Formaður og varaformaður hætta í stjórn Íslandsbanka Eiður Þór Árnason skrifar 18. júlí 2023 14:41 Finnur Árnason, Ari Daníelsson og Guðrún Þorgeirsdóttir eru öll á leið úr stjórn Íslandsbanka. íslandsbanki Finnur Árnason, Guðrún Þorgeirsdóttir og Ari Daníelsson gefa ekki kost á sér til áframhaldandi setu í stjórn Íslandsbanka. Finnur er núverandi stjórnarformaður bankans og Guðrún varaformaður. Tilnefningarnefnd bankans leggur til að Linda Jónsdóttir, framkvæmdastjóri rekstrar hjá Marel, verði kjörin nýr formaður stjórnar. Ari hefur setið í stjórn frá mars 2022 og komst í fréttir þegar greint var frá því að stjórnarmaðurinn hafi keypt bréf fyrir tæpar 55 milljónir króna í útboði á hlutum ríkisins í Íslandsbanka sem fram fór í fyrra. Samkvæmt Fjármálaeftirliti Seðlabanka Íslands var Ara óheimilt að taka þátt í útboðinu miðað við reglur um viðskipti stjórnenda. Íslandsbanka hefur borið töluvert á góma í opinberri umræðu vegna söluferlisins í fyrra.Vísir/Vilhelm Ný stjórn Íslandsbanka verður kjörin á hluthafafundi sem fram fer 28. júlí næstkomandi. Boðað var til fundarins í kjölfar þess að Fjármálaeftirlit Seðlabankans komst að þeirri niðurstöðu að starfsmenn bankans hafi brotið lög við framkvæmd útboðs á 22,5% eignarhlut ríkisins í Íslandsbanka í mars 2022. Í samkomulagi bankans við Seðlabankann gengst hann við því að hafa brotið gegn lögum við söluferlið og lýkur málinu með greiðslu 1,16 milljarða króna sektar. Birna Einarsdóttir sagði af sér sem bankastjóri Íslandsbanka í lok júní. Lögmaður og fyrrverandi fjármálastjóri Arion banka Tilnefningarnefnd Íslandsbanka hefur tilnefnt Lindu Jónsdóttur og Stefán Pétursson sem nýja stjórnarmenn og þá leggur valnefnd Bankasýslu ríkisins, sem fer með hlut ríkisins í Íslandsbanka, til að Haukur Örn Birgisson verði kjörinn inn í stjórn. Tilnefningarnefnd leggur til, í samráði við Bankasýslu ríkisins, að Linda verði kjörin nýr formaður stjórnar. Þetta kemur fram í tilkynningu tilnefningarnefndar sem birt var í dag. Stefán var fjármálastjóri Arion banka á árunum 2010 til 2021 og hefur starfað sem fjármálastjóri hjá lyfjaþróunarfyrirtækinu EpiEndo Pharmaceuticals ehf. frá árinu 2022, að sögn tilnefningarnefndar. Haukur er sagður hafa starfað sem lögmaður í um tvo áratugi og þar af sem sjálfstætt starfandi lögmaður í fimmtán ár. Stjórn Bankasýslu ríkisins tilnefnir þrjá einstaklinga í stjórn bankans og einn varamann en tveir þeirra sitja áfram í stjórn. Þetta eru Anna Þórðardóttir, Agnar Tómas Möller, Haukur Örn Birgisson sem kemur nýr inn, og svo Herdís Gunnarsdóttir, sem er tilnefnd til áframhaldandi setu í varastjórn. Tilnefningarnefnd Íslandsbanka leggur til að auk þeirra sem stjórn Bankasýslu ríkisins hafi tilnefnt, verði eftirtaldir einstaklingar kjörnir í stjórn Íslandsbanka: Linda Jónsdóttir, Frosti Ólafsson, Stefán Pétursson, Valgerður Skúladóttir, og Páll Grétar Steingrímsson sem varamaður. Líkt og fyrr segir er lagt til að Linda og Stefán komi ný inn í stjórn en aðrir eru tilnefndir til áframhaldandi stjórnarsetu. „Þegar litið er til baka var margt sem draga má lærdóm af,“ sagði Finnur nýverið um framkvæmd söluútboðsins í ársskýrslu Íslandsbanka og sagði ljóst að bankinn hefði átt að standa sig betur „í ákveðnum þáttum.“ Auk Birnu Einarsdóttur bankastjóra og áðurnefndra stjórnarmanna hafa fleiri hætt hjá bankanum eftir niðurstöðu Fjármálaeftirlitsins. Þeirra á meðal eru Ásmundur Tryggvason, framkvæmdastjóri á sviði fyrirtækja og fjárfesta, og Atli Rafn Björnsson, sem stýrði fyrirtækjaráðgjöf bankans. Hafi víðtæka reynslu úr íslensku atvinnulífi Í skýrslu tilnefningarnefndar Íslandsbanka kemur fram að Linda Jónsdóttir sé framkvæmdastjóri rekstrar hjá Marel. Hún hafi áður verið fjármálastjóri fyrirtækisins og þar áður forstöðumaður fjárstýringar, fjármögnunar og fjárfestatengsla. Linda Jónsdóttir er tilnefnd í sæti nýs formanns stjórnar Íslandsbanka.Marel „Linda hefur yfirgripsmikla alþjóðlega reynslu af stjórnun, fjármálum, hugbúnaði og rekstri í gegnum störf sín hjá Marel, en hjá félaginu starfa um 8.000 manns í yfir 30 löndum og veltir árlega 1,7 milljarði evra. Linda hefur einnig víðtæka starfsreynslu úr íslensku atvinnulífi frá störfum sínum fyrir Eimskip, Burðarás og Straum fjárfestingarbanka. Linda situr í stjórn Vísindagarða og hefur áður sinnt stjórnarstörfum fyrir Viðskiptaráð Íslands og Framtakssjóð Íslands (FSÍ),“ segir í ágripi tilnefningarnefndar. Linda er sögð vera með meistaragráðu í Fjármálum fyrirtækja frá Háskólanum í Reykjavík, Cand. Oecon gráðu frá Viðskiptafræðideild Háskóla Íslands, og löggildingarpróf í verðbréfamiðlun. Þá eigi Linda 12.659 hluti í Íslandsbanka og maki hennar 12.659 hluti. Fréttin hefur verið uppfærð. Salan á Íslandsbanka Kauphöllin Íslandsbanki Íslenskir bankar Tengdar fréttir Ný stjórn kosin á hluthafafundi Stjórn Íslandsbanka hefur boðað til hluthafafundar í lok mánaðar þar sem kosið verður í stjórn, varastjórn og embætti formanns stjórnar auk þess sem fjallað verður um sátt bankans við Fjármálaeftirlit Seðlabanka Íslands. 2. júlí 2023 14:01 Boðað til hluthafafundar í lok júlí Finnur Árnason, formaður stjórnar Íslandsbanka, segir að boðað verði til hluthafafundar bankans þann 28. júlí. Hann segir síðustu daga hafa verið erfiða. Nýr bankastjóri er tekinn við. 28. júní 2023 11:59 Mest lesið Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Innbú Play til sölu: Gæti aflað búinu fjórtán milljóna króna Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent Eva og Guðrún nýir forstöðumenn hjá Icelandair Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Fleiri fréttir Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Sjá meira
Ari hefur setið í stjórn frá mars 2022 og komst í fréttir þegar greint var frá því að stjórnarmaðurinn hafi keypt bréf fyrir tæpar 55 milljónir króna í útboði á hlutum ríkisins í Íslandsbanka sem fram fór í fyrra. Samkvæmt Fjármálaeftirliti Seðlabanka Íslands var Ara óheimilt að taka þátt í útboðinu miðað við reglur um viðskipti stjórnenda. Íslandsbanka hefur borið töluvert á góma í opinberri umræðu vegna söluferlisins í fyrra.Vísir/Vilhelm Ný stjórn Íslandsbanka verður kjörin á hluthafafundi sem fram fer 28. júlí næstkomandi. Boðað var til fundarins í kjölfar þess að Fjármálaeftirlit Seðlabankans komst að þeirri niðurstöðu að starfsmenn bankans hafi brotið lög við framkvæmd útboðs á 22,5% eignarhlut ríkisins í Íslandsbanka í mars 2022. Í samkomulagi bankans við Seðlabankann gengst hann við því að hafa brotið gegn lögum við söluferlið og lýkur málinu með greiðslu 1,16 milljarða króna sektar. Birna Einarsdóttir sagði af sér sem bankastjóri Íslandsbanka í lok júní. Lögmaður og fyrrverandi fjármálastjóri Arion banka Tilnefningarnefnd Íslandsbanka hefur tilnefnt Lindu Jónsdóttur og Stefán Pétursson sem nýja stjórnarmenn og þá leggur valnefnd Bankasýslu ríkisins, sem fer með hlut ríkisins í Íslandsbanka, til að Haukur Örn Birgisson verði kjörinn inn í stjórn. Tilnefningarnefnd leggur til, í samráði við Bankasýslu ríkisins, að Linda verði kjörin nýr formaður stjórnar. Þetta kemur fram í tilkynningu tilnefningarnefndar sem birt var í dag. Stefán var fjármálastjóri Arion banka á árunum 2010 til 2021 og hefur starfað sem fjármálastjóri hjá lyfjaþróunarfyrirtækinu EpiEndo Pharmaceuticals ehf. frá árinu 2022, að sögn tilnefningarnefndar. Haukur er sagður hafa starfað sem lögmaður í um tvo áratugi og þar af sem sjálfstætt starfandi lögmaður í fimmtán ár. Stjórn Bankasýslu ríkisins tilnefnir þrjá einstaklinga í stjórn bankans og einn varamann en tveir þeirra sitja áfram í stjórn. Þetta eru Anna Þórðardóttir, Agnar Tómas Möller, Haukur Örn Birgisson sem kemur nýr inn, og svo Herdís Gunnarsdóttir, sem er tilnefnd til áframhaldandi setu í varastjórn. Tilnefningarnefnd Íslandsbanka leggur til að auk þeirra sem stjórn Bankasýslu ríkisins hafi tilnefnt, verði eftirtaldir einstaklingar kjörnir í stjórn Íslandsbanka: Linda Jónsdóttir, Frosti Ólafsson, Stefán Pétursson, Valgerður Skúladóttir, og Páll Grétar Steingrímsson sem varamaður. Líkt og fyrr segir er lagt til að Linda og Stefán komi ný inn í stjórn en aðrir eru tilnefndir til áframhaldandi stjórnarsetu. „Þegar litið er til baka var margt sem draga má lærdóm af,“ sagði Finnur nýverið um framkvæmd söluútboðsins í ársskýrslu Íslandsbanka og sagði ljóst að bankinn hefði átt að standa sig betur „í ákveðnum þáttum.“ Auk Birnu Einarsdóttur bankastjóra og áðurnefndra stjórnarmanna hafa fleiri hætt hjá bankanum eftir niðurstöðu Fjármálaeftirlitsins. Þeirra á meðal eru Ásmundur Tryggvason, framkvæmdastjóri á sviði fyrirtækja og fjárfesta, og Atli Rafn Björnsson, sem stýrði fyrirtækjaráðgjöf bankans. Hafi víðtæka reynslu úr íslensku atvinnulífi Í skýrslu tilnefningarnefndar Íslandsbanka kemur fram að Linda Jónsdóttir sé framkvæmdastjóri rekstrar hjá Marel. Hún hafi áður verið fjármálastjóri fyrirtækisins og þar áður forstöðumaður fjárstýringar, fjármögnunar og fjárfestatengsla. Linda Jónsdóttir er tilnefnd í sæti nýs formanns stjórnar Íslandsbanka.Marel „Linda hefur yfirgripsmikla alþjóðlega reynslu af stjórnun, fjármálum, hugbúnaði og rekstri í gegnum störf sín hjá Marel, en hjá félaginu starfa um 8.000 manns í yfir 30 löndum og veltir árlega 1,7 milljarði evra. Linda hefur einnig víðtæka starfsreynslu úr íslensku atvinnulífi frá störfum sínum fyrir Eimskip, Burðarás og Straum fjárfestingarbanka. Linda situr í stjórn Vísindagarða og hefur áður sinnt stjórnarstörfum fyrir Viðskiptaráð Íslands og Framtakssjóð Íslands (FSÍ),“ segir í ágripi tilnefningarnefndar. Linda er sögð vera með meistaragráðu í Fjármálum fyrirtækja frá Háskólanum í Reykjavík, Cand. Oecon gráðu frá Viðskiptafræðideild Háskóla Íslands, og löggildingarpróf í verðbréfamiðlun. Þá eigi Linda 12.659 hluti í Íslandsbanka og maki hennar 12.659 hluti. Fréttin hefur verið uppfærð.
Salan á Íslandsbanka Kauphöllin Íslandsbanki Íslenskir bankar Tengdar fréttir Ný stjórn kosin á hluthafafundi Stjórn Íslandsbanka hefur boðað til hluthafafundar í lok mánaðar þar sem kosið verður í stjórn, varastjórn og embætti formanns stjórnar auk þess sem fjallað verður um sátt bankans við Fjármálaeftirlit Seðlabanka Íslands. 2. júlí 2023 14:01 Boðað til hluthafafundar í lok júlí Finnur Árnason, formaður stjórnar Íslandsbanka, segir að boðað verði til hluthafafundar bankans þann 28. júlí. Hann segir síðustu daga hafa verið erfiða. Nýr bankastjóri er tekinn við. 28. júní 2023 11:59 Mest lesið Telur um dulda launahækkun skrifstofufólks að ræða Viðskipti innlent Segja falda launauppbót hjá níu af hverjum tíu stofnunum ríkisins Viðskipti innlent Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent Nú er ekki hægt að afskrá flugvélar nema að greiða gjöldin Viðskipti innlent Innbú Play til sölu: Gæti aflað búinu fjórtán milljóna króna Viðskipti innlent Ísland verði leiðandi í þróun varna og viðskipta á Norðurslóðum Viðskipti innlent Eva og Guðrún nýir forstöðumenn hjá Icelandair Viðskipti innlent „Það er kennitöluflakk í skilgreiningu sinni“ Viðskipti innlent Bein útsending: Er gervigreindin alvöru tækifæri fyrir Ísland? Viðskipti innlent Óvæntur atvinnumissir: Óttinn verstur en mörg góð ráð Atvinnulíf Fleiri fréttir Innbú Play til sölu: Gæti aflað búinu fjórtán milljóna króna Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Eva og Guðrún nýir forstöðumenn hjá Icelandair Nú er ekki hægt að afskrá flugvélar nema að greiða gjöldin Telur um dulda launahækkun skrifstofufólks að ræða Davíð Ernir til liðs við Athygli Netvís tekur við af SAFT Bein útsending: Er gervigreindin alvöru tækifæri fyrir Ísland? Ísland verði leiðandi í þróun varna og viðskipta á Norðurslóðum Segja falda launauppbót hjá níu af hverjum tíu stofnunum ríkisins „Það er kennitöluflakk í skilgreiningu sinni“ Einar rýfur þögnina: Vísar kenningum um fléttu á bug Bein útsending: Ársfundur atvinnulífsins Spá óbreyttum stýrivöxtum í næstu viku „Hef engar upplýsingar um að eitthvað óeðlilegt hafi átt sér stað“ 208 sagt upp í fimm hópuppsögnum Einn stofnenda Play og Leifur í framkvæmdastjórn Icelandair Eiríkur Orri til Ofar Samkaup eignast 38 prósenta hlut í Kjötkompaní Segir stjórnendur ætla að skilja skuldirnar eftir á Íslandi „Það verður andskoti flókið“ Kaupfélagið á bak við risaviðskipti í Iceland Seafood Múlakaffi nýtir farþegamiðstöðina yfir veturinn „Við munum gæta réttar kröfuhafa í hvívetna“ Viðkvæm staða í björgunaraðgerðum Play Europe Horfa fram á tugmilljarða samdrátt og bíða í ofvæni eftir loðnufréttum Hætti korteri eftir peppfund með Möltufólkinu Isavia gefur strandaglópum engin grið Ásgeir og Darri til Landslaga Sahara og Olís tilnefnd til tvennra alþjóðlegra verðlauna Sjá meira
Ný stjórn kosin á hluthafafundi Stjórn Íslandsbanka hefur boðað til hluthafafundar í lok mánaðar þar sem kosið verður í stjórn, varastjórn og embætti formanns stjórnar auk þess sem fjallað verður um sátt bankans við Fjármálaeftirlit Seðlabanka Íslands. 2. júlí 2023 14:01
Boðað til hluthafafundar í lok júlí Finnur Árnason, formaður stjórnar Íslandsbanka, segir að boðað verði til hluthafafundar bankans þann 28. júlí. Hann segir síðustu daga hafa verið erfiða. Nýr bankastjóri er tekinn við. 28. júní 2023 11:59
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent
Rifjar Ímon-málið upp 17 árum seinna: „Hreint og beint ofbeldi af hálfu opinberra starfsmanna“ Viðskipti innlent