Handbolti

Hanna fékk heiðursmerki HSÍ fyrir glæsilegan feril

Jón Már Ferro skrifar
Fáir leikmenn hafa litað íslenskan handbolta líkt og Hanna Guðrún Stefánsdóttir gerði á sínum ferli.
Fáir leikmenn hafa litað íslenskan handbolta líkt og Hanna Guðrún Stefánsdóttir gerði á sínum ferli. Vísir/Hulda Margrét

Hanna Guðrún Stefánsdóttir var heiðruð á lokahófi HSÍ fyrir langan og glæsilegan feril. Hún hlaut heiðursmerki HSÍ og er svo sannarlega vel að því komin.

Í vor lagði hún skóna á hilluna eftir langan og glæsilegan feril sem spannaði 28 ár. Þegar uppi er staðið er Hanna leikja- og markahæst í sögu Íslandsmótsins.

Á þessum tuttugu árum spilaði hún 142 landsleiki sem gerir hana að þriðju leikjahæstu landsliðskonu í sögunni. Hún er einnig næstmarkahæst með 458 mörk. 

Hanna fór með Íslandi á öll þrjú stórmótin sem kvennalandsliðið hefur komist á. Það er EM 2010 og 2012 og HM 2022.

Með félagsliðum sínum varð hún fimm sinnum Íslandsmeistari, fimm sinnum bikarmeistari og fimm sinnum markahæst. Hún lék með Haukum og Stjörnunni á Íslandi en fór tímabilið 2003 til 2004 til Danmerkur er hún lék með Team Tvis Holstebro.

Olís-deild kvenna Landslið kvenna í handbolta Stjarnan Haukar

Mest lesið


Fleiri fréttir

Sjá meira


×

Mest lesið