Þakk­lát for­seta Ís­lands fyrir bréf eftir and­lát dóttur sinnar

Lög­reglan á Suður­landi hefur and­lát Sofiu til rann­sóknar og er karl­maður í gæslu­varð­haldi grunaður um að hafa banað henni. Valda segist þakk­lát öllum þeim sem hafi veitt henni styrk á þessum erfiðu tímum og þakkar sér­stak­lega börnum sínum og syst­kinum Sofiu.

„Krakkarnir mínir hafa staðið sig eins og hetjur og ekki gefist upp, þau eru öll mætt til vinnu og hitta vini og fjöl­skyldu,“ skrifar Valda í færslu á sam­fé­lags­miðlinum Face­book. Hún þakkar sömu­leiðis vina­fólki sínu fyrir skil­yrðis­lausa ást og stuðning.

„Einnig langar mig að þakka for­seta Ís­lands, Guðna Th. Jóhannes­syni fyrir hand­skrifað bréf sem hann sendi og sýndi okkur stuðning á þessum erfiðu tímum og hans yndis­legu eigin­konu Elizu Reid sem gerði það jafn­framt og hefur boðið okkur að líta við.“

Í gæslu­varð­haldi í tvær vikur til við­bótar

Sveinn Kristján Rúnars­son, yfir­lög­reglu­þjónn á Suður­landi, segir í sam­tali við Vísi að maðurinn sem grunaður er um að hafa valdið Sofiu bana verði í gæslu­varð­haldi í tvær vikur til við­bótar hið minnsta.

Lög­regla kærði gæslu­varð­halds­úr­skurð Héraðs­dóms Suður­lands fyrir tveimur vikum síðan til Lands­réttar og fékk gæslu­varð­hald yfir manninum því fram­lengt um fjórar vikur. Sveinn segir lög­reglu hafa talið það nauð­syn­legt vegna biðar eftir gögnum er­lendis frá.

Maðurinn hefur verið í gæslu­varð­haldi í tæp­lega níu vikur. Sveinn segir lög­reglu enn bíða eftir loka­skýrslu úr krufningu en hann segir bráða­birgða­niður­stöður benda til þess að Sofiu hafi verið ráðinn bani.