Annie Mist í öðru sæti fyrir lokadaginn í Berlín

Í dag fóru fram fimmta og sjötta grein mótsins. Anni­e endaði í 5. sæti fjórðu greinar og 8. sæti fimmtu greinar og er hún sem stendur í 2. sæti í heildar stigakeppninni

Gabriela Migala frá Pól­landi átti virki­lega flottan dag og endaði í 3. sæti í fjórðu grein og 2. sæti í fimmtu grein. Með því tókst henni að hrifsa efsta sætið af Annie á mótinu.

Ragn­heiður Sara Sig­munds­dóttir er í 12. sæti eftir greinar dagsins, tuttugu og tveimur stigum frá hinni sænsku Ellu Wun­ger sem situr í 11. sæti, sem er jafn­framt síðasta sætið sem gefur þátt­töku­rétt á heims­leikunum í Cross­Fit í ágúst.

Þuríður Erla Helga­dóttir er sem stendur í 20. sæti mótsins og þá er Sól­veig Sigurðar­dóttir komin upp í 19. sæti.

Björg­vin Karl á skriði

Björg­vin Karl Guð­munds­son getur vel við unað eftir greinar dagsins. Hann endaði í 2. sæti í fjórðu grein og 11. sæti í fimmtu grein.

Með því hefur hann unnið sig upp í 8. sæti og fer upp um sjö sæti milli daga.

Lokagreinar mótsins fara fram á morgun.

Þrír Íslendingar eru komnir inn á heimsleikana en fimm gætu bæst í hópinn í einstaklingskeppninni og svo á Ísland einnig einn fulltrúa í liðakeppninni. Liðakeppnin hófst í gær en einstaklingskeppnin hefst í dag.

Ellefu karlar, ellefu konur og tíu lið tryggja sér sæti á heimsleikunum á þessu móti í Berlín.