrir að valda dauða sjúklings á geðdeild Landspítalans og starfsmanna sem voru á vaktinni á því hvað gerðist. Hjúkrunarfræðingurinn neitaði að hafa hellt næringardrykk í sjúklinginn þar til hann missti meðvitund við aðalmeðferð málsins sem hófst í Héraðsdómi Reykjavíkur í morgun. 24. maí 2023 15:52
Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Innlent
Óboðlegt að vera „friðardúfur“ í kosningabaráttu og horfa síðan þögul á „hryllingsmynd í beinni“ Innlent